Aktualitatea

Jet Lag Biok 'Ideiak' ekimena abiarazo dau, gazte ekimenetarako lehiaketea

Jet Lag Bio helburu zehatza dauen erreferentziazko ekimena da: urietako gazteen uri-adierazpenak bultzatu, sustatu eta ikusarazotea, eta horreek gazteen artean daben eragina neurtzea. Programa honen gakoetako bat gazteek bertan parte hartzea da. Urtean zehar abian jarten diran ekimen desbardinen bitartez, gazteen inplikazinoa bilatzen da.

Elikagaigintza arloko bost euskal enpresa izango dira Dubaiko Gulfood azokan

Bisitearen helburua euskal enpresak merkadu arabiarra ezagutu eta inportadore arabiarrakaz hartu-emonetan jartea da, euskal elikagai-industria sustatzeko eta nazinoarte mailan erreferente legez sendotzeko asmoz.

700 lagun baino gehiagok hartu dabe parte AlhóndigaBilbaoren komunikazino-kanpainarako castingean

Persona horreetatik guztietatik hamar aukeratu ditue, eta eurak izango dira 2010eko lehenengo seihilekoaren amaieran ateak zabalduko dituan zentro berria gizarte osoari erakutsiko deutson komunikazino-kanpainako protagonistak.

Euskal kirolariak bikain Patagonian Expedition Race ospetsuan

Lasterketea Magallanes itsasartean hasi zan zezeilaren 9an eta kayak, mendiko bizikleta eta trekking eginez 600 kilometro ibili ondoren, Willimas Portuan amaitu zan, Suaren Lurra, Darwin Mendilerroa eta Beagle kanala zeharkatu ondoren.

Igartza Sarien XIII. edizinoan parte hartzeko epea zabalik dago

Idazle gazteen lana promozionetako sorturiko Igartza Sariak 13. urtea beteko dau aurten eta, orain arteko irabazleen zerrendea ikusita, liburu arrakastatsuak eta ibilbide oparoa daben idazleak ezagutarazo ditu beka horrek. Lanak bagilaren 30a baino lehen bialdu behar dira Beasaingo udaletxera.

Aurten be, Esne-Bildotsaren Jaia ospatuko da Bilbon

Goizeko 9:30ean, Carlos Ibarrondo aditua Bizkaiko produktoreek ekarritako 40 esne-bildotsak burduntzian erreten hasiko da Plaza Barrian. Ondoren, 1.500 pintxo eskainiko dira 12:30etik aurrera. Pintxoak euro batean egongo dira salgai eta jasotako dirua Caritas erakundeari emongo jako.

Habana Sessions, Kepa Junkeraren lan barria, salgai

Lan horretan, musikari bizkaitarrak egindakoak diran eta lehendik ezagunak doguzan kanta batzuen 11 zati dagoz. Soinu txiki eta piano baten soinua baino ez dira entzuten lan barrian. Diskoa Kubako Habana urian grabau zan 2009ko apirilean. 'Kalidadea eta freskotasuna ganezka dituan album honek Kepa Junkeraren soinu txikia eta doinuak ditu'.

Hiru euskal ikasle-talde Espainiako First Lego League txapelketea irabazteko lehian

Euskadi mailako sailkapen faseko talde irabazleak ondokoak izan dira: Mikrosak, Gasteizko Jesusen Bihotza Karmeldarren ikastetxekoak Robot Onenari saria irabazi eban; Overclock Axular, Donostiako Axular Lizeokoak, Proiektu Zientifiko Onenaren saria; eta Bideluze, Andoaingo La Salle Berrozpekoak, Robotaren Diseinu Onena eta Barrikuntza saria.

ACB Koparen harian, Bilbok hainbat kontzertu hartuko ditu

Eguenetik domekara bitartean, Betagarri, Akatz, Los Coronas, The Nu Niles, La habitacion roja, DePedro, Chaco Brodas eta Tote King taldeek joko dabe Kafe Antzokian San Miguel ACB Music Festival ekimenaren barruan.

Jokorako gaia al da?

Lady Gaga izan da erregina hiru Brit sari jasota

Lady Gagak nazinoarteko disko onenaren saria 'The Fame' diskoagaitik, nazinoarteko musika emonaldi apurtzaileenaren garaikurra eta nazinoarteko emakume bakarlari onenaren saria irabazi ditu.

Fito&Fitipaldis taldeak hiru garaikur lortu ditu Espainiako Musikaren XIV. Sarietan

Musikearen Arteen eta Zientziaren Akademiak emoten dituan sarietan, musikari bizkaitarrak Kanta eta Disko Onenaren garaikurrak eta Produkzino Artistiko Onenaren saria eskuratu ditu 'Antes de que cuente diez' lanagaz eta izen bereko kanteagaz.