Aktualitatea

Udal Musika Eskolako 200 ikasle baino gehiagoren ikasturte amaierako kontzertua Bilbon

Programa anitza antolatu dabe, izan be, Eric Clapton, Elvis Presley edo Meat Loaf joteaz gan, Debussy, Sherman, Sorozabal edo Guerrero be entzungai izango dira, Itoiz, Ansorena, Benito Lertxundi edo Xabier Lete lako euskal konpositore edo taldeak ahaztu barik.

Venezuela eta Euskadiko futbol taldeak aurrez aurre izango dira bagilaren 20an

Euskadiko Futbol Federazinoak iragarri dauenez, bagilaren 20an jokatuko dabe euskal selekzinoko jokalariek Venezuelaren kontrako partidua, Venezuelako San Cristobaleko Pueblo Nuevo estadioan.

Bien bitartean, datorren domekan, bagilak 10, ESAITek antolatuta, Euskal Selekzinoaren Eguna ospatuko dabe Leitzan. Jai giroan, euskal selekzinoen ofizialtasuna aldarrikatzeko eguna izango da antolatzaileen arabera.

Manu Chaok disko barria kaleratuko dau

Artisteak irailean atarako dau bere disko barria, ‘Proxima estacion: Esperanza’ lana argitaratu ebanetik sei urte pasau ostean. Ganera, disko barriaren aurrerapen bat jarri dau bere webgune ofizialean.

‘Bilbao Hiria’ lehiaketearen finalak gaur eta bihar

Metal arloan, Hard Spirit (Asturias), Tralla XXL (Bartzelona)Sanctrum (Suedia) dira finalistak; pop rock estiloan, Le Noise (Bizkaia),Ultraplayback (Bartzelona) eta Las Furias (Bartzelona).

Renoko Euskal Liburutegiaren webguneak zerbitzu zabalagoa eskainiko dau

Euskal artxiboa osotzen daben dokumentuak, argazkiak, audio eta bideo grabazinoak, kartelak eta bestelakoak kontsultau ahal izango dira bertan, besteak beste.

Ordenagailua: antolatzailea antolatu

Ordenagailua tresna aproposa da informazinoa eta bestelakoak hantxe sartuta eukiteko: argazkiak, bideoak, umeen etxekolanak, kalkulu orriak gure hipotekea zelan doan jakiteko, idazkiak eta bestelakoak. Betiko leloa: sartu eta sartu, han gordeta egongo diralakoan, baina gero, nork topauko dau behar doguna?

Parmigiano-Reggiano/Idiazabal jatorrizko deituren Nazinoarteko I. Jardunaldiak Bilbon

Laurogeita hamargarren hamarkadan hasi ziran alkarlanean Parmigiano-Reggiano Jatorrizko Deitura Babestua (JDP) eta Idiazabal gaztaiaren JDP. Ordutik, euren jarduerearen oinarritzat tipizidade eta kalidade organoleptikoa bermatzea lortu dabe

UEUk eta BFAk diru-laguntzinoak eskainiko deutseez bizkaitarrei udako ikastaroetan izena emoteko

Ikastaro guztien informazinoa eta matrikulea www.ueu.org webgunean topau daiteke. Danetara, 30 ikastaro antolatu ditu UEUk aurten; horreetatik 12 Eibarren, 8 Baionan, eta 10 Iruñean.

Errenteriako Landarbaso Abesbatza Kalifornian

Bagilaren 28an Kaliforniako Los Osos urira joango da taldea eta bertan lehenengoz antolatzen dan lehiaketan parte hartuko dau. Lehenengoz urtengo dau abesbatzak Europatik eta hori ‘erronka handia da’ taldearen esanetan.

Plaza Barriak Bilbo Hiria Idiazabal Artzai-Gaztai Lehiaketea hartuko dau

Bilbo Hiria 2007 Idiazabal Artzai-Gaztai Lehiaketea, zapatuan, bagilak 9, izango da Bilboko Plaza Barrian. Alde Zaharreko Dendarien Elkarteak, Idiazabal Jatorrizko Deiturak eta Artzai Gaztak antolatu dabe ekitaldia, Bilbao Bizkaia Kutxaren laguntzaz.

EHUk, UNEDek eta Eusko Ikaskuntzak hitzarmena sinatu dabe Internet bidez hezkuntza-programak abian jarteko

Hitzarmenaren aplikazino-eremua unibersidade bakotxeko graduondoko ikasketen tituluak, graduondoko ikasketa ofizialak eta etenbako trebakuntza ikastaroak dira. Alkarlanaren lehentasunezko xedea irakaskuntza birtuala dan arren, ez dabe baztertu zuzeneko jardueretan alkarlana garatzeko aukerea.

‘Irakurri, Gozatu eta Oparitu’ kanpainea, martxa onean

Jokaera eta ohitura gozagarriak zabalduz irakurketea sustatzea helburu dauen ‘Irakurri, gozau eta oparitu’ egitasmoa martxan dago 14 herritan eta bagilaren 23a bitartean jarraituko dau irakurriz gozetako eta gozamena konpartiduteko gonbitea egiten.

New York Film Academy-k ikastaroak eskainiko ditu Bilbon

Zine-eskolea lehenengoz izango da Bilbon eta ‘Zine digitala’ eta ‘Antzezpena’ izeneko ikastaroak emoteko. Lau aste iraungo dituen ikastaro honeek Creativity Zentrum-egaz lortutako akordioari esker egingo dira Bilbon, garagarrilaren 2an hasita.

Deustu Nazinoarteko Udako Eskola bihurtuko da datozan hilebeteetan

Unibersidadeko fakultade eta eskoletako klaseak amaitu ondoren, Deustu Nazinoarteko Udako Eskola bihurtuko da bagilean eta garagarrilean eta hainbat ikastaro, mintegi eta biltzar edegi eskainiko deutsee beste herrialde batzuetatik etorriko diran unibersidadeetako ikasle eta ikertzaileei. Ekimen horreen artean, Espainierako Nazinoarteko Ikastegiak (CIDE) atzerriko ikasleentzat antolatzen dituan espainiar hizkuntza eta kulturako ikastaroak dira tradizinorik handienekoak.

Nontzeberri webguneak Kalesound Maketa Lehiaketea jarri dau martxan

Lehiaketearen lehenengo edizinoan, gura dauen taldeak edo bakarlariak parte hartu leike, jaioterri eta bizilekua diranak dirala. Derrigorrezko baldintzak dira kantak euskeraz izatea, diskorik argitaraturik ez izatea diskoetxe komertzial batean eta kantak originalak izatea, ez bersinoak.

Arbaso taldeak lehenengo diskoa kaleratu dau

'Bizitzaren helmugan' izeneko diskoan rocka jorratzen dabe ondarrutarrek, ikutu melodiko bategaz. Euskal Eskola Publikoaren Jaian kontzertua emon ostean, zapatuan, bagilak 9, Ondarroako Kamiñazpi auzoko jaietan izango dira.

Bertsoa gaztetarik osasuntsu

Bizkaiko Umeen eta Gaztetxuen XXIV. Bertsolari Txapelketan, hamalau urtera artekoen artean, Nerea Ibarzabalek jantzi eban txapela eta Elene Lejarzegi izan zan txapeldunordea. Gazteen mailan, Jone Uriak jantzi eban txapela eta Miren Amuriza bigarrena izan zan baina biak be mereziduta euken txapel baltza.

Xabier de Felipe, 19 urteko biolinista bilbotarra Schleswig-Holstein Orkestran

Oraintsu ‘Acordes-Caja Madrid 2007’ Saria irabazi dauen ‘Kinteto Musikene’-ko biolinistea dan Xabier de Felipe, 19 urteko musikari bilbotarra, izan da Schleswig-Holstein Mundu Mailako Gazte Orkestran hartu daben euskaldun bakarra.