Aktualitatea

Durangoko Euskal Liburu eta Disko Azokeak Haur Literatur Aretoa izango dau aurten be

Ume eta gaztetxuentzako gune baten beharra ikusirik, Haur Literatur Aretoagaz, batez be, 2 eta 12 urte bitarteko ume eta gaztetxuak euskerazko literaturara hurreratzea lortu nahiko leukie Durangoko Azokearen arduradunek, eurentzako aproposa dan txoko bat sortuz.

R. M. Azkue Literatur Sariak abian

Gaur, zemendiak 28, Resurreccion Maria Azkue Literatur Sarien edizino barriaren oinarriak aurkeztu dira, 2006koak. Euskaltzaindiak eta Bilbao Bizkaia Kutxa Fundazinoak antolatzen dabezan sariok idazle gazteak literatura mundura erakarteko asmoz sortuak dira.

Unesco Etxeak 212.000 euro jasoko ditu datozen hiru urteetan euskereari buruzko jarrerak ikertzeko

Unesco Etxeak Hizkuntza Politikarako Sailburuordetzarako garatuko dauen ikerketearen helburua bikotxa da: euskereari buruzko aurreretxi eta jarreren diagnosia egitea, eta orain arte euskerara hurreratu ez diran giza-taldeen euskereagazko jarrerak modu zehatzagoan arakatzea.

Mainontzi mahai jokoa

Zelan deitzen jako maina asko egiten dauenari?
Zein da seiko motzeko doinurik ezagunena?
Zein izen dau bertsolaritzearen mahai jokoak?

Mainontzi, galdera guztien erantzuna!

Herri-administrazinoetako euskerearen erabilera-planak aztergai Bilbon

Helburua, alde batetik, orain arte zer egin dan eta zelan egin dan aztertzea da, eta bestetik, aurrerantzean zer egin behar dan azaldu eta horretarako behar diran baliabideen inguruko gogoetea egitea.

Xarles Videgain eta Andoni Sagarna proposatu ditue euskaltzain oso izateko

Euskaltzaindiaren barriztatze prozesua aurrera doa. Garagarrilean sei euskaltzain oso emeritu izatera pasetearen ondorioz, bi urteren buruan -2006an eta 2007an- sei euskaltzain oso barri izentauko dira.

Bizkaiko Foru Aldundiak ‘Bizkaian Ekin’ sariak banatuko ditu bihar Bilboko Euskalduna Jauregian

Euskal ekintzaileak ondokoak izango dira: Alberto Iñurrategi mendizalea, Miriam Ocariz moda-diseinatzailea eta Panda Softwareko sortzaile eta presidente Mikel Urizarbarrena.

Emakumeaganako Indarkeriaren Kontrako Nazinoarteko Egunean be ez zan bakerik izan. Urteko 62. emakumea hil eben, oraingoan Sevillan. Noiz arte?

‘Xabiroi’ komikiaren zenbaki berezia plazan

Euskal Herriko Ikastolen Konfederazinoaren komiki honetako zenbaki barrian euskal idazle ezagunak erakarri nahi izan dira komikigintzara, egile bikote bereziak osotzeko asmoagaz.

‘Letren Leihotik’ egitasmoa, herriz-herri literaturea eta olgetea batzeko

Helburuak, besteak beste, euskeraz egunero zeozer irakurtea ez eze, hizkuntza horretan jolastea be bada. Eta bide batez, eskola, etxea eta kalea oinarri dirala, hirurotan egingo diran ekimen guztiak bata besteagaz jostea eta integretea, lema baten bidez: ‘Letren Leihotik’.

Sestaoko XX. Txotxongiloen Nazinoarteko Jaialdia zemendiaren 25etik abenduaren 3ra

Sestaoko Txotxongiloen Nazinoarteko Jaialdiak 54.000 euroko inbersinoa izan dau aurten. Jaialdi sendotua da daborduko. Kontinente guztietako 144 talde baino gehiagok hartuko dabe parte eta urtero 4.000 ikusle baino gehiago batzen ditu. Azken 20 urteetan 480tik gora saio eskaini dira, 100.000tik gora ikuslegaz.

Elhuyar Hiztegiaren hirugarren edizinoa aurkeztu dabe

Elhuyar Hiztegia (euskara-gaztelania/castellano-vasco) lanaren hirugarren edizinoa aurkeztu barri dabe, lehenengoz argitaratu zaneko hamargarren urteurrena beteten dan honetan. Itziar Nogeras Elhuyar Fundazinoko zuzendari nagusiak, Antton Gurrutxaga hiztegiaren zuzendari teknikoetako batek eta Lurdes Ansa Elhuyar Edizinoak saileko arduradunak emon ditue hiztegi barrituaren zehetasunak.

Zaldi-lasterketea Eako hondartzan

Abenduaren 8an, zaldi-lasterka zaleek zita berezia izango dabe Eako hondartzan. Busturialdean lehenengoz egingo da holako lasterketa bat hondartza batean eta, zaldi-lasterketen ezaugarriak kontuan hartuta, ikusgarria izango dala esan daiteke.