BizBAKek euskal haur eta gazte literaturea jorratuko dau

| Ikusi handiago | Argazki originala

Garagarrilaren 6tik 8ra bitartean, Bilboko Bizkaia Aretoan eskainiko da Euskal haur eta gazte literaturea ikastaroa. Mota horretako literatureari buruzko ikuspegi zabala eskaintzea dau helburu.

UPV/EHUk antolatzen dituan Bizkaia Bilbao Arte eta Kultura (BizBAK) ikastaroetako bat da Euskal haur eta gazte literaturea, Jon Kortazarrek eta José Manuel López Gasenik koordinau dabena.

Adituakaz batera, euskal egileek euren lanen barri emongo dabe, eta ikasgeletan emoten dabilzan esperientzia barrien adierazpenak azalduko ditue. Kanpoko adituek, barriz, gaur egun oso erabilia dan Internet Sarearen eragina erakutsiko dabe.

Hizlarien artean, Xabier Etxaniz, Manu López Gaseni, Miren Agur Meabe eta Juan Cruz Igerabide izango dira. Gemma Lluch irakasleak haur eta gazte literaturearen eremu zabalean ez galtzeko erabili behar doguzan erispideei buruz egingo deusku berba. Bestalde, Mariasun Landaren eta Felipe Juaristiren obrea aztertuko dabe beste aditu batzuek.

Garagarrilak 6

09:00 Dokumentazinoaren banaketea.
09:15 Haur eta gazte literaturaren historiaz ohar batzuk. Hizlaria: Xabier Etxaniz EHU/UPV.
10:45 Munduko haur eta gazte literatura euskaraz. Hizlaria: Manu Lopez Gaseni EHU/UPV.
12:15 Gazte literaturaz nire ikuspegia. Hizlaria: Miren Agur Meabe, idazlea

Garagarrilak 7

09:00 Dokumentazinoaren banaketea.
09:15 Felipe Juaristiren gazte literaturea. Hizlaria: Jon Kortazar, EHU/UPV.
10:45 Mariasun Landaren haur eta gazte literaturea. Hizlaria: Amaia Serrano EHU/UPV.
12:15 Haur poesiaz. Hizlaria: Juan Kruz Igerabide, idazlea.

Garagarrilak 8

09:00 Dokumentazinoaren banaketea.
09:15 Txilikuren haur eta gazte literaturea. Hizlaria: Javier Rojo Cobos, EHU/UPV.
10:45 Tertulia Dialogikoak: Juan Kruz Igerabideren haur poesia. Hizlaria: Miren Billelabetitia, IHES Mungia.
12:15 Grupos de selección y criterios para la selección de obras de literatura infantil y juvenil. Hizlaria: Gemma Lluch, Valentziako Unibersidadea.