Aktualitatea

Zeanuriko Erroten VII. Ibilaldia antolatu dabe maiatzaren 6an

Ipizkieta Joko Alai alkarteek Zeanuriko Erroten Ibilaldiaren seigarren edizinoa prestau dabe. Maitzaren 6an, 9:00etan hasiko da martxea, Zeanuriko plazan. Izen-emotea maiatzaren 6an bertan izango da, 8:30ean, herriko plazan

Donostiako Giza Eskubideen X. Zinemaldian be Gernika gogoan

Giza Eskubideen X. Zinemaldiaren barruan, Gernikako bonbardaketearen 75. urteurrena gogorarazoteko, orain arte argitaratu bako Elai Alai filma estreinauko dabe 2012 Fundazioa ekimenak antolatutako Gerra Zibila Euskal Herrian zikloan.

Gernika gogoan

Gernikako bonbardaketearen 75. urteurrena da gaur. Urte osoan makina bat ekitaldi antolatu dira, bai Gernikako bonbardaketea gogoratzeko bai Bizkaia osoan bonbardeu zituen 30 herriek jasandakoa ez ahazteko. Gaur, egun osoan hamaika oroimen-ekitaldi atondu ditue Gernikan.

Kirmen Uriberen Bilbao-New York-Bilbao argitaratu dau frantsesez Gallimard argitaletxeak

Pariseko Gallimard argitaletxe prestigiotsuak argitaratu dau egunotan Kirmen Uribe ondarroarraren Bilbao-New York-Bilbao nobelea. Du mOnde Entier izeneko bilduman atara dabe, Antonio Tabucchi, Orham Pamuk, Philip Roth edo Ian McEwanen liburuak ataraten diran bilduma berean. Gersende Camenenek egin dau itzulpena.

Hurrengo artazikadea non?

Auñamendik eta Eusko Jaurlaritzeak hiru urteko lankidetza hitzarmena sinatu dabe

Auñamendi Eusko Entziklopedia 2012-2015 urteen artean osotzeko hitzarmena sinatu dabe Eusko Jaurlaritzearen Kultura sailburu Blanca Urgellek eta Eusko Ikaskuntzaren presidente Jose Maria Muñoak. Eusko Jaurlaritzeak 500.000 euroko ekarpena egingo dau, entziklopediaren edukiak zuzendu, osotu, eguneratu eta itzultzeko.

Emakumeen eta Hedabideen ganeko 4. jardunaldiak Leioan

Hilaren 26an eta 27an, besteak beste, honako gaien inguruan egingo dabe berba: hizkuntzearen feminizazinoa informazinoaren gizartean; eta maskulinotasun proposamenak eta genero estereotipoak prentsa maskulinoan.

EHUk 30 mintegi eskainiko ditu XIII. Bizkaia Bilbo Arte eta Kultura udako ikastaroetan

Aurten, EHUk 30 ikastaro eskainiko ditu BizBAK Bizkaia Bilbo Arte eta Kultura udako ikastaroetan. Arte eszenikoak, literaturea, kultur hedakuntzea, musikea eta beste hamaika gai jorratuko ditue mintegietan. Izena emoteko epea maiatzaren 2an hasiko da.

VIII. Matematikak eguneroko bizitzan ekimena Bilbon matematikea eta magia buztartuz

Berbaldiak Bidebarrieta Liburutegian eskainiko dira, arratsaldeko 19:30etatik aurrera. Lehenengoa, Matemáticas, magia y misterio izenekoa, eguen honetan (apirilaren 26an) eskainiko dau Fernando Blascok. Blasco Zientzia Matematikoetan doktore da Madrilgo Unibersidade Konplutensen, Matematika Aplikatuko irakasle Madrilgo Unibersidade Politeknikoan eta mago zaletua.

1,6 miloe euro, toki-erakundeetan Euskera Bizibarritzeko Plan Nagusia garatzeko

EAEko toki-entitateetan Euskera Bizibarritzeko Plan Nagusia (EBPN) garatzeko diru-laguntzak onartu ditue, eta danetara 1.630.000 euro boideratuko dira, Eusko Jaurlaritzako iturriek jakinarazo dabenez.

Euskadiko Orkestra Sinfonikoak Gernikako bonbardaketearen 75. urtemugea gogoratuko dau

Municheko Orkestra Filarmonikoa zuzendu ostean, Euskadira itzuli dan Andres Orozco-Estradaren zuzendaritzapean, eguen honetan, apirilaren 26an, Bilboko Euskalduna Jauregian, eta zapatuan, apirilaren 28an, Iruñeako Baluarte Auditoriumean izango dira kontzertuak.

'Spoiler' Alberto Alborren margo bildumea ikusgai dago Rekalde Aretoan

Bilboko Rekalde Aretoak Spoiler, Alberto Alborren erakusketea, aurkeztu dau, Bizkaiko Foru Aldundiaren sorkuntza artistikorako bekak lortu dituen egileen lanak erakusteko asmoz abiarazotako Barriek izeneko programearen barruan. Maiatzaren 27ara arte egongo dira ikusgai Alborren lanak.

Keane, James Murphy eta The View taldeak, Bilbao BBK Liveko kartelean

Bilbao BBK Live jaialdiko arduradunek jakinarazo dabenez, Keane, James Murphy eta The View taldeek Kobetamendin joko dabe garagarrilean, lehenagotik iragarritako The Cure, Radiohead, Garbage eta Snow Patrol bandakaz batera, besteak beste.

Leioako XII. Pop Rock Lehiaketeak baditu finalistak

Metal arloan, Creownless, Steel Puppets eta Frequency; Pop Rock arloan, The Pink Elephants, Krell eta The Glassphone dira finalistak. Euskerazko abestirik onena sari berezia Haxotz talde bilbotarrak eroan dau eta Leioako Udala saria, barriz, Luppulo talde leioaztarrak

ArgIHIzkiak argazkietan oinarritutako I. testu laburren lehiaketea antolatu dabe Getxon

ArgIHIzkiak argazkietan oinarritutako I. testu laburren lehiaketea laster egongo da martxan, izan be lanak bialtzeko epea maiatzaren 1ean hasiko da, eta 31n amaitu. Egizu Getxo euskera alkarteak, UK aldizkariak, Getxophoto ekimenak eta Getxoko Udalak antolatu dabe sariketea.

'Salmon Fishing in the Yemen'

Baina, halango baten, pelikuleak okerrera egiten dau nabarmen. Emily Blunten personaiaren mutil-laguna gerran desagertzen danean, filma guztiz dramatikoa bihurtzen da, eta sinisgarritasuna galtzen dau. Atentaduak hasten dira, azpijoko politikoak... eta ez dau ezertan sakontzen.

VI. Gipuzkoa Encounter Tolosan hilaren 28tik 30era

VI. Gipuzkoa Encounter jaialdiaren eskaintzea sekulakoa da; Tolosako Usabal kiroldegian 2.500 metro koadro baino gehiago dagoz erabilgarri; 1 Gb/s-ko Internet konekzinoa; eta sarietarako 10.000 euroko partidea dago.

Elene Etxaniz eta Eva Vidal, IV. Bizkaidatz lehiaketako irabazleak

IV. Bizkaidatz edizinoko sariak banatu zituan Bizkaiko Foru Aldundiak apirilaren 23an, Liburuaren Nazinoarteko Egunean. Elene Etxaniz Agirre izan da sariduna euskerazko atalean, Uxiaren tesia lanagaitik, eta Eva Vidal Alvarez gaztelaniazkoan, La diosa beharrari esker.

Txillardegiri buruzko saiakera laburra idatzi dau Fito Rodriguezek

Fito Rodriguez idazle eta irakasleak Jose Luis Alvarez Enparantza Txillardegiri buruzko saiakera laburra kelaratu dau Erein etxeagaz. Urtarrilean hildako idazle, hizkuntzalari, euskaltzale eta politikariaren pentsamendua azaltzen ditu lanean. Txillardegi Haran sailaren laugarren zenbakia da, euskerazko lehenengoa, eta 44 orrialde ditu.

'Arteak ez du adinik' Guggenheim Bilbao Museoan

Apirilaren 24an eta 25ean, Zinemart+. Arteak ez du adinik programea izango da Guggenheim Bilbao Museoan, II. Artearen Pedagogiak zikloaren barruan eta zahartze aktiboaren eta belaunaldien arteko alkartasunaren aldeko Europako urtearen harian.