Eleizetan zikloak musikaz beteko ditu Amorebieta-Etxanoko eleiza eta baseleizak

Bizkaie! 2026-09-04 12:39   Musikea

Espliego Folk, Irati Bilbao, Aitor Huergo, Haria Laukotea (Musikene), Jou González eta Marta Cara eta AMCB izango dira 2026ko edizinoko protagonistak.

Musikeak barriro beteko ditu Amorebieta-Etxanoko eleiza eta baseleizak irailean, Eleizetan zikloaren eskutik. 2026ko edizinoak sei kontzertu eskainiko ditu irailaren 5etik 20ra, udalerriko ondarearen parte diran hainbat espaziotan askotariko musika-proposamenak eskainiz.

Eleizetan 2002tik atontzen da ganbera musikako zikloa da eta musikaz gozeteaz gan, Amorebieta-Etxanoko ondare monumentala ezagutarazotea be badau helburu. Programeak kalidadeko kontzertuak eskaintzen ditu, formatu hurbil eta zuzenean, hainbat estilo musikal buztartuz.

Aurten, kontzertuak Amorebieta-Etxanoko Andra Mari eleizan eta Boroa, Dudea, Garaitondo eta Bernagoitia auzoetako baseleiza eta eleizetan egingo dira.

Egitaraua

Programazioa irailaren 5ean, zapatuan, hasiko da, 20:00etan, Espliego Folk taldearen kontzertuagaz, Etxanoko Andra Mari eleizan.

Hurrengo egunean, irailaren 6an, domekan, 19:00retan, Irati Bilbaok kantauko dau Boroako San Pedro baseleizan.

Bigarren astegoienean, Aitor Huergo izango da protagonista irailaren 12an, zapatuan, 20:00etan, Dudeako San Miguel baseleizan.

Haria Laukotea (Musikene) taldeak kontzertua eskainiko dau irailaren 13an, domekan, 19:00retan, Garaitondoko San Isidro baseleizan.

Azken astegoienean, Jou González eta Marta Cararen txandea izango da irailaren 19an, zapatuan, 20:00etan, Bernagoitiko San Miguel eleizan.

Zikloari amaierea emoteko, AMCB, Bilboko Ganbera Abesbatza eta Orkestra, izango dira protagonista irailaren 20an, domekan, 19:00retan, Etxanoko Andra Mari eleizan.

Autobus zerbitzua doban

Kontzertuetara joateko, Eleizetan zikloak autobus zerbitzua eskainiko dau. Autobus guztiak San Migel kaletik (Osasun zentroa) abiatuko dira.

Irteera orduak honako honeek izango dira:

Irailak 5, Espliego Folk: 19:30.
Irailak 6, Irati Bilbao: 18:30.
Irailak 12, Aitor Huergo: 19:30.
Irailak 13, Haria Laukotea (Musikene): 18:30.
Irailak 19, Jou González eta Marta Cara: 19:00.
Irailak 20, AMCB: 18:30.

Eleizetan 2026ko egitaraua hemen.