Aktualitatea

Euskadi-Akitania arteko musika topaketak eta alkartrukeak

Helburua aitatu eskualdeen arteko hartu-emon kultural eta komertzialak sendotu eta bultzatzea da. Topaketak Bordeleko Rock School Barbeyn izango dira maiatzaren 13an. Eskualde bietako profesionalen arteko aurkezpen eta eztabaidez gan, ikuslego osoarentzat kontzertua izango da Bidaia, Ruper Ordorika eta Koma Euskal taldeakaz eta Akitaniako Aerôflôt taldeagaz.

Komunikazino arloko teknologiaren aurrerapenak aztertuko ditue Euskalduna Jauregian

Maiatzaren 13tik 15era bitartean Bilboko Euskalduna Jauregian egingo dan 'Symposium on Broadband Multimedia Systems and Broadcasting' (BMSB) biltzarrak 170 aditu batuko ditu, Europatik, Asiatik eta Ipar Amerikatik, Hego Amerikatiko eta Afrikatik etorritakoak, multimedia teknologien ganean jarduteko.

'Egunean bi baso ardao edateak gibeleko koipea gitxitzen laguntzen dau'

Elizabeth Hijona Muruamendiaraz (Lazkao, 1981) EHUko Biokimikako lizentziadunak eta Dietetika eta Elikaduran espezializatuak bere ikerketa batean ondorioztatu dau egunean bi baso ardao edateak gibeleko koipea gitxitzen laguntzen dauela.

Windows 7ren beta bertsinoa doban

Microsoft enpresearen jokabideen artean ez da holakorik izaten baina, oraingoan, 'Windows 7' sistema operatibo barriaren azken bertsinoa (beta bertsinoa, aprobak egitekoa dana) doban deskargetako aukerea emoten deusku.

Arriaga Antzokiak eta BBK-k lankidetza-hitzarmena sinatu dabe kultur programazino egonkorra eskaintzeko

BBK eta Arriaga Antzokiari esker, Kale Nagusiko 19-21eko BBK Sala arte eszenikoei, jantzeari eta musikeari zuzendutako espazio barri bilakatuko da, eta, berenberegi, kontuan izango dira Euskadiko formatu txikiko eta ertaineko konpainiak eta jantza, musika eta forma eszeniko barrietako euskal profesionalak.

Getxoko Andres Isasi Udal Musika Eskolako Bandeak Oskorri taldeagaz joko dau barikuan

Getxoko Andra Mari auzoko zaindari Isidro Deunaren egunagaz bat, eta auzo horretako jaietako egitarauaren barruan, Oskorri taldeak kontzertua eskainiko dau Getxoko Andres Isasi Udal Musika Eskolako Bandeagaz batera. Maiatzaren 15ean, emonaldia 20:00etan hasiko da kiroldegiko aparkalekuan, eta sarrerea dobakoa izango da.

Zorioneko krisia betirako geratuko ete da geure artean?

IV. Mintza Eguna, mingaina jantzan jarten dogunon eguna

Euskaldunon komunidadea zabaltzeko, euskerazko hartu-emon sareak sortuz euskaldunon hizkuntza komunidadea zabaltzeko asmoz, laugarrenez ospatuko da Mintza Eguna aurten, non eta Gasteizen, bagilaren 6an.

'Ziortzako Kontzertuak' zikloak maiatzeko azken hiru asteburuak alaituko ditu

Honezkero hogei edizinotan antxinako musikearen, eleiza-musikearen eta musika barrokoaren interprete ezagunenek parte hartu daben 'Ziortzako Kontzertuak' zikloak, beste urte batez, XXI. edizinoagaz, maiatzaren azken hiru astegoienak hartuko ditu Ziortzako kolegiatan eta Markina-Xemeineko Andra Mari eleizan.

Xabier de Felipe biolinista gaztearen aurkezpen Kontzertua asteon Bilbon

Juventudes Musicales de Bilbao erakundeak antolatuta, Xabier de Felipe bilbotarrak solista moduan egingo dauen lehen Errezitaldia, maiatzaren 13an, arratsaldeko 19:30etan izango da, Sociedad Bilbainako Musika Aretoan (Navarra Kalean) eta Bach, Schumann, Lutoslawski eta Debussyren obrak joko ditu.

Klima aldaketeari buruzkoa da ZIO bildumearen 8. alea eta gaur, hilak 11, aurkeztuko dau EHUk

EHUko iturriek adierazo dabenez, Amerikako Estadu Batuetako (AEB) Gobernuaren aholkulariak zirala hasi ziran alkarlanean, eta lankidetza horren emoitzea da liburu hau. Bertan klima aldaketeari buruzko eztabaida korapilatsuan erabilten diran argudio zientifiko eta politikoak argitzen saiatu dira.

Muted taldeak ez dau metala ahaztu hirugarren diskoan: 'Inox'

Orain dala sei urte Abadiñon sortutako taldeak Inox izeneko hirugarren diskoa kaleratu dau Muted-ek Baga-biga diskoetxearen eskutik. Metal estiloari melodia ganeratu eta erabateko indarra emoten deutse kantei, rap-ikutu eta, tartean, pop kutsuagaz be bai, jantzarako estiloak be nahastauta. 'Ahots melodikoei garrantzi handiagoa emotea erabagi dogu', dinoe taldekideek.

Larrabetzuko Literatura Eskolearen V. urteurrenagaz bat egingo dauen Literaldia antolatu dabe bagilerako

Larrabetzuko Literatura Eskoleak 5 urte beteko ditu aurten. Urteotako lan hori jentartera zabaltzeko helburuagaz, literaturea aldarrikatuko dauen Euskal Herri mailako ekitaldi publikoa, Literaturia, antolatu dabe bagilaren 5etik 7ra.

Emakumeen musikagintzea hurreratuko dau Getxora IX. Emakumeak Musikan jaialdiak

Emakumeak Musikan jaialdiaren bederatzigarren edizinoa gaur, hilak 8, hasiko da Getxon (Bizkaia). Emakumeen musikagintzea bultzatzea helburu dauen ekimenak hiru saio eskainiko ditu domekara arte Areetako Andres Isasi musika eskolan. Kontzertuetan hainbat estilo eta garaitako piezak entzun ahal izango dira, guztiak emakumek idatzitakoak.

Udabarriko XXV. Bertso Saioak Santutxun

Santutxuko Bertso Eskoleak eta Bilboko Udaleko Kultura eta Hezkuntza Sailak antolatzen daben jaialdi honetan, ohiko hiru erakustaldi eta bertsolarien bat-bateko jardunaz gan, musikea eta film laburrak buztartuko dituan beste ekitaldi bat be ikusi ahal izango dira.