Erreteari ixteko makinea asmau dabe
2006-11-16 01:00
Madrilen aurkeztu dau Fagor etxeak erreteari ixteko Nicostopper makinea, tabakoa ixteko asmautako lehenengo makinea. Zigarro-pakete baten antzekoa da eta aldika baino ez deutso emoten zigarroa jaubeari, zenbat zigarro erreten dituan kontroletako. Erretzaileak berak jakin behar ditu bere mugak eta helburuak, hau da, noiz erre eta noiz ez.
Glenn Millerren omenezko kontzertua Euskaldunan
2006-11-16 01:00 Musikea
Jaroslavas Cechanovicius maisuak zuzentzen dauen ‘The Blue Paradise Big Band’ taldeak Glenn Millerren omenez egindako kontzertua emongo dau gaur, zemendiak 16, iluntzeko zortzietan, Bilboko Euskalduna Jauregiko Auditorioan. Sarrerak 36 euroan dagoz salgai.
Ikastolen Elkartea saritu dabe Londresen
2006-11-16 01:00 Euskaldunak munduan
Edinburgeko Dukearen eskutik jaso eban Ikastolen Elkarteko ordezkaritzeak Esu Presidents Award 2006 saria. Ekitaldia English-Speaking Union fundazinoaren egoitzan izan zan, Londreseko Buckingham Jauregian.
Fon Roman Los Piratas taldeko gitarrista ohiak bakarkako lehen lana aurkeztuko dau Bilbon
2006-11-16 01:00 Musikea
Fon Roman Los Piratas taldeko gitarrista eta konpositore ohiak zemendiaren 23an aurkeztuko dau Bilboko Rockstar aretoan ‘Silencio comodo en un jardin descuidado’ izenburuko bere lehenengo bakarkako lana.
La Maquina de Huesos argazkilariak webgune berria jarri dau sarean
2006-11-16 01:00La Maquina de Huesos ezizenagaz ezagutzen dan argazkilariak webgune barria jarri dau Internet irudi eta diseinu barriagaz.
Berria egunkariaren estilo liburua aurkeztu dabe
2006-11-16 01:00 Euskerea berbagai
Orain dala hiru urte jaiotako Berria egunkariaren estilo liburua Euskaltzaindiaren egoitzan aurkeztu dabe gaur Berriako zuzendari Martxelo Otamendik, Jon Mancisidor BBK erakundeko ordezkariak, Andres Urrutia euskaltzainburuak eta Berria egunkariko euskera zuzendari Irene Arraratsek.
Flöz antzerki konpainia alemana Durangon
2006-11-15 01:00 Kulturea 'Teatro Desilusio' antzezlana taularatuko dabeFlöz antzerki konpainia alemana Durangoko San Agustin kulturgunean izango da domeka honetan, zemendiak 19, ‘Teatro Delusio’ obrea aurkezteko. Emonaldia iluntzeko zortzietan hasiko da eta sarrerak 12 euroan dagoz salgai.
Munduko emakumerik zaharrenak 125 urte ditu eta kanabisa erreten dau
2006-11-15 01:00India hegoaldean bizi da munduko emakumerik zaharrena eta kanabisa erreten dau. Hori dinoe, behintzat, emakumearen lobek eta amumatxua Guinness Liburuan agertzea eskatzen dabe.
Jeronimo Martin Triok 'Piedraescrita' lana aurkeztu dau
2006-11-15 01:00 Musikea
Azken urteotako konposizinoak batu eta ‘Piedraescrita’ diskoa atara barri dau Jeronimo Martinek Errabal zigiluaren eskutik. ‘Hasieran, kanten helburua ez zan diskoa egitea. Baina taldekideak ezagutu eta alkarregaz joten hasi ginanean, orduan hasi zan diskoa atarateko ideia gorputza hartzen’, azaldu dau artisteak. Emoitzea Bilboko Kafe Antzokian aurkeztu dau.
Esloveniarrak Durangoko Azokan
2006-11-15 01:00 Kulturea
Euskal Idazleen Elkarteagaz bat eginik aurkeztutako egitasmo honen helburu nagusia, Euskal literaturea gure mugetatik kanpora ezagutzera emotea, eta aldi berean, kanpoko literatura desbardinak Euskal Herrian ezagutzeko bitartekoak ipintea.
GR-8ren finala datorren domekan Oiartzunen
2006-11-15 01:00 BertsolaritzeaGR-8ren aurtengo bertso ibilbideari heldu jako amaierea. Datorren domekan hain zuzen, zemendiaren 19an, Oiartzun izango dau bilgune. Bertan jokatuko dabe Oriok eta Mallabik aurtengo finala. Hitzordua: Herriko plazan, Kontzejupen, eguerdiko 12etan.
Pio Barojaren nobela bi euskeraz
2006-11-15 01:00 Kulturea
Aurten 50 urte beteten dira Pio Baroja (1872-1956) hil zanetik eta, hori dala eta, Eusko Jaurlaritzak haren omenez lan bi argitaratu ditu euskeraz: ‘Zalacain el aventurero’ eta ‘El arbol de la ciencia’, hau da, ‘Zalakain abenturazalea’ eta ‘Jakintzaren arbola’. Literatura Unibertsala bildumearen barruan dagozan liburu horreek biak liburu-dendetan dagoz salgai.
Bilboko XXVIII. Antxinako eta Aukerazko Liburuen Azokea salmentak % 15 gehituz amaitu da
2006-11-14 01:00 KultureaBilboko XXVIII. Antxinako eta Aukerazko Liburuen Azokea atzo amaitu zan balantze ‘oso positiboagaz’, bai publiko kopuruari jagokonez, bai eta salmentei jagokenez be, aurreko edizinoagaz alderatuz % 15 igon baitziran liburuen salmentak
Giza Eskubideen ganeko jardunaldiak Bilbon
2006-11-14 01:00Euskalduna Jauregian egingo dabe Giza Eskubideen Nazinoarteko II. Biltzarra zemendiaren 14tik 16ra bitartean. Nazinoarteko hainbat adituk gatazken konponbideen eta giza eskubideen ganean egingo dabe berba ‘Nazinoarteko Giza Eskubideen II. Biltzarra: gatazken konponbideak’ goiburupean.
Little Miss Sunshine
2006-11-14 01:00 Zinema kritikak
Hoover familia bitxiak bidaia egingo dau neskatoentzako edertasun lehiaketa batean parte hartzeko. Horrek, itzelezko kaosa sortzeaz aparte, goitik beherako aldaketak be ekarriko dauz protagonisten bizitzetara. Antzezleen lana azpimarratzekoa da; nork baino nork jardun eta kontakizunari gidoiak ez daukan sinisgarritasuna emon deutsie.
Lekeitioko XXIX. Zine eta Bideo Bilerak 45 lan erakutsiko ditu
2006-11-14 01:00 Barriak
Danetara, 50 lan aurkeztu dira aurten, danak euskarri digitalean, DVD eta antzeko euskarrietan, inoiz baino gehiago eta pozarren dagoz antolatzaileak. Jaialdia atzo hasi zan eta zemendiaren 18an amaituko da.
‘Bake-prozesua gaur: atzeraezinezko bihur daiten baldintzak’
2006-11-14 01:00
‘Bake-prozesua gaur: atzeraezinezko bihur daiten baldintzak’ mintegiari atxikita, Sabino Arana Fundazinoak gaur, eguaztena, hilak 15, debate-mintzagune bat ipiniko dau abian bere www.sabinoarana.org webgune barrian.
‘Ikasle guztiak euskaldundu: nola?’ jardunaldietan hainbat adituk hausnarketea egingo dabe
2006-11-14 01:00 Euskerea berbagai
Euskararen Gizarte Erakundeen Kontseiluak ‘Ikasle guztiak euskaldundu: nola?’ jardunaldiak antolatu ditu. Jardunaldiotan hezkuntza arloan lan egiten daben hainbat adituk euren ekarpenak aurkeztuko ditue. Hitzordua zemendiaren 23an eta 24an izango da Donostian.
Hamaikagarren ‘The Pub Ibiltaria’
2006-11-14 01:00 Musikea
Bilboko Pío Baroja Plazeak aurten be, hamaikagarrenez, Oskorriren ‘The Pub Ibiltaria’ emonaldiaren edizinoa hartuko dau 2006ko abenduaren 21ean, Santo Tomas egunean, iluntzeko zazpietan. Musika-eskoletako ikasleak, musikariak eta karpara hurreratu gura dauen edonor izango da egun horretan protagonista, Oskorriko musikarien laguntzinoari esker, aurkezpen-prentsaurrekoan Natxo de Felipek zehaztu dauen legez.
Telekomunikazinoen Klusterrak Txilera bidaia antolatu dau
2006-11-14 01:00 Euskaldunak munduanTelekomunikazinoen Klusterra alkarteak (Gaia) euskal enpresen merkataritza-bidaia bat antolatu dau, Txilera, zemendiaren 19tik 23ra bitartean. Alkarteak martxan jarritako Atzerriko Merkaduetan Merkataritzea Sustatzeko Planaren barruan antolatutako bidaia da.
Nabarmenak
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...