Euskerea berbagai

Euskaltzaindia Frantses Akademiaren jarrerearen kontra agertu da

Frantziako Konstituzinoa aldatzeko eztabaidea izan da oraintsu Frantziako Parlamentuan. Horren harian, proposamen bat egin da, Frantziako eskualde hizkuntzei zeozelako ezagutzea emoteko, hizkuntza horreek Frantziako ondarearen parte dirala eta, horretan oinarrituta, Konstituzinoan agertu behar dirala azpimarratzeko.

'Katalogazio Arauak', liburuak katalogetako arauen euskerazko itzulpena aurkeztu dabe

Euskal Autonomia Erkidegoko liburutegiek eskura izango dabe hemendik aurrera liburuak euskeraz katalogetako arautegi barria. Katalogazio Arauak Kulturearen Euskal Planaren barruan sortu dabe Bizkaiko, Gipuzkoako eta Arabako alkarte eta liburutegi garrantzitsuenek.

HPSk 12.965.000 euro banatuko ditu euskerearen erabilerea sustatzeko ekimenen artean

Euskerearen erabilerea sustatzeko helburuagaz, Eusko Jaurlaritzako Hizkuntza Politikarako sailburuordetzeak 12.965.000 euro banatuko ditu, igaz baino 440.000 euro gehiago. Diru-laguntzinoak bost multzotan banatu ditue: komunikabideak, euskalgintzea, lan arloa, euskera planak udaletan eta Informazinoaren eta Komunikazinoaren Teknologiak.

Hizkuntz eskubideetan izaten diran urraketak jakinarazo deutsoz Behatokiak Arartekoari

Danetara, 254 kexa jaso dira; horreetatik 129 Eusko Jaurlaritzeari zuzenduak izan dira, 30 foru diputazinoei eta 95 udalei. Behatokiaren eretxiz, datuok erakusten dabe hizkuntz eskubideen urraketak ohiko bihurtu dirala.

'Euskeraz Erostea Eskubide Goxoa! 2008' kanpainea jarri dabe martxan Gernika-Lumon

Ekimenaren helburuak udalerriko merkataritzea eta euskerearen erabilerearen normalizazinoa buztartzea eta sustatzea dira. kanpaineak irauten dauen bitartean, 30 enpresa txikik eta 120 dendari eta tabernarik liburuxkak eta Gernika-Lumoko gozokigileek egindako napolitana goxoak eskainiko ditue.

'Esan eidazu Euskeraz-Dímelo en Euskera', euskerea familia bidez ondorengoetaratzeko kanpainea martxan dago

Alkarbide Euskera Zerbitzuen Bilguneak koordinauta eta Bizkaiko Foru Aldundiak babestuta, ume jaioberriak eta 1-6 urte bitarteko umeak dituen gurasoei zuzendutako 'Esan eidazu Euskeraz-Dímelo en Euskera' kanpainea martxan dago honezkero. Egitasmoaren helburu nagusia euskerea belaunaldiz belaunaldi transmitiduteak daukan garrantzia nabarmentzea da.

'Pirinioetako hizkuntzak: lehena eta oraina' Nazinoarteko XVI. Biltzarra egingo dau Euskaltzaindiak urrian

Euskaltzaindiak urrian Iruñean egingo dauen Nazioarteko XVI. Biltzarra aurkeztu dau Nafarroako uriburuan. Biltzarra urriaren 6tik 10era egingo da, Baluarte Batzar Jauregi eta Auditoriumean, 'Pirinioetako hizkuntzak: lehena eta oraina' titulupean.

Euskaltzaindiak Literatura Terminoen Hiztegia aurkeztuko dau Bilbon

Barikuan, bagilak 20, Literatura Terminoen Hiztegia aurkeztuko da Euskaltzaindiaren egoitzan. Liburua Akademiaren Hiztegiak bildumearen zenbaki barria da eta Euskaltzaindiaren Literatura Ikerketa batzordeak egin dau. BBKren laguntzinoz argitaratu da.

Behatokia: ‘Bardintasunaren izenean diskriminazinoa’

‘Barriro be bardintasunaren izenean, hizkuntza gitxiagotuen kontra egin dau Frantses instituzino batek, eskubide kolektiboen eta gitxiengoen autorpenaren beharra agirian itxita’, horrexek dira Behatokiak egindako adierazpenak

Andres Alberdiren ‘Oinarrizko gramatika’ kalean da, euskerea ikasten edo lantzen dabilzanentzat

Liburuak lau barrikuntza nagusi jasoten ditu: Euskaltzaindiak gaur arte emondako arau eta gomendio guztiak osorik; gaur eguneko prosa didaktikoan nagusituz joan diran moldeak eta ohitura barriak; idaz-estilorako gomendio praktiko batzuk; eta ‘maina bereziz eta tentuz’ eginiko gaikako aurkibide zehatz eta oso bat, bilaketak eroso eta erraz egiteko.

Bartzelona, Valentzia eta Madrilgo unibersidadeek euskera eta euskal kulturearen ikastaroak emoten jarraituko dabe

Ikastaro honeek Amerika eta Europako beste hainbat unibersidadetan Eusko Jaurlaritzearen Kultura Sailak bultzaturik eskaintzen diran modukoak dira, eta sortzear dan Etxepare Euskal Institutuaren garapenaren bidetik doaz.

Behatokiak nafarren hizkuntza-eskubideen urraketa sistematikoaren barri emon dau Parlamentuan

Hizkuntz Eskubideen Behatokiak Nafarroako Parlamentuko Hezkuntza Batzordearen lan-saioan parte hartu dau urteko txostenaren emoitzak aurkezteko, Nafarroa Bai taldeak eskatuta.

Zortzi urtean, 1.516 entidadek eskuratu dabe Bai Euskarari ziurtagiria

Urtebete pasau da Ziurtagiriaren Alkarteak Bai Euskarari Ziurtagiriaren kudeaketearen ardurea hartu ebanetik eta zortzi martxan jarri zanetik. Zortzi urteko ibilbide honetan Euskal Herri osoko 1.516 entidadek eskuratu dabe eta 20.000 lagun baino gehiago dira Bai Euskarari Ziurtagiriaren eraginpean lanean dabizanak.

Liburu Santuaren euskerazko lau bersino aurkeztuko ditue

Bagilaren 18an, Bibliaren euskera batuzko, lapurterazko, behe-nafarrerazko eta zubererazko edizinoak aurkeztuko ditue Donostiako Koldo Mitxelena kultura zentroan.

Euskerazko Biblia CD-Romean eskuragarri dago eta Interneten be kontsultau daiteke www.biblija.net webgunean.

BFAk 2,3 miloe euro emon ditu leku erakundeetan euskerea sustatzeko

Bizkaiko udalerrietan, 2007an Euskerea Bizibarritzeko Plan Nagusien (EBPN) bidez euskerearen erabilerea bultzatzeko, zabaltzeko eta normalizetako ekimenak diruz laguntzeko Foru Aldundiaren erabagien ganeko ebazpenaren barri emon dabe gaur Bilbon.

Euskalerria Irratiak eta Euskaltzaindiak bion arteko lankidetza-hitzarmena sinatu dabe

Hitzarmen horrek, Euskaltzaindiaren eta Euskalerria Irratiaren arteko loturak sortzea dau helburu, alkarren autorpenetik abiatuz. Halan, bada, erakunde biak alkarlana garatuko dabe, batez be, euskerearen normalizazinoari buruzko proiektuak gauzatzeko.

Bermeoko Euskal Gunea inaugurauko dabe

Euskerearen normalizazinoan hainbat arlotan lanean dagozan alkarteen topalekua da Euskal Gunea. Inaugurazino-ekitaldia gaur egingo dabe, 19:30ean.