Aktualitatea

Kalinpan egitasmoaren irudia aurkeztuko dabe Bermeoko estropadatan

Bermeoko Urdaibai Arraun Taldeak Kontxako Banderea irabazi eta ia astebetera, zapatu honetan, irailak 18, urteroko estropadea egingo da Bermeon, aurten, inoiz baino bereziagoa izango dana. Berezia, garaipenagaitik eta, berezia, Bermeoko Udaleko Euskera Sailak, Arrain Azokaren bezperetan euskeraz berba egiteko indarra emoten dauen freskagarria, Kalinpan, aurkeztu ondoren, orain KALINPAN irudia ikusi egin ahal izango dalako.

Jet Lag Flash jaialdian izena emoteko epea irailaren 20an amaituko da

Egitasmoak espazio bat eskaintzen deutse diziplina desbardinetan egindako lanak erakutsi nahi dituen gazteei, besteak beste, musika, jantza, antzerkia, poesia, artea edo bideo-sorkuntzan.

Cristina Ayusok XIV-XVII mendeen arteko emakume getxotarren paperari buruzko ikerketea plazaratu dau

Aurkeztutako ikerketa-lanak emakumeen eremu publikoa eta pribatua hartu ditu aintzat 'garai horretako emakumeak eremu pribatuan egotera behartu bazituen be, ahotsik eta botorik barik ezta gobernu kargurik izateko aukerarik barik be' azaldu dau Cristina Ayusok.

Eliteko kirol guztietan konsumiduten ete ditue debekatutako substantziak?

'Don Inorrez', Bide Ertzean taldearen disko barria

Lau urte kantu barriz osotutako diskorik plazaratu barik egon ostean, udagoienagaz bat eginik dator irailaren azkenerantza, irailaren 29an, hain zuzen be, Tolosako taldea 'Don Inorrez' izenburuko disko barriagaz.

XI. 'Bilbo, nire kotxe barik!' irailaren 22an

Mobikortasunaren Europako Astea 'Zentzuz mobidu, hobeto bizi' lemapean dator aurten mobikortasunaren eta osasunaren arteko lotura zuzena nabarmendu guran.

Getxoko Folk Jaialdiak 25.000 lagun batu ditu

Danetara, 25.000 bat lagun izan dira atzo bertan amaitu zan Getxoko Nazinoarteko Folk jaialdian. Xabi Aburruzagaren saioak jarri eban amaierea bere azken diskoaren aurkezpenaren eskutik. Horretan zenbait euskal musikari agertu ziran eszenatokian trikitilari bizkaitarragaz eta saio arrakastatsuenetako bat izan zan.

Euskadiko Soinuak Vic-eko Musika Bizia Azokan irailaren 16tik 19ra

Musika industriako alkarte eta enpresakaz alkarlanean, Euskadiko Soinuak-ek Euskadiko 4 talde aurkeztuko ditu zuzenean: Dediego Brothers, Vendetta, Bide Ertzean eta Iñaki Plaza y Ion Garmendiaren '20 Hatz proiekt' ikuskizuna.

VIII. Glisseguna, irailaren 19an Angelun

Glisseguna lerra kirolak eta euskerearen topagunea izan nahi dauen ekimena da, geure hizkuntza zaharra gaurkotasunaren uhainetan ibil daitekela frogatzen dauena. Aurten La Barre izeneko hondartza zelaian izango da hitzordua

Lady Gaga artista estadubatuarra MTV Bideo eta Musika Sarien izarra izan da

Telebista-kate horrek urteko musika-bideo onenak saritzeko egiten dauen jaialdian, beste sari batzuen artean, Bideo Onenaren Saria irabazi dau 'Bad Romance' lanari esker. Izentauta egoan 13 saritatik 8 irabazi ditu.

Sofia Coppola eta Alex de la Iglesia Veneziako Mostran irabazle

Alex de la Iglesia bilbotarrak, barriz, zuzendari onenaren Zilarrezko Lehoia eta gidoi onenaren saria jaso ditu 'Balada triste de trompeta' filmagaitik. Filma hori Espainian estreinau barik dago oraindino eta XX. Mendeko Espainiaren historia kontetan dau Sergio eta Javier izeneko bi pailazoen begien bitartez.

Claude Chabrol zinegilea hil da

1.997an, Donostiako Zinemaldian 'No va más' filmagaz urrezko mazkorra irabazi eban eta 2.001an, Donostiako Nazinoarteko Zine Jaialdiko epaimahai ofizialaren buru izan zan.

Getxoko euskaltegietan euskerea ikastea bultzatzeko beste kanpaina bat martxan

Getxoko Udalak udalerriko euskaltegiakaz alkarlanean, beste urte batez herriko euskaltegietan euskerea ikastea bultzatzeko helburuagaz beste kanpaina bat jarri dau martxan, 'Denok batera, euskara aurrera! Animatu eta zatoz eusklategira' lelopean.

VI. Kameratoia Ermuan izango da eta berrikuntza nabarmenak izango ditu

Kameratoiaren helburua gazte euskaldunen sormena bultzatzea da.

Interpol taldeak kontzertua eskainiko dau urriaren 5ean Bilboko Campos Eliseos Antzokian

New Yorkeko taldeak 1998an ekin eutson bere ibilbideari eta, 'Turn on the bright lights' (2002) lehenengo diskoa kaleratu ondoren, 'Antics' (2004) lanagaz ailegau zan rock alternatibo estadubatuarraren gailurrera, gitarra ilunen soinuagaz. 2007an 'Our love to admire' argitaratu eta gero, taldekideen esanetan 'derrigorrezkoa' dan lan barri bategaz datoz.

AlhóndigaBilbaok gaur, barikua, irailak 10, hartu dau miloeagarren bisitaria

Gaur goizeko 08:50ean, Bilboko Carlos izan da, bere seme-alaba Jone eta Kepagaz batera, Aisialdi, Kultura eta Jarduera Fisikorako Zentro barriaren instalazinoak bisitetan sartu dan miloegarren pertsonea.