Logoa

Gernikako GUGAZte! egitasmoak badauka logotipoa

Bizkaie! 2010-03-23 14:32   Euskerea berbagai

Martiaren 20an, zapatuan, AEK-k GUGAZte! egitasmoa aurkeztu eban Gernikako Elai-Alai aretoan. Proiektu honen helburua 12 eta 24 urte bitarteko gazteak euskerea modu naturalean erabiltera bultzatzea da. Aldi berean, gazte etorkinek be euskerea erabilteko tresna izan gura dau, ez dagien euskera inposautako hizkuntza moduan hartu.

Euskaltzaindiak lanerako erabilten dituan erispideak, laneko prozedurak eta tresnak erakutsi ditu

Bizkaie! 2010-03-23 14:26   Euskerea berbagai

Jentaurrean aurkeztu dira gaurtik aurrera Euskaltzaindiaren webgunean kontsultagai egongo diren bi tresna lexikal barri: Hiztegi Batu Oinarriduna (HBO) eta Lexikoaren Behatokia. Honeek dira berbalari: Andoni Sagarna, Jose Antonio Aduriz eta Miriam Urkia, hirurak Euskaltzaindiaren Hiztegi Batuko lantaldearen kideak.

Nafarroan euskeraz biziteko eskubidea aldarrikatu dau euskalgintzeak

Bizkaie! 2010-03-23 09:49   Euskerea berbagai

Nafarroako 100dik gora euskaltzalek maiatzaren 15erako manifestazioa antolatu dabela iragarri dabe. Iruñeko Baluarten egindako agerraldian, Kontseiluko bazkideek zein euskalgintza osoko ordezkariek eta norbanako euskaltzaleek, egoerearen larritasunaren aurrean kalera atarateko deialdia egin dabe.

Lourdes Oñederra euskaltzain osoaren sarrera-ekitaldia datorren barikuan Donostian

Bizkaie! 2010-03-22 16:50   Euskerea berbagai

Lourdes Oñederra (Donostia, 1958) datorren barikuan, martiaren 26an sartuko da Euskaltzaindian modu ofizialean. Euskaltzain osoaren sarrera-ekitaldia Donostiako udaletxeko Batzar Aretoan izango da, arratsaldeko 18:00etan.

'Hiztegi Batua. Irizpideak, prozedurak eta tresnak' izeneko jardunaldia egingo dau Euskaltzaindiak martitzenean

Bizkaie! 2010-03-22 12:55   Euskerea berbagai

Euskaltzaindiaren Bilboko egoitzan egingo dan jardunaldi horren helburua Hiztegi Batuko erabagiak hartzea, Euskaltzaindiak erabilten dituan erispideak, laneko prozedurak eta tresnak erakustea da.

Galdameseko Udalak 3 eta 12 urte arteko umeentzako 'Udabarria euskeraz' kultur programea jarri dau martxan

Bizkaie! 2010-03-15 16:50   Euskerea berbagai

Programea 3 eta 12 urte arteko umeentzat da, eta helburu nagusia Galdameseko umeei euskerazko jardueren programea eskaintzea da, euskerea ikasgeletatik eta ikastetxetik kanpo be berba egiteko eta komuniketako berezko hizkuntzea izan daiten.

Euskeraz egiten diran akatsak aztertu ditue EHUn, zuzentzaile automatiko eta euskerea ikasteko programetan apliketako

Bizkaie1 2010-03-15 12:03   Euskerea berbagai

'Euskerazko erroreen eta desbideratzeen analisirako lan-ingurunea. Determinatzaile-erroreen azterketa eta prozesamendua' izenburukoa da Larraitz Uriaren doktore-tesia.

»» Ikusi argazki guztiak (1)

Batxilergoan eta Lanbide Heziketan euskerazko ikasketak sustatzeko kanpainea jarriko dabe martxan Bizkaiko 39 udalerrik

Bizkaie! 2010-03-05 10:26   Euskerea berbagai

Ekimenaren barri emoteko diptikoa banatuko jake gazteei. Diptiko horretan www.nahidudalako.com kanpainearen webgunearen barri emongo da eta gazteek Batxilergoa zein Lanbide Heziketea euskeraz egiteko daben eskaintzearen barri jasoko dabe.

'Euskerazko terminologia juridiko-administratiboa' jardunaldia egin da Iruñean

Bizkaie! 2010-03-04 16:52   Euskerea berbagai

Paskual Rekalde Euskarabidearen euskeraren ganeko aholkularitzarako atalburua ondoan ebela, Andres Urrutia euskaltzainburuak eta Xabier Azanza Euskarabidearen zuzendari kudeatzaileak zabaldu dabe Jardunaldia. Ondoren, hainbat adituk eskaini ditue berbaldiak.

UPV/EHUk euskerazko lehen ikasketen ezarpenaren 30. urteurrena ospatuko dau

Bizkaie! 2010-03-04 13:22   Euskerea berbagai

‘Euskerazko irakaskuntzeak 30 urte UPV/EHUn’ izeneko ekitaldi honetan unibersidadean euskerearen ezarpena bultzatu eben personen ordezkaritza zabalari omenaldia egingo jako.

Paul Bilbao izango da Kontseiluko idazkari nagusi barria, apirilean Xabier Mendigurenek erretiroa hartzen dauenean

Bizkaie! 2010-03-03 10:34   Euskerea berbagai

Paul Bilbao (Algorta, Getxo, Bizkaia, 1971) Hizkuntz Eskubideen Behatokiko zuzendaria da 2004tik gaur egunera arte, eta proiektu horretan sorreratik jardun izan dau. Euskal Filologian lizentziaduna da Bilbao eta hizkuntza-plangintzan eta giza eskubideetan graduondokoak ditu.

III. Euskal Soziolinguistika Jardunaldiaren ondorioak

Bizkaie! 2010-03-01 11:20   Euskerea berbagai

Joandako barikuan, unibersidadeetatik (EHU, NUP, Huhezi…), euskera zerbitzuetatik eta enpresetatik etorritako 130 bat lagunek aztergai izan zituen 2009. urteak euskal soziolinguistikan emon dituan ikerketak, horreen ondorioak eta horreek etorkizunerako azaltzen dituen egoerak eta lan-arloak.

»» Ikusi argazki guztiak (3)

Ohorezko euskaltzain barriek diplomak jaso ditue

Bizkaie! 2010-02-26 13:28   Euskerea berbagai

Hona hemen zerrendea: Pakita Agirre, Gorka Aulestia, Joxe Azurmendi, Luis Baraiazarra, Erramun Baxok, Martzel Etchehandy, Ana Etxaide, Joshua Fishman, Joxe Angel Irigarai, Joxemari Iriondo eta Xabier Lete.

»» Ikusi argazki guztiak (2)

Ibilaldia´10en kantea eta bideoklipa aurkeztu ditue

Bizkaie! 2010-02-25 14:28   Euskerea berbagai

Bermeoko Eleizalde Ikastoleak antolatuko dau Ibilaldiaren 32. edizinoa eta, ardura horreen artean, jaia alaituko dauen kantea be badago, gaur Bilboko Kafe Antzokian aurkeztu dabena. Horregaz batera, bideoklipa be aurkeztu dabe. Korrontzi taldearen buru dan Agus Barandiaranek jaso eban ikastolako Jose Muruaga irakaslearen eskutik kantea egiteko proposamena eta erantzuna baiezkoa izan zan. Bideoklipaz, barriz, Javi Elortegi zine-zuzendaria arduratu da.

III. Euskal Soziolinguistika Jardunaldia Donostian

Bizkaie! 2010-02-24 13:10   Euskerea berbagai

Jardunaldia hausnarketa teorikoan eta maila aplikatuan euskalgintzan dabilzanei zuzentzen jake eta ikerlarien, unibersidadeko irakasleen, eta ikastetxeetan, lan munduan eta administrazinoan euskerearen normalkuntzan dabilzanen topagune izatea dau helburu.

Udaltop II. topaketak apirilaren 21ean eta 22an

Bizkaie! 2010-02-18 16:55   Euskerea berbagai

Aurtengo topaketetan hainbat barrikuntza izan dira, nabarmenenak: bloga eta sare sozialak. Joan dan urtean Udaltop webgunea jarri zan martxan eta aurten bloga gehitu jako.

»» Ikusi argazki guztiak (2)

Datorren ikasturteko ikasle barrien % 75ak D ereduan ikasiko dau

Bizkaie! 2010-02-17 10:15   Euskerea berbagai

Haur, Lehen eta Bigarren Hezkuntzan 35.495 euskal ikaslek egin dabe aurrematrikulea Euskal Autonomia Erkidegoan eta, horreetatik, 18.240 ikasle barriak dira. Ikasle barri horreetatik 270ek euren zentroetan eskaintzen ez diran ereduak eskatu ditue.

Lan eskaintza publikoetan euskerearen balioa gitxitzeko eskatu dau EAEko Legebiltzarrak

Bizkaie! 2010-02-12 13:44   Euskerea berbagai

Etorkizuneko lan eskaintza publikoetan euskeraren ezagutza mailearen pisua gitxitzea gura dabe PSE-EEk eta PPk, eta Eusko Jaurlaritzeari horretara bideratutako eskaerea egin deutse, EAEko Legebiltzarrean onartutako legez besteko proposamenagaz.

Euskerea sustatzeko Irati plan estrategikoa onartu dabe Berrizen

Bizkaie! 2010-02-11 14:22   Euskerea berbagai

Euskerea Bizibarritzeko Plan Nagusia ardatz, hizkuntzearen normalizazinoa eskuratzen jarraitzeko plan estrategikoa da onartutakoa. Berrizko Udalaren 2010-2012ko Plan Estrategikoak hamar arlo nagusi hartzen ditu. Horreetako bakotxean helburu jakinak jarri eta horreek beteteko estrategia eta ekintzak zehazten dira.

BFAk eta Azkue Fundazinoak lankidetza-hitzarmena sinatu dabe

Bizkaie! 2010-02-11 12:55   Euskerea berbagai

Fundazinoaren Patronatuko kideak Bizkaiko Foru Aldundia, Bilboko Udala, Euskaltzaindia, Euskal Herriko Unibersidadea eta Deustuko Unibersidadea dira.

Hitzarmen horregaz, foru erakundeak, Kultura Sailaren bitartez, 600.000 euro jarriko ditu Fundazinoaren Patronatuak datozan hileetan egingo dituan proiektu batzuk garatzeko. Fundazinoa igaz sortu zan, Interneten eta teknologia barrien bitartez euskera sustatzeko helburuagaz.