Aktualitatea

Danimarka, Suedia, Espainia eta Txekiar Errepublikako taldeak lehiatuko dira Getxo Jazzeko Talde Lehiaketako finalean

Flux (Danimarka), Kristian Brink Quartet (Suedia), Tutusaus Septet (Espainia) eta Ondrek Pivec Organic Quartet (Txekiar Errepublika) taldeak aukeratu ditu epaimahaiak eta garagarrilaren 8tik 12ra joko dabe Getxoko XXXII. Jazz Jaialdian, lehiaketako lehen saria eskuratzeko.

Elekak eta 'Le Journal du Pays Basque'-k ‘Sarean zer’ aplikazinoa garatu dabe

Aplikazino eleaniztun honen bidez, 'Le Journal' egunkari digitalean (www.lejpb.com) argitaratzen diran barriak beste agerkari digitaletan argitaratzen diran gai bereko barriakaz lotuko dira.

Gernika-Lumoko Udalak eta Kontseiluak ‘Bai Euskarari’ hitzarmena sinatu dabe

Hitzarmen honi esker, herriko 250 enpresa, saltoki eta alkarteen artean euskerearen normalizazinoaren aldeko konpromisoa zabalduko da. Hitzarmenak urtebeteko iraupena izango dau eta epe horretan, ziurtagiria eskuratu gura daben enpresa, saltoki eta alkarteek euskerearen aldeko neurri zehatzak hartu beharko ditue.

Eusko Jaurlaritzeak monumentu izentau dau Añanako Zambrana-Herran jauregia

Zambrana-Herran sendiaren jauregia Gesaltza Añanan dago. Pedro de Zambranak aginduta 1695. urtean eregiten hasia, XVII. mendeko jauregi bikaina da, eta haren trazadura kultua (herrian dagozan bizitegirako eraikinen artean, Ozpinastarren jauregia baino ez dago haren parean) erraz nabarmentzen da inguruko eraikinen aldean, konposizinoaren kalidadeagaitik.

Euskal etxe barri bat sortu da Argentinan

Eusko Jaurlaritzako Gobernu Kontseiluak ofizialtasuna emon deutso Argentinako Rio Gallegos uriko 'Santa Cruz Hegoalde Argentinarra' izeneko euskal etxeari.

Lotu arren, txakurra txakur... Eta gizona gizon

Gernikan hiru enpresa gehiagok parte hartu eben igaz ‘Geure Berbie Euskeraz’ kanpainan

2001ean hasi zan Udala enpresa txikien arloa jorratzen eta sei urte honeetan, 32 izan dira baliabide urriak izan arren, hizkuntza normalizazinoaren aldeko apustu garbia egin daben enpresa txikiak.

Itsuentzako zinema-aretoa sortu dabe Pekinen

Uriaren erdialdean dagoan Xinmu aretoak zapaturo pelikula bat eskaintzen dau. Itsuek alkarrizketak entzuten dituen bitartean, GKE bateko boluntario batek pantailan ikusten dana kontetan dau.

‘Kontsumitzaileen hizkuntza-eskubideak bermatzeko arau egokia behar dogu’

EAEko Kontsumitzaileen Eskubideen Dekretu-proposamenaren ondorioz, unibersalak diran hizkuntza-eskubideak urratzeko bidea eskaintzen dala ikusirik, bere horretan onartzeaz bat, Kontseilua errekurtsoa jarteko aukerak aztertzen ari da.

Donostiako XXXII. Nazinoarteko Urpeko Zinema Zikloak 26 pelikula eskainiko ditu martiaren 25etik 29ra

Aurten ikusiko diran 26 pelikulak sei herrialdetatik helduko dira (Japonia, Italia, Belgika, Alemania, Espainia eta Frantziatik), eta munduko leku askotan hartutako irudiak ditue, besteak beste, Kantauri itsasoan, Indonesian, Kanaria Handian, Kalifornian, Medas ugarte kataluniarretan, Turkiako kostan, Kolonbian edota Sardinian.

SPRIk Istanbuleko bulegoa zabaldu eta euskal enpresen lehenengo topaketea antolatu dau bertan

Bulego barri honegaz erakundearen kanpo sareak 39 herrialde hartzen ditu. Bulegoa Istanbulen dago, hau da, Turkiako ekonomiaren bihotzean, eta bere asmoa da eskatzen daben euskal enpresa guztiei laguntza personalizatua emotea.

D ereduko matrikulazinoa bultzatzeko kanpainea Nafarroan

Azken urteotan, bi erakundeek era horretako kanpainak bultzatu ditue, Nafarroako Gobernuko Hezkuntza sailak egin beharreko lana eginez, derrigorrezko hezkuntzaren eskaeran Nafarroako familien heren baten eskaerea izan arren.

Bad Religion kaliforniarrek Barakaldon joko dabe bagilean

Greg Graffin abeslariak, Jay Bentley baju-jotzaileak, Brooks Wackerman bateriak eta Greg Hetson, Brian Baker eta Mr. Brett gitarristek osotutako taldeak Rockstar aretoan joko dau bagilaren 21ean, taldearen mundu mailako birearen barruan.

'Blas de Otero-Bilboko Uria Nazinoarteko Poesia Saria' aurkeztu dabe

Literatur sormena sustatzeko eta bilbotarrei bertako idazlerik handienetakoa izan zanaren lana hurreratzeko helburuagaz, Bilboko Udaleko Kultura eta Hezkuntza Sailak eta Blas de Otero Fundazinoak Bilboko poetearen oroimenezko Nazinoarteko Poesia Lehiaketea sortu dabe. Lanak bagilaren 15a baino lehen bialdu behar dira Barrainkuako Kultur Etxera.

Txillardegi eta Xarriton omenduko ditu EIEk zapatuan Durangon egingo dauen Batzar Orokorrean

Euskal Idazleen Elkartearen (EIE) 25. urteurrenaren harian, Piarres Xarriton eta Jose Luis Alvarez Enparantza ‘Txillardegi’ omenduko ditu alkarteak Durangoko Plateruena kafe antzokian datorren zapatuan, hilaren 15ean.

Alfonso Sastre eta Carlos Gil izango Bilboko Bidebarrieta Kulturgunearen ‘Eztabaidak literatureagaz’ zikloan

‘Eztabaidak literatureagaz’ programearen helburua jenteari lehen mailako idazleakaz topo egiteko gune bat eskaintzea da, alkarrizketearen bidez idazteagaz zerikusia daben auziak planteetako aukerea emongo deutsona.