The XX, Pixies, Teddy Swims eta The War on Drugs protagonista Bilbao BBK Live 2027an

Bizkaie! 2026-11-09 11:24   Musikea

Jaialdiaren XXI. urteurrena ospatzeko ediziooa 2027ko garagarrilaren 8an, 9an eta 10ean izango da, ohiko kokalekuan: Kobetamendin.

Aurreko edizinoetara hurbildu ziranen salmenta esklusiboa, Fan salmenta eta promozino prezioko salmenta orokorra eskuragarri dagoz daborduko jaialdiaren webgunean.

Bilbao BBK Live jaialdiak XXI. edizinorako bideari ekin deutso nazinoarteko, estaduko eta bertako musikearen izen handiak batuko dituen lehen iragarpena eginda. 2027ko garagarrilaren 8an, 9an eta 10ean, Kobetamendi izango da, barriro be, musikea, ingurune naturala eta komunidadea buztartzen dituan jaialdiaren topagune. The XX, Pixies, Teddy Swims eta The War on Drugs izanik aurrerapen honen buru, belaunaldiak eta sensibilidadeak konektauko dituan kartela aurkeztu da jaialdirako, hainbat generotako erreferenteak eta jaialdiaren musika-aukera zabaltzen daben ahots barriak batuta.

Kobetamendin danka hunkitzeko moduko saioa eskainiko The XX taldeak, intimidadea Romy eta Oliver Sim-en ahotsakaz eta Jamie XX-ren beategaz konpartidutako hizkuntzea bihurtuko baita. Pixies taldekoek melodia eta zaratearen arteko kontrastea ekarriko dabe hainbat belaunaldi markau dituan errepertorioagaz. Emozinoak beste indar bat hartuko dau Teddy Swimsegaz, Bilbao BBK Liven eskainiko baitau Estaduan 2027an egingo dauen emonaldi esklusiboetako bat. Bere ahots boteretsu eta soulaz beteak r&b, pop eta country estiloen nahasketea eroango dau jaialdira, Lose Control lako abestiakaz aurkezpen gutun bezela. Estaduko kontzertu esklusibo bakarra egingo dau The War on Drugs taldeak be, Kobetamendiko debutaren soinu-bandea izanik Adam Granduciel-en gitarra indartsu eta melodia argitsuak.

Kartelaren nazinoarteko begiradea Jack Johnson hawaiiarragaz zabalduko da, bere melodia epel eta espiritu akustikoak topauko baitiue Kobetamendin. alt-J bandako kideek beren ahots-harmoniak eta ezusteko erritmoak ekarriko ditue, eta Two Door Cinema Club taldeko gitarren indie pop bereziak jantzarako prest jarriko ditu entzuleak. Gauak aurrera egin ahala, Amelie Lens presents Aura proiektuaren txandea izango da, musikearen eta eszenaratzearen arteko konexinoa indartzen dauen proposamena, egungo techno musikearen figura handienetako baten eskutik. Bestalde, Bonobok ehundura organiko, erritmo inguratzaile eta melodia erakargarridun musika elektronikoa aurkeztuko dau.

Viva Suecia taldeak leku nabarmena izango dau zerrendearen goiko postuetan. Murtziarrek beren zuzenekoaren intensidadea eta arnasa betean abesteko leloz betetako errepertorioa ekarriko dabe Kobetamendira, kontzertu bakotxa ospakizun bihurtuz. Iragarpenari gehitu jako, alde batetik, Alcalá Nort; eta, bestetik, Barry B.

DJ Shadow urteurren bategaz helduko da Kobetamendira. Antony Szmierek poesia mobimentuan jarriko dau bere spoken word, rap eta jantzea nahasten dituen musikeagaz eta mustbejohnek bere eguneroko kontakizunak indie eta elektronikearen erdigunera eroango ditu.

Fat Dog ezin ahaztu, punkaren eta ravearen arteko musikea eskainiko dauena.

Frost Children taldearen pop elektronikoa be ezin ahaztu baina Oxisek bide intimoagoa edegiko dau, testura elektronikoen eta uretako iruditeria propioaren artean.

Gitarrek 90eko hamarkadako rock alternatiboaren urradura eta sentsibilitate melodikoa izango dabe KEOn. Violet Grohlek, Foo Fighterseko Dave Grohlen alabak, Sofia Isella, Ari Abdul, Sofia & The Antoinettes, Genesis Owusun, The Womack Sisters, Saint Levante, Sexy Zebras, Martin, Mala Gestión, Laaza, Merina Gris, Nøgen, TOC, Indabe, Zeatikez...

Izen horreek danak lehen aurrerapena baino ez dira; ezusteko asko ezkutatzen ditu oraindino hurrengo edizinoak.

Sarrerak

• Aurreko urteetan bertaratu diranen salmenta esklusiboa eta FAN bonua: 155 €+ gastuak.
• Salmenta orokorreko bonua: 175 €+ gastuak
• Kuadrilla bonua: 146 €+ gastuak (5 bonu erosiz gero, 6. bonua opari)
• EYCA Gazte bonua: 140€ + gastuak (24 urtetik beherakoentzat; jaialdira sartzean nortasun-agiria erakutsi behar da)
• Kanpina 4 gau: 40€ + gastuak
• 11 urtetik beherakoek sarrera dboan (formulario bat bete behar da aldez aurretik).

Salmenta hemen: bilbaobbklive.com eta Fever Up