Aktualitatea

Jagon jardunaldiek etorkinen eta euskerearen arteko loturea landuko dabe aurten

Zemendiaren 20an, barikua, Akademiaren Sustapen batzordeak antolatuta, XIV. Jagon Jardunaldiak egingo ditu Euskaltzaindiak, Bilboko egoitzan, 'Etorkinak eta euskara' gaiaren inguruan. Unesco Etxea eta Deustuko Unibersidadearen Euskal Gaien Institutua laguntzaile izan ditu Akademiak jardunaldi honeek preparetako.

Erakunde etiko-erlijiosoen ekintza soziala aztergai Bilbon

Euskal Herriko Unibersidadeko (EHU) Zuzenbide Fakultadeko Bizkaiko Ataleko Estaduko Zuzenbide Eliztarrekoak 'Estadu soziala eta erakunde etiko-erlijiosoen ekintza soziala Europar Batasunean' izenburuko jardunaldia antolatu dau datorren astelehenerako, zemendiak 16, Bilboko Ercilla hotelean, goizeko 9:30etik aurrera.

Euskal Herriko Musika Eskolen Alkarteak 'Musikalean' antolatu dau zemendiaren 19rako

Zemendiaren 22an Santa Zezilia musikarien patroiaren eguna dala eta, Euskal Herriko Musika Eskolen Alkarteak aurten be 'Musikalean' ekimena antolatuko dau; hitzordua zemendiaren 19an izango da, arratsaldeko 18:00etatik 20:00ra.

Krisiaren aurrean ekilibrioak egitea ez da bape zentzunduna...

Gidoilariak trebatzeko ikastaroa aurkeztu dabe

Eiken Euskal Herriko Ikus-entzunezkoen Sektoreko Klusterrak eta EiTBk 'Gidoi Faktoria Eiken-EiTB. Gidoiaren eremua' hezkuntza-programea aurkeztu dabe Bilbon, Pre-Zinebi 51ren jardueren barruan. Ekimena ikus-entzunezko produkzinoan lan egiteko gidoilari adituak trebatzeko asmoz sortu da.

VIII. Nazinoarteko Trikitixa Jaialdia zemendiaren 20an Getxon

Atzerritik aurten, Québec (Raynald Ouellet), Italia (Riccardo Tesi) eta Okzitaniako (Joan Francés Tisner eta Marc Castanet) artistak jatorkuz. Danak dira musika herrikoian adituak, eta musikari zein ikertzaile edo irakasle moduan ibilbide luzea egina dabe. Euskal Herritik trikitixearen modernizazinoa etorriko jaku (Laja eta Poxpi, Bunpada Sound, Esne Zopak eta Herrikojak).

Anarik disko barriaren aurkezpen-kontzertua eskainiko dau gaur Bilboko Kafe Antzokian

X. Udagoieneko Ostera ekimenaren barruan, 'Irla izan' diskoaren aurkezpen-kontzertua 21:30ean hasiko da gaur, hilak 12, Mursego taldearen ondoren. Sarreren prezioa hamar eurokoa da.

Zemendiaren 18an ekingo jako 'Kuadrillaz kuadrilla euskeraz' ekimenari

Arabako kuadrilla guztietara euskerearen erabilera sozialaren aldeko mezua zabaltzeko 'Kuadrillaz kuadrilla euskeraz' ekimena jarriko dau martxan Ziurtagiriaren Alkarteak Arabako Foru Aldundiaren laguntzinoagaz.

Behatokiak bere proiektua aurkeztu dau Bretainian

Ondorio bat atara dabe Bretainian diran Behatokiko ordezkariek: 'Asko gara hizkuntza gitxiagotuetako kide, lan handia egiten ari gara geure hizkuntzen berreskurapenerako, eta batasunak indar handiagoa emongo deusku geure hizkuntza-eskubideen defentsan'.

Adorez 11 hiztegia didaktikoa izateko jaio da

Bostak Bat kultura taldeak Adorez 11 Hiztegia argitaratu dau, urteko hamaikagarren hilabetearen hamaikan, goizeko hamaiketan, Bilboko Elkar Megadenda liburudendan.

Matematikak errazago

Beste urte batez, Bilboko 'Zientzieren Astea'-gaz bat eginez, 'Matematikak eguneroko bizimoduan' berbaldi zikloa egingo da Bidebarrieta Liburutegian datozen hiru eguenetan (hilaren 12, 19 eta 26an).

Kemen Lertxundi ondarrutarraren bigarren diskoa laster plazan

'Begi berriak atzo gaueko irudientzat' izenburuko diskoa nekez heldu eitekean sasoi egokiagoan, izan be, udagoien usaina dakarren lana da. Orbel horiztatuz inguratu eta barrura begiratzera bultzatzen zaituana, itsas-adar galduren bateko farotik olatuen eternidadeari begiratzeko konbita egiten dauena.

Euskerearen Jaia ospatuko da zapatuan Bakion

Bakiok Euskerearen Jaia ospatuko dau datorren zapatuan. Egun osoan zehar hainbat ekitaldiz horniduta izango dan jaialdiko unerik biziena eta herrikoiena Zubiaurreko pabiloian egin ohi dan herri bazkaria izango da, edade guztietako euskaltzaleak batuko baitira bertan.

Daniel Monzon eta Jorge Guericaechevarriagaz hasiko dira Bilboko Pre-Zinebi 51ren jarduerak

Daniel Monzon zuzendaria eta gidoilaria eta Jorge Guericaechevarria gidoilaria izango dira Bilboko Pre-Zinebi 51ren ekitaldiak hasteko arduradunak. Biek 'La Caja Kovak' (Espainia, 2007) filma aurkeztuko dabe gaur, hilak 11, arratsaldeko 20:00etan Bilboko Zabalgune eraikinean.

'Boulevard d'Reconstructie (Op. 54)' ikuskizuna lehenengoz munduan Guggenheimen

Produkzino hau Eric Ross musikagileak eta Mary Ross bideo-artisteak osotzen daben Ultimedia Concept talde estadubatuarraren azken lana da. Sarrerak eskuragarri dagoz museoko txarteldegietan eta www.guggenheim-bilbao.es webgunean.