Aktualitatea

'Nahi dudalako!' kanpaineak ikasketak euskeraz egin deiezan animetan ditu gazteak

Getxoko Udala DBHko hirugarren eta laugarren mailetako ikasleak lanbide heziketako edo batxilergoko ikasketak euskeraz egin deiezan animetan dauen Nahi dudalako! kanpainan parte hartzen dago egunotan beste 16 udalerrigaz eta 3 mankomunidadegaz batera.

Basque Audiovisual Canneseko MIPTV azokan izango da euskal ikus-entzunezko sektorea ordezkatuz

Basque Audiovisual markeagaz honako euskal ordezkari honeek joango dira: Baleuko, Dibulitoon Studio, EiTB, EPE/APV, Exppresive, Idem 4, Mediabask, Pausoka, Somuga eta Ubiqa.

Etxepare Institutuak Koldo Mitxelena eta Eduardo Chillida katedrak sortu ditu

Etxepare Euskal Institutuak Koldo Mitxelena eta Eduardo Chillida katedrak aurkeztu ditu. Institutuko arduradunek Donostian eskainitako prentsaurrekoan azaldu ebenez, apirilaren 11n hasiko da Koldo Mitxelena katedrea Chicagoko Unibersidadean, eta AEBetako unibersidade-esparruan euskal ikasketak zabaltzea izango dau helburu. Eta udagoienean, euskal artearen inguruko Eduardo Chillida katedrea zabalduko dabe Frankfurteko Goethe Unibersidadean.

Billy Wilder zinemagileari buruzko tesia aurkeztu dau Simon Peña EHUko irakasleak

2002ko martiaren 27an hil zan Billy Wilder zinemagilea, orain dala hamar urte, hain zuzen be. Hollywooden gidoigile eta zuzendari ospetsu izan aurrettik kazetaritzan jardun eban. Prentsan egindako ibilbidea eta haren filmetan lanbideaz emon eban irudia ikertu dau Simon Peña EHUko Gizarte eta Komunikazino Zientzien Fakultadeko irakasleak.

'Guda Zibila Durangaldean' eta 'Durangoko bonbardaketa' lanak aurkeztuko ditue hilaren 26an

Jon Irazabal Agirrek idatzitako Guda Zibila Durangaldean 1936/1937 liburua eta Pablo Garitaonandiak berreskuratutako Durangoko bonbardaketa dokumentala aurkeztuko ditu Gerediaga alkarteak martitzenean, hilak 27. Ekitaldia Santa Susanako komentuko lehenagoko eleizan egingo da, 19:00etan.

Bilbao Izan programearen webgunea aurkeztu dabe

Bilboko Udaleko Kultura eta Hezkuntza Sailak Bilbao Izan egitasmoaren webgunea ipini barri dau martxan. Programea 2005ean sortu zan, eta uriaren ibilbide historikoa, personaia ezagunak, ondare artistikoa, uri-egituraketea, kaleak, txoko bereziak eta, batez be, auzoen historia ezagutarazoteko eta zabaltzea dau helburu.

Antzerkiaren Mundu Eguna Bilbon

Bilboko Udaleko Kultura eta Hezkuntza Sailak, sektoreko agente garrantzitsuenakaz batera, bat egingo dau, datorren martitzenean, martiaren 27an, Santiago Plazearen eta Arriaga Plazaren artean eskainiko dan ikuskizun ibiltariagaz. Eguerdiko 12:00etatik aurrera, John Malkovich antzezleak sinatu dauen aurtengo adierazpena irakurriko da.

Josu Camara: 'Krisi sasoi honetan, gehienbat antzezlan errentagarrienak programetan dira'

Antonio Tabucchi idazlea hil da

Antonio Tabucchi (Pisa, 1943 - Lisboa, 2012) idazlea bart hil da, Lisboan, gaixotasun luze baten ondorioz. Tabucchik 68 urte zituan eta datorren eguenean lurperatuko dabe Lisboan bertan, haren alargunak, Maria José Lancastrek jakinarazo dauenez.

Mathieu Kassovitzen film bategaz hasiko da Donostiako Giza Eskubideen X. Zinemaldia, apirilaren 20an

Mathieu Kassovitz antzezle eta zuzendari frantsesaren L'ordre et la morale (2011) filmagaz hasiko da apirilaren 20an Donostiako Giza Eskubideen X. Zinemaldia, Victoria Eugenia Antzokian.

Durangaldeak irabazi dau Bertsolari Gazteen XX. BBK Sariketea

Durangaldea izan da irabazle Bertsolari Gazteen XX. BBK Sariketan. Bilboko Kafe Antzokian izan zan finala, bariku arrastian, Durangaldea eta Lea Artibaiko taldeen artean. Aurton, Lea Artibai taldeko Naroak jaso dau Bizkaiera egokienari saria, eta Durangaldeko Txaber Altube izan da Finalistarik Gazteena.

Euskal literaturea Abu Dhabiko Book Fair azokan izango da

Euskal literaturea Abu Dhabiko Book Fair izeneko azokan izango da aurten. Izan be, euskal liburuak egongo dira Literature Across Frontiers erakundearen standean. Etxepare Euskal Institutuak eta LAF erakundeak sinatutako hitzarmenak ahalbidetu dau ekimena.

Ehun jarduera baino gehiago aurten, EHUren Udako Ikastaroetan

EHUren udako ikastaroak bagilaren 14an hasiko dira eta irailaren 15ean amaitu, tartean, abuztuaren 6tik 19ra deskantsua egongo da. Matrikulea egiteko epea, maiatzaren 2tik 31ra izango da eta bekak eskatzeko aukerea zabalik dago honezkero.

Buy Urdaibai, eskualdeko ekonomia sustatzeko jaio da

Gure izena Buy Urdaibai da, eta berba-joko horrek Urdaibain erosi esan gura dau. Horren bitartez, geure enpresen eta eskualdearen onerako markea edo ikur bereizgarria sortu gura izan dogu.