Aktualitatea

Kalamuaren ganeko jardunaldiak Otsagabian

Kalamuari lotutako berbaldiak, mahai-inguruak eta tailerrak antolatu dabez Otsagabian (Nafarroa) domekara arte egiten dagozan Cannabis Parade topaketetan. Seigarren urtea da Cannabis Parade topaketak egiten dirala. Ondo paseteaz gan, kalamuaren errealidadea ezagutzea eta ezagutzera emotea da topaketen helburu nagusia.

Euskaltegietan, ikasle kopuruak gora egin dau nabarmen

Euskaltegi publiko eta pribadu homologatuetan euskerea ikasi gura daben 40.000 lagunek baino gehiagok emon dabe izena. Astelehenean hasiko da 2006-2007 ikasturtea eta 40.000 lagun horreetatik 4.000 inguruk autoikaskuntza bidez ekingo deutse ikasketeari.

Miami vice

Sonny Crockett eta Ricardo Tubbs agenteak Miamiko droga trafikatzaileen talde batean infiltrau dira.

Pelikulearen hasikerea interesgarri eta bizia da, zirraragarria, baina, aurrera egin ahala, puztutako globoa zulotu eta amaierara arte ez da hasikeran agindutako interesgarritasun mailara helduko.

Praileaitz arriskuan?

Inoz edo behin egin dogu berba Zestoako Ekain kobazuloaz eta 2007ko udabarrian zabaltzekoa dan Ekainberri erreplikeaz. Ez da orrialde honetan sarritan darabilgun gaia, baina merezi dau begiradatxo bat gure kulturearen oinarri izan ziran bizilekuei.

Garmendiak ondo egin ditu Urriko Lehenengo Asteleheneko etxekolanak

Berbalagun egitasmoa jarri dabe martxan Lea-Artibai eskualdean

Honezkero martxan dago Lea-Artibai eskualdeko Berbalagun egitasmoa. Helburua euskaldun zahar eta barriak euskeraz berba egiteko alkarregaz hartu-emonetan jartea da eta, era berean, kultur arteko hartu-emonak lantzea eta euskaldun barrien integrazinoa lortzea.

Almodovarren ‘Volver’ Oscar sarietan izango da

Gaztela Mantxako zuzendari ezaguna barriro izango da Hollywoodeko Oscar sarietan Penelope Cruz, Carmen Maura edota Blanca Portillo aktoreakaz, aurten, sarien 79. edizinoan, ‘Volver’ filma izango baita Estadu Batuetan.

Ordenagailuak sutan?

Orain ordenagailuak arriskutsuak izan leitekezala esaten deuskue. Kontua da ze sei ordenagailu eroangarri sutan hasi dirala. Sutan hasi dira bai eta antza, arazoa barruan daukiezan baterietan datza, larregi berotu eta sutan hasi diralako.

Euskeraren Jatorriaren II. Biltzarra egingo da urriaren 7an Donostian

Euskeraren Jatorriaren II. Biltzarrak teoria eta partaide barri asko batuko ditu urriaren 7an, Donostian, Aranzadi Zientzia Elkartearen egoitzan, Zorroagan, antolatzaileek jakinarazo dabenez.

Eusko Jaurlaritzeak 590.000 euro erabiliko ditu euskerazko liburugintzea bultzatzeko

Eusko Jaurlaritzako Gobernu Batzordeak Kultura Sailak aurkeztutako euskerazko liburugintzea bultzatzeko deialdia onartu dau, danetara, 590.000 eurogaz horniduta. Sustapenerako deialdi honen bitartez euskerazko liburugintzea bultzatu nahi da.

Euskal Zinemaren Eguna ospatuko dabe hainbat aretotan

Donostiako Zinemaldiaren berezko sailetan oso gitxitan izan ohi eban lekua topau guran hasi zan Euskal Herriko ikus-entzunezkoen sektorea Zinemaldiaren barruan Euskal Zinemaren Eguna antolatzen. Gaurko, hainbat ekitaldi antolatu ditue eta, Donostian legez, beste hainbat aretotan be ospatuko dabe eguna.

Luis Goia zinema produktorea hil da

Zuzendari eta produktorea buruan odol-isuria izan ostean hil da Donostian, 55 urte eukazala. Goiak Jaizkibel produkzino-etxean emon zituan zinemagintzako lehenengo pausuak eta 1985ean etorri zan bere lehenengo produktore lan garrantzitsua: 'Kalabaza tripontzia'. Ondoren, hainbat lan ezagun izenpetu zituan Goiak.

EHUk 2006-2007 ikasturtearen hasierako ekitaldi nagusia egingo dau bihar Bilbon

Euskal Herriko Unibersidadeak (EHU) 2006-2007 ikasturtearen hasierako ekitaldi nagusia egingo dau bihar, eguena, goizeko 11:00etan hasita, Bilboko Ekonomia eta Enpresa Zientzien Fakultadeko Areto Nagusian, Sarrikon.

Eric Claptonek JJ Calegaz batera kaleratuko dau ‘The Road to Escondido’ disko barria

Eric Clapton gitarrista ingelesak zemendiaren 7an argitaratuko dau, JJ Calegaz batera, ‘The Road to Escondido’ izenburuko disko barria. Blues, rock, country eta folk soinuz beteriko lana izango da, Warner Music disketxeak jakinarazo dauenez.

UEUk eta EHUk lankidetza hitzarmena sinatu dabe Inguma datu-basea garatzeko

Sinatzaileek Euskal Komunidade Zientifikoaren Datu-Basea (Inguma) unibersitarioen curriculum-garapenerako erabilgarritasun handiko lanabesa dala adostu eta bi erakundeen arteko alkarlana luzatu dabe.

The break-up

Ezin esan leiteke honako hau komedia erromantiko bat danik, batetik bape barrerik eragiten ez dauelako eta, bestetik, erromantikotasuna inon be igarten ez dalako.