Gipuzkoako Bertsolari Txapelketeak Gpuntua Telebista abiarazo dau, Sareko ikus-entzunezkoen txokoa
2011-10-18 10:52 BertsolaritzeaTelebista atala sortu barri dau 2011ko Gipuzkoako Bertsolari Txapelketako antolakuntzeak, eta txapelketearen harira sorturiko hainbat ikus-entzunezko eduki landuko ditu webgunean. Sareko telebista formatuan jaio da Gpuntua TB barria, eta txapelketea amaitu bitartean Gipuzkoako bertsogintzearen eta txapelketearen inguruko hainbat ikus-entzunezko sareratuko dira astez aste.
Gipuzkoako Txapelketaren harira bertsogintzeagaz lotutako hainbat ikus-entzunezko landuko dira www.gpuntua.com webgunean.
Gpuntua Telebista atala sortu barri dau 2011ko Gipuzkoako Bertsolari Txapelketako antolakuntzeak, eta txapelketearen harira sorturiko hainbat ikus-entzunezko eduki landuko ditu webgunean. Sareko telebista formatuan jaio da Gpuntua TB barria, eta txapelketea amaitu bitartean Gipuzkoako bertsogintzearen eta txapelketearen inguruko hainbat ikus-entzunezko sareratuko dira astez aste.
Edukiei jagokenez, bost atal izango ditu Gpuntua TB-k.
- Bertsoaldi onenak: astez aste, txapelketako saio bakotxeko bertsoaldien hautaketen bideoak jarriko dira.
- G•Sarea: Gipuzkoako hainbat herritako bertso-eskolen mobimentua ezagutzeko, tokian tokiko ordezkarien testigantzak batuko dira eta bideoak sortuko.
- G•Erreportajeak: Txapelketearen inguruan dabilzan hainbat bertsolari, laguntzaile, musikari eta bestelakoen inguruko erreportajeak eta alkarrizketak argitaratuko dira astez aste: Asier Altuna zinegilea, Gari abeslaria, Arkaitz MIner konposatzailea…
- G•Historia: 1967ko Gipuzkoako txapelketatik gaurdainoko edizinoak gogoratzeko eta eguneratzeko bideoak jarriko dira bakoitzeko irudi eta testigantzakaz: Txomin Garmendia, Andoni Egaña…
- Eduki bereziak: txapelketearen harira landutako hainbat bideo sareratuko dira: Gpuntua-bideoklipa, promozino-bideoak…
Gpuntua TB ekimena aurrera eroateko lan-taldea osotzeko komunikazino arloko hainbat kide alkartu ditu Gipuzkoako Bertsozale Alkarteak: Itziar eta Ihintza Irizar kameralari eta erredaktoreak, Aitzol Barandiaran bertsolaria, Igotz Alkorta irrati-esataria eta Oier Aranzabal kazetari eta bertsolaria.
Ekimena aurrera eroateko Kutxa Fundazinoaren laguntzinoa jaso dau Gipuzkoako Bertsozale Alkarteak.
Erantzun
Erantzuteko, izena emanda egon behar duzu. Sartu komunitatera!