Igor Elorza zuzenean finalaurrekoetara

| Ikusi handiago | Argazki originala

Igor Elorzak irabazi dau Zeanurin Bizkaiko Bertsolari txapelketako bigarren kanporaketea eta, beraz, zuzenean sailkatu da finalaurrekoetarako.

Zeanuriko frontoian 300 bertsozale batu ziran. Nabarmentzekoak Algortako Bertso Eskolako bertsolari biak (Arrate Illaro eta Itsaso Paia) animetan hurreratutakoak. Bertsolari txalotuenetakoak izan ziran.

Kanporaketako bertsolariek, txapelketako irudia daukien taza parea eroan dabe oroigarri. Maider Etxebarriak, Zeanuriko Udaleko zinegotziak, emon deutse bertsolariei oroigarria.

Bizkaiko Bertsolari Txapelketako bigarren kanporaketako sailkapena:

1.- Igor Elorza 424,5
2.- Arrate Illaro 369,5
3.- Eñaut Uruburu 367
4.- Iker Belaustegi 361,5
5.- Iñaki Iturriotz 359
6.- Itsaso Paia 345

Puntuka orain arteko sailkapena

Eñaut Intxaurraga 380,5
Arrate Illaro 369,5
Eñaut Uruburu 367
Xabier Enbeita 365,5
Garikoitz Sarriugarte 364
Iker Belaustegi 361,5
Iñaki Iturriotz 359
Itsaso Paia 345
Olatz Ibarluzea 342, 5
Xabat Galletebeitia 338,5

Zuzenean finalaurrekoetara sailkatuta: Eneko Abasolo 'Abarkas' eta Igor Elorza

Hurrengo kanporaketea

Muskizen, Meatzari Aretoan, izango da, urriaren 25ean, zapatuan, arratsaldeko 17:30ean.

Bertsolariak: Jabier Olibares, Oihana Bartra, Mikel Petuya, Peru Vidal, Ander Salaberria eta Julen Erezuma.

Kanporaketako lana

- Binaka, gaia emonda 3na bertso zortziko handian.
- Binaka, gaia emonda 3na bertso zortziko txikian.
- Bakarka, hasierako puntua emonda bertso 2 zortziko txikian.
- Kartzelako lana: bakarka, gaia emonda 3na bertso doinu eta neurri librean.

Saioko irabazleak ziurtauta dauka finalaurrekoetarako pasea. Ganerakoek, puntuazinoaren arabera izango dabe finalaurrekoetara pasetako aukerea.

www.botasarean.biz

Zeanuriko kanporaketako puntuazioak, kronika, ikus-entzunezkoak, argazkiak,… www.botasarean.biz webgunean ikusi eta jarraitzeko aukera dago.

Finalerako sarrerak

Txapelketako finalerako sarrerak dagoeneko salgai dagoz (Finala, abenduaren 20an, 17:30ean, BEC-en):

- Ondoko webguneetan:
www.botasarean.biz
www.bertsozale.com

- Txapelketan zehar izango diran kanporaketa eta finalaurreko saioetan.
- BBK-ren orotariko kutxazainetan eta 944 310 310 telefono zenbakian.