Cortada Jaialdiak bat-bateko film laburren lehiaketea dakar

| Ikusi handiago | Argazki originala

Teknologia barriek edozeinen eskura film laburra zuzendu eta Cortada Jaialdian parte hartzeko aukerea eskaintzen dabe. Aurtengo Cortada jaialdian Vitoria-Gasteiz bi minututan atal barria estreinauko da. Lehiaketa hau estreinau bako metraje laburreko filmak aurkezten daben persona guztientzat zuzenduta dago gai bakarragaz, Vitoria-Gasteiz. Atal hau UPV/EHUko Arabako Campusak eta Vitoria-Gasteizko Udalaren Film Officegaz alkarlanean antolatu da.

Lanaren iraupenak ez dau bi minutu gaindituko eta edozein formatutan izan daiteke: irudi erreal, irudi-artxiboa, argazkiak, grabatuak, animazinoa, eta abar.

Film laburrak Vitoria-Gasteiz Film Office webgunearen bitartez urriaren 24tik, astelehena, zemendiaren 11ra aurkeztu ahal izango dira. Zemendiaren 14ra arte, Cortada Jaialdiaren hasiereagaz egokituz, aitatu webgunean ikusi ahal izango dira bideoak.

Sarie jagokenez, sari bi emongo dira, bakotxa 500 eurokoa. Lehenengoa Cortada-ren Epaimahai Ofizialak erabagiko dau eta bigarrena lehiaketearen webguneko bisitariek emongo dabe. Sarien aukeraketarako Epaimahaiak, besteak beste, Gasteiz uria modu originalenean aurkeztea kontuan hartuko dau. Horrezaz gan, bideoen kantidadearen eta kalidadearen arabera, Jaialdia zarratzeko ekitaldian pantailaratzeko aukerea izango da.