Aktualitatea

Ramon Agirrek eta Niko Lizeagak 'Bejondaigula!' antzezlana estreinauko dabe Donostian

Ramon Agirre eta Niko Lizeaga aktoreek Bejondaigula! antzezlana estreinauko dabe eguenean, Donostiako Viktoria Eugenia antzokiko Club aretoan. Carles Albeolak katalanez idatzitako lanak mundu guztiko antzokietan hogei urte baino gehiagoz ibilitako aktore beterano bi ditu protagonista.

Summer of Labs, teknologia eta sorkuntzearen erabilera sozialak aztergai

Donostiako Tabakalera zentroak Summer of Labs @Euskadi ekimena ipini barri dau martxan. Teknologiak eskaintzen dituan sormen aukerak eta erabilera sozialak aztertzea dau helburu egitasmoak. Sortzaile, ekintzaile, zaletu eta jakin-mina dauen guztientzako topalekua izatea gura dabe antolatzaileek.

Helena Orcoyen soprano gazteak Lekeitioko XXXIV. Nazinoarteko Itxas Soinua Musikaldia abestuko dau

Lekeitioko XXXIV. Nazinoarteko Itxas Soinua Musikaldia abuztuaren 11an hasi eta 15ean amaituko da. Makina bat sasoitako musikea izango da entzungai egunotan Andra Mari eleizan, Barrokoko musikea, Erdi Arokoa eta Errenazimentukoa, eta tartean jazz doinu modernoagoak.

Hesian taldeak zuzeneko diskoa grabauko dau Gernikan, abuztuaren 14an

Hesian taldeak zuzeneko diskoa grabauko dau abuztuaren 14an, Gernikan, jaietan. Jarraitzaile guztiei parte-hartzeko konbitea egin dabe taldekideek sare sozialetan. 2013ko udabarrian argitaratuko dabe.

Perseida ozar-izarren behaketea egingo dabe domekan Busturiko Madariaga torretxean

Euskadiko Biodibersidade Zentroak eta Bizkaiko Astronomia Alkarteak Perseida ozar-izarrak behatzeko hitzordua porestau dabe domekan, abuztuaren 12an. Zentroaren kanpoaldean bertan ikusiko ditue, Busturiko Madariaga torretxean.

Bazterrak kiskaltzen, aurten be

Twitter sare soziala, euskeraz

Daborduko martxan da Twitter sare soziala euskeraz. Astelehen arrastian estreinau zan interfazea euskeratuta. Twitterreko arduradunek maiatzean zabaldu eben zerbitzua euskeratzeko asmoa, hainbat erabiltzaileren eskaerei erantzunez.

Bilboko BBK Saleak prest dauka Aste Nagusiko egitaraua

Bilboko Aste Nagusia gero eta hurrago dago. BBK Saleak daborduko prest dauka jaietako egitarau berezia. Bertoko eta kanpoko taldeek joko dabe berta, eta BBK Musika Banden Jaialdia be hantxe egingo dabe.

Jabi Elortegi: 'Sasoi guztietako arrantzaleei omenaldia egin gura izan deutset filmagaz'

Jean Renoren 'Comme un chef' pelikuleak edegiko dau 'Culinary Zinema: Zinema eta Gastronomia' saila Zinemaldian

Culinary Zinema: Zinema eta Gastronomia sailaren egitaraua aurkeztu dabe gaur Basque Culinary Centerrek Donostiako Zinemaldiak eta Berlingo nazinoarteko zinema-jaialdiak. Jean Reno ezaguna protagonista dauen Comme un chef pelikuleak edegiko dau saila, irailaren 22an.

Igor Rezolaren 'En blanco' proiektua ikusgai, Deustuko zubiko etxolan

Igor Rezola Dizebi EHUko ikaslearen En blanco lana ikusgai egongo da Bilboko Deustuko zubiko aginte-etxolan abuztuaren 22ra arte. EHUko hirugarren zikloko ikasleek sortu eta garatutako Interbentzioak Deustuko zubian proiektu artistikoaren bosgarren erakusketa da, hain zuzen be.

Kantuz gogoratuko dabe Lauaxeta idazlea arrastian Mungian

Estepan Urkiaga Lauaxeta idazle eta kazetaria gaurko egunez, abuztuaren 3, jaio zan 1905ean Laukizen. Umea zala Mungiara joan zan biziten, eta hantxe kantuz gogoratuko dabe bere jaiotzearen urtemugea. Mungiako Udalak, kantuzale taldeekaz batera, kantaldi herrikoia antolatu dau barikuan, 19:30ean, Andra Mari gunean.

1912ko galarrenan hildako arrantzaleen izen-abizenak batean jaso ditue

1912. urteko abuztuaren 12ko galarrenean hildako 143 arrantzaleen izen-abizenak, adina, egoera zibila eta seme-alaba kopurua batzen dituan liburuxkea argitaratu dau Bermeoko Udalak hondamendiaren mendeurrenaren inguruko ekitaldien barruan.

Leioako Zientzia Parkeko egoitzearen ideia-lehiaketara aurkeztutako proiektuak argitaratu ditu EHUk

EHUk argitaratu barri ditu Leioako Zientzia Parkean graduondoko ikertzaileak eta ikasleak hartuko dituan eraikinaren diseinua dala-eta unibersidadeak deitutako ideia-lehiaketara hainbat arkitektura-estudiok eta -enpresak aurkeztutako 26 proiektuak. Proposamen guztien argibide tekniko eta zirriborroak batzen ditu liburuak.