BBK Fundazinoak eta Bilboko Arte Eder Museoak bekak emoteko lehiaketea deitu dabe

BBK Fundazinoak eta Bilboko Arte Eder Museoak arteari buruzko ikerketea egiteko bekak emoteko lehiaketea deitu dabe gaur. Museoaren mendeurrenaren ospakizuna dala eta, laguntzak hileko 1.000 eurokoak izango dira eta museoak gordeten dituan artelanei eta honeen egileei buruzko ikerkuntzea izango dabe helburu.

Museoak jakinarazo dauenez, Quintín de Torre, Nemesio Mogrobejo, Ramón de Zubiaurre, Mari Puri Herrero, Isabel Baquedano eta Juan José Aquerreta artistei buruzko monografiak eta katalogo arrazoituak egiteko azterketek jaso ahal izango ditue diru laguntzinoak, baita kartel bildumearen eta museoari egindako dohaintzen eta bildumagilei buruzko lanek be.

Bekek urtebeteko iraupena izango dabe, epea luzatzeko aukereagaz eta hileko 1.000 euroko diru-kopurua jasoko dabe onuradunek.

Azkenik, eskariak aurkezteko epea urriaren 31n amaituko da, epe-muga honen aurretik aukestu beharko dalarik eskatutako dokumentazinoa. Epaimahaiaren erabagia abenduaren 20a baino lehenago argitaratuko dabe.