Astra proiektuak argia ikusiko dau zapatu honetan

| Ikusi handiago | Argazki originala

Urtebetetik gora iraun dauen parte hartze prozesuak mugarri eguna ezarriko dau zapatu honetan, urriaren 27an.

2005eko abenduaren 24ko okupazinoagaz hasitako odiseak ez dau etenik izan. Gernikako Gazte Asanbladak ez eban ezelako zalantzarik izan: Astraren etorkizuna erabagiko eban parte hartze prozesuari ekiteko, arma lantegi zaharra okupau eta egun gitxira Gernikako kultur eta gizarte eragile guztiakaz berba egiten hasi zan.

Esan eta egin, 2006ko bagilean '0 kilometroa' izeneko parte hartze prozesuari hasierea emon jakon.

Metodología zehazteko eta prozesua modu orekatuan dinamizetako, Parte Hartuz taldeko kideak bidelagun izan dira. Parte Hartuz demokrazia parte-hartzailea ikertzen daben EHUko irakasleez osotutako taldea da.

2006ko maiatzaren 10ean, urte bete lehenago ezinezkotzat joten zana gertatu zan. Udalak, gazteek eta kultur eta gizarte eragileei men eginez, berreskuratutako eraikina erosi eban enkante publikoan.

Astraren etorkizuna erabagiteko prozesu parte-hartzailea eta askotarikoa izatea nahi izan dogu sustatzaileok. Danok izan dogu helburu amankomun bat: parte-hartzaile guztien artean erabagitea arma lantegiaren etorkizuna zelan eroan aurrera.

Emoitzak esku artean ditugu eta inoiz baino gogotsuago, proiektua aurkeztu, herriratu eta Udalagaz berba egiten hasteko unean gagoz.

Proiektuaren zirriborroa helbide honetan lor daiteke: www.astragernika.net

Zapatua, urriak 27, Astra proiektuaren aurkezpena eta II. kuadrilen egune:

12:00* Zu zeu picasso. / 13:00* Proiektuaren aurkezpena eitteko danon prentsaurrekoa /14:00* Bertso-sukaldea. / 14:00* Umientzako txokoa begiraliekaz. / 14:30* Sariketa gastro-nomikoa: astrako platerraren bila* / 14:50* Sari banaketa. / 15:00* Bazkarixe. / 17:00* Munduko I. Futbolin Txapelketa eta mahai jokoak. 18:30* Gerri-enborrak astindu, salsa doinuekin. 18:30* futbito 3x3 / 21:30* kontzertua: BETAGARRI + dj makala / 01:30* amaiera…