Emakumeek Egindako Zinema zikloaren XVI. edizinoa hasi barri da

| Ikusi handiago | Argazki originala

Emakumeek Egindako Zinema zikloaren XVI. edizinoa hasi barri da Bilbon. Inaugurazino ekitaldian, Aizpea Goenaga zinema zuzendari, aktore eta Etxepare Euskal Institutuko buruak Simone de Beauvoir saria jaso eban. Aizpea Goenagak berak, Maitane Muruzabal produktore eta zinema zuzendariak, Maria Castejon IPES alkarteko arduradunak eta Arantzazu Calleja konpositoreareak emakumeak zineman daukan parte-hartzeari buruzko mahai-inguruan parte hartu eben.

Simone de Beauvoir alkarteak eta Bilboko Udaleko Bardintasun, Lankidetza eta Uritarrak sailak antolatu dabe ekimena. Emonaldi guztiak BBK aretoan egingo dira, urriaren 13tik 28ra bitartean.

Filmeen emonaldiak astelehenean, urriaren 17an hasiko dira. Alemaniatik datorren Die fremde (Feo Aladag) pelikuleak abiatuko dau aurtengo zikloa. Zinema aretoetan oraindino estreinau ez diran Handsome Harry (Bette Gordon), La Yuma (Florence Jaugey), Neke Druge Price (Ivona Juka, Ana Maria Rossi, Ines Tanovic, Marija Dzidzeva eta Hanna Slak) eta Las buenas hierbas (María Novaro) lanak izango dira ikusgai, ostean.

Film dokumentalak eskainiko ditue aurten lehenengo aldiz; besteak beste, Tú serás un hombre (Agnès Bert), The Angelmakers (Astrid Bussik) eta 5.000 feminismos (Cecilia Barriga). Horrezaz gan, umeentzako Mozart Txinan filma euskeraz proiektauko dabe, hilaren 18an, eta sarrera doban izango da.

¿Pudiste verlas? izeneko emonaldi berezia egingo dabe, urriaren 22an. Saio horretan Fish Tank (Andrea Arnold), Sunshine Cleaning (Christine Jefes) eta Planes para mañana (Juana Macías) filmak eskainiko ditue.

Egitarau osoa, hemen.