Aktualitatea

Berri Txarrak taldearen bilduma diskoko kantu zerrendea erabagita dago

Berri Txarrak taldeak diskorako aukeratu dauen izenburua honakoa da: Denak ez du balio - SINGLES 1997-2007.

Aitatu lana CD+ DVD euskarrian kaleratuko da zemendiaren hirugarren astean.

Berrizko leku-izenen mapak kultur etxean erakusgai jarri dira herritarren ekarpenak jasoteko

Orain dala bi urte ekin eutson Berrizko Udalak proiektuari, baina azken urtebetean hasi da emoitzak jasoten. Euskaltzaindiaren tutoretzeagaz, bekadun bi ibili dira landa-lana egiten, jenteari galdezka, artxiboetan kontsultetan eta gaur egun zelan erabilten diran jasoten. Amesa Berrizko leku-izenak zehaztea da eta, beraz, auzo, mendi, erreka, leku eta baserrien izenak batu dira.

Xabier de Felipe-Arkaitz Mendoza Duok lehenengoz joko dau jentaurrean

Hitzordua datorren zapatuan, hilaren 13an, Arabako Araian izango da, Andra Mari Aretoan, Urte Hondarreko Musikaldiaren Programazinoaren barruan. Kontzertua arratsaldeko 20:15ean hasiko da.

'Cuarenta dias de mayo' lana aurkeztu dau Mikel Alvira nafarrak

Mikel Alvirak (Iruñea, 1969) gaur aurkeztu dau Bilbon zazpigarren nobelea dauen Cuarenta dias de mayo Ttartalo argitaletxearen eskutik. Emozinoa eta tentsinoa dira nagusi, nobela baltzetik zein historikotik asko dauen liburuan.

Bizkaie! finalistea da euskal web onenak saritzeko elcorreo.com-ek antolatutako Sarietan

Bizkaie! agerkaria finalera heldu da euskal web onenak saritzeko elcorreo.com-ek antolatutako VIII. Sarietan. Mendebaldeko euskalkia erabiliz, askotariko gaiak jorratzen dituan Interneteko agerkari bakarra Aisialdia eta zerbitzuak kategorian dago finalista. Emon botoa hemen.

Columbiako Unibersidadeak (New York) Jose Antonio Agirre omenduko dau

Barnard Collegeren Migrazinoari buruzko Foroak, Columbiako Unibersidadeko Europar Ikaskuntzen Institutuak eta Lehendakari Agirre AL50 Batzordeak antolaturiko jardunaldi horretan, Europatik emigrautako nazino estadurik bako gizaldeen abertzaletasun-adibiderik ezagunenetako batzuk aztertuko dira.

Euskerea erakundeetako informazino eta komunikazino teknologietan txertatzen laguntzeko jardunaldiak antolatu ditue

Euskalitek eta Innobasquek alkarregaz antolatu daben Kalidade eta Bikaintasunaren Europar Astean parte hartuko dau Ziurtagiriaren Elkarteak, eta 'Enpresa eta euskara, sareak sortzen' izenburupean jardunaldia antolatu dau eguenerako, zemendiak 11, Gasteizen.

Ziberkazetaritza eta Web 2.0 II. Nazinoarteko Kongresua hasi da Bilbon

Kongresu honetan Internetek izan dauen eboluzinoa aztertuko da, orain Sareak erabiltzaileari eskaintzen deutsozan aukerakaz, komunikabideen kontsumitzailea izatetik sortzailea izatera pasau baita. Horrek izugarrizko ondorioak ekarri ditu komunikabide tradizionalentzat eta jardunaldiotan aztertuko dira aldaketa horreek. Zemendiaren 10etik 13ra egingo da.

Galdamesek 'Udagoiena euskeraz' ospatuko dau

Programearen helburu nagusia da herriko umeei euskerazko jarduerak eskaintzea, euskerea ikasgeletatik eta ikastetxetik kanpo be atara eta komuniketako berezko hizkuntzea izan daiten.

Euskaltzaindiak 'Gazteak, aisialdia eta euskerea' aztertuko ditu XV. Jagon Jardunaldietan

Euskaltzaindiaren XV. Jagon Jardunaldiak edegiak izango dira, bai eta dobakoak be, eta entzule legez nahi dauena joan daiteke. Izena emoteko epea zemendiaren 18an amaituko da.

Zinebi52k Nicolas Roeg zinegileari eta Luis de Pablo konposatzaile bilbotarrari emongo deutsez Ohorezko Mikeldi sariak

Urtean zehar, Zinebik 3.196 film jaso ditu, eta horreetatik 73k Lehiaketarako Sekzino Ofizialean hartuko dabe parte, lehiaketako hiru generoetako (fikzinoa, dokumentala eta animazinoa) Urrezko eta Zilarrezko Mikeldiak lortzeko lehian. Beste urte batez, Zinebik marka guztiak gainditu ditu, aurten aurreko edizinoan baino 231 film gehiago jaso baititu.

Nontzefilmak Zinema eta Animazinoko Film Laburren Lehiaketea abiatuko dau Nontzeberrik

Lanak zinemakoak edo animazinokoak izango dira eta, azken horretan, animazino teknika guztiak onartuko dira (3D, Flash, stop-motion…). Aurten, nobedade legez, eta Nontzeberri webgune berria sustatzeko amesagaz, spot lehiaketea be abiatu dabe: NontzeSpot.

Arratiako Berbaportua, liburu batetik abiatu eta beste sormen-lan batzuetara eroango gaituen bidea

'Liburu bat oinarri hartuta, harantzagoko pausu bat emon, eta beste portu batzuetara heltzea da gure asmoa: liburu horregaz lotutako pelikulak ikusi, hitzaldiak entzun, ibilaldiak egin, beste liburu baten orrietara heldu... nork daki nora eroango gaituen irakurriko doguzan liburuek'.

Arabako euskaldunon alkarguneei buruzko topaketak antolatu ditue Topaguneak eta Euskara, Kultura eta Kirol foru Sailak

Topaketearen helburuak dira Arabako euskaldunon alkarguneen gainean gogoetea egiteko gunea eskaini, alkar ezagutzeko aukerea sortu, esperientzia eta eretxi trukerako foroa ahalbideratu, Arabako aukera eta erronka barriak balorau, auzolanerako aukerea eta beharra azalerazo eta herritarren funtzino nahiz protagonismoa aldarrikatzea.

X. Zientzia Astea Bilbon zemendiaren 11tik 14ra

Zientzia eta teknologia herritarrei hurreratzeko eta herritarren artean zabaltzeko makina bat ekintza antolatuko dira bertan, dibersinoa eta entretenimendua bide dala. Hamabost stand izango ditu, horreetako bederatzi UPV/EHUrenak eta ganerako guztiak materia anitzei buruzko jakin-mina piztuko daben bitxikeriaz josita.