IKAk eta Topaguneak mintzapraktika egitasmoak garatzeko hitzarmena sinatu dabe Oionen

| Ikusi handiago | Argazki originala

IKA euskaltegien koordinakundeak eta Topagunea Euskera Alkarteen Federazinoak hitzarmena sinatu dabe Oionen. Nafarroako eta Arabako zenbait eskualdetan euskera alkarteen eta euskaltegien artean dagoan loturea babestu eta sendotzeko egindako hitzarmena da. IKAren izenean Andoni Landak eta Topagunearen izenean Jasone Mendizabalek sinatu dabe.

Arabar Errioxa aukeratu dabe erakundeok hitzarmena sinatzeko, eskualde horretako Mintzalagun egitasmoa IKA euskaltegia eta bertako euskera alkartearen arteko loturatik sortutakoa da eta. Bigarren urtez martxan dagoan egitasmo honen garrantzia azpimarratu gura izan dabe erakunde biek Oionen egindako ekitaldian.

Mintzapraktika egitasmoetan jarduera eta helburu desbardinetako erakunde eta gizarte-eragileen artean dagoan alkarlana azpimarratu dabe IKAren eta Topagunearen ordezkariek ekitaldian, Mintzalagun eta Mintzakide egitasmoak adibide modura jarrita. Mintzapraktika egitasmoek euskaldunon sareak egituratzeko daben garrantzia nabarmena da Arabar Errioxan, Gasteizen eta Iruñerrian. Euskal Herri osoan dagozan 2.600 mintzalagun egitasmoak azken urteetan izandako zabalpenaren erakusle dirala aitatu dabe sinatzaileek.

Hitzarmenaren bidez, erakunde biek egitasmo barriak martxan jarteko lan egiteko konpromisoa hartu dabe, baita beste eragile eta erakundeakaz alkarlanean jarduteko be. Ganera, martxan dagozan egitasmoak indartu eta zabaltzeko komunikazinoa, prestakuntzea eta ekintza osogarriak bultzatuko dituela adierazo dabe Landak eta Mendizabalek.