Aktualitatea

Bi euskal lanek irabazi dabe ACT Eszena Sortzaile Barrien Nazinoarteko Jaialdia

Danetara, 21 izan dira lehiaketan parte hartu daben lanak, ‘eta bost kontinentetako eszenazaleek barriro be antzerkia eta dantzak bizirik dirautela baieztatu deuskue, gazteak gogor datozela lanotan arriskatuz eta lengoaia barriak bilatzeko ikertzen dabela publikoa hunkitzea lortuz hizkuntzearen arazoa baztertuz’, azaldu dabe.

‘Kiss Kiss Bang Bang. Artearen eta feminismoaren 45 urte’ erakusketea Bilbon

Erakusketea irailaren 9ra bitartean izango da ikusgai Arte Eder Museoan. Bertan, zenbait herrialdetako 42 artista eta hainbat talde feministen 69 lan erakutsiko dira, dan danak 'arte feministea' dalakoaren ganekoak.

Ziurtagiriaren Elkarteak zuzendaritza barria aurkeztu dau

Euskararen Gizarte Erakundeen Kontseiluaren ekimenez sortutako Ziurtagiriaren Elkarteak erakundea osotuko dauen zuzendaritza barria aurkeztu dau Bilbon. Alkarte hori izango da egun 1.502 entidadek daben ‘Bai Euskarari’ ziurtagiriaren kudeaketaren arduraduna.

V. Surfilm Festibal Donostian

Donostiako Surffilm Festibal jaialdian hogeita hamar pelikula emongo ditue datorren domekara (bagilak 10) bitartean. Aurten, gainera, liburu bat kaleratuko dabe, euskeraz eta gaztelaniaz: Way of the bird. Liburu horretako marrazki originalen eta argazkien erakusketa bat be antolatu dabe udal liburutegian.

Getxoko Udalak 45.000 euro inguru emongo ditu euskerea sustatzeko 11 proiektutarako

Getxoko Udalak diruz lagunduko dituan proiektu horreek guztiak Bizarra Lepoan, Egizu, Boluntzarreta eta BITE, Bizkaiko Trikitrixaren Alkarteak asmautakoak dira.

BFAk 1.500.000 euro jarriko ditu Bizkaiko 25 udalerritan kultur ekipamentu barriak sortzeko

Aurrekontuko partida hori erakunde honek urtero 20.000 biztanle baino gitxiagoko udalerriei emoten deutsiezan laguntzinoen barruan sartzen da. Era berean, ekitaldi honetan, 3.000.250 euro jarriko dira udalarenak ez diran hainbat proiektu egiteko.

Jagon daigun naturea, dana basomortu bihurtu ez daiten

Arte eszenikoen irakaskuntzarako zentroa sortuko dau Jaurlaritzeak

Aurreikuspenen arabera, 2008aren amaieran ia % 100ean garatua izango da Kulturearen Euskal Plana.

'Txikimundi', gaztetxuenen mundua paperean

Liburua, batez be, poemaz eta ipuinez osotuta dago. Azkeneko orrialdeetan igarkizun batzuk be sartu ditue, neska-mutilek burua astintzeko eta handik eta hemendik erantzunak topetan ahalegintzeko.

Pedro Iturraldek 2007ko Kulturaren Vianako Printzea Saria jaso dau

Ekitaldia Leireko monasterioan izan da. Vianako Printzea saria 1990. urtetik emoten dau Nafarroako Gobernuak eta aurtengo edizinoan 31.000 euro jaso ditu Faltzeseko musikariak.

Udal Musika Eskolako 200 ikasle baino gehiagoren ikasturte amaierako kontzertua Bilbon

Programa anitza antolatu dabe, izan be, Eric Clapton, Elvis Presley edo Meat Loaf joteaz gan, Debussy, Sherman, Sorozabal edo Guerrero be entzungai izango dira, Itoiz, Ansorena, Benito Lertxundi edo Xabier Lete lako euskal konpositore edo taldeak ahaztu barik.

Venezuela eta Euskadiko futbol taldeak aurrez aurre izango dira bagilaren 20an

Euskadiko Futbol Federazinoak iragarri dauenez, bagilaren 20an jokatuko dabe euskal selekzinoko jokalariek Venezuelaren kontrako partidua, Venezuelako San Cristobaleko Pueblo Nuevo estadioan.

Bien bitartean, datorren domekan, bagilak 10, ESAITek antolatuta, Euskal Selekzinoaren Eguna ospatuko dabe Leitzan. Jai giroan, euskal selekzinoen ofizialtasuna aldarrikatzeko eguna izango da antolatzaileen arabera.

Manu Chaok disko barria kaleratuko dau

Artisteak irailean atarako dau bere disko barria, ‘Proxima estacion: Esperanza’ lana argitaratu ebanetik sei urte pasau ostean. Ganera, disko barriaren aurrerapen bat jarri dau bere webgune ofizialean.

‘Bilbao Hiria’ lehiaketearen finalak gaur eta bihar

Metal arloan, Hard Spirit (Asturias), Tralla XXL (Bartzelona)Sanctrum (Suedia) dira finalistak; pop rock estiloan, Le Noise (Bizkaia),Ultraplayback (Bartzelona) eta Las Furias (Bartzelona).

Renoko Euskal Liburutegiaren webguneak zerbitzu zabalagoa eskainiko dau

Euskal artxiboa osotzen daben dokumentuak, argazkiak, audio eta bideo grabazinoak, kartelak eta bestelakoak kontsultau ahal izango dira bertan, besteak beste.

Ordenagailua: antolatzailea antolatu

Ordenagailua tresna aproposa da informazinoa eta bestelakoak hantxe sartuta eukiteko: argazkiak, bideoak, umeen etxekolanak, kalkulu orriak gure hipotekea zelan doan jakiteko, idazkiak eta bestelakoak. Betiko leloa: sartu eta sartu, han gordeta egongo diralakoan, baina gero, nork topauko dau behar doguna?

Parmigiano-Reggiano/Idiazabal jatorrizko deituren Nazinoarteko I. Jardunaldiak Bilbon

Laurogeita hamargarren hamarkadan hasi ziran alkarlanean Parmigiano-Reggiano Jatorrizko Deitura Babestua (JDP) eta Idiazabal gaztaiaren JDP. Ordutik, euren jarduerearen oinarritzat tipizidade eta kalidade organoleptikoa bermatzea lortu dabe

UEUk eta BFAk diru-laguntzinoak eskainiko deutseez bizkaitarrei udako ikastaroetan izena emoteko

Ikastaro guztien informazinoa eta matrikulea www.ueu.org webgunean topau daiteke. Danetara, 30 ikastaro antolatu ditu UEUk aurten; horreetatik 12 Eibarren, 8 Baionan, eta 10 Iruñean.