Iban Barrenetxeak Bratislavako Biurtekoko Ohorezko Plakea jasoko dau
2011-10-06 18:02 sariak-autortzakGaltzagorri Elkarteko lehendakari Aitziber Alonsoren eskutik jasoko dau Iban Barrenetxeak Bratislavako Biurtekoko ohorezko plakea datorren zapatuan, urriaren 8an, eguerdiko 12:00etan EIEPren (Euskal Irudigileen Elkarte Profesionala) Bilboko egoitzan (Santa Maria kalea 3, 1.B).
Galtzagorri Elkarteko lehendakari Aitziber Alonsoren eskutik jasoko dau Iban Barrenetxeak Bratislavako Biurtekoko ohorezko plakea datorren zapatuan, urriaren 8an, eguerdiko 12:00etan EIEPren (Euskal Irudigileen Elkarte Profesionala) Bilboko egoitzan (Santa Maria kalea 3, 1.B).
Iban Barrenetxeak irabazi dau aurten Bratislavako Biurtekoko Ohorezko Plakea berak ilustrau eta idatzitako Bombástica Naturalis liburuagaz. Aurretik, lan beragaz Premis Junceda saria be jaso dau APIC (Associació Professional d' Il·lustradors de Catalunya) alkartearen eskutik eta asteon jakin da 2011ko Euskadi Saria (Ilustrazino alorrean) be Barrenetxearentzat dala Bombástica Naturalis lanagaitik.
Nazinoarteko ilustratzailerik onenen lanak saritzen ditue Bratislavako Biurtekoan. 1985ean, Asun Balzolak ilustrau eta Bernando Atxagak idatzitako Txitoen istorioa liburua saritu eben.
Biurteko honetara, herrialde bakotxeko erakundeek euren ustez azken bi urteetan argitaratu diran lanik onenak aurkeztu leikiez. Galtzagorri OEPLI (Haur eta Gazte Liburueterako Espainiako Erakunde) erakundearen parte danez, Galtzagorriko kideen lanak haren bidez aurkezten dira. Aurten Galtzagorrik Bratislavarako aukeratutako hiru ilustratzaileren artean Barrenetxea saritu dabe.
Erantzun
Erantzuteko, izena emanda egon behar duzu. Sartu komunitatera!