Aktualitatea

Casilda Hernaez militante anarkista historikoaren biografia kaleratu dau Txertoak

Luis Jimenez de Aberasturik idatzitako Casilda miliciana. Historia de un sentimiento liburua argitaratu dau Txertoak, militante anarkista historiko donostiarraren heriotzearen hogeigarren urteurrenean. Edizino berezia atondu dabe, ohar argigarriez eta senideek itxitako argazkiz horniduta.

'Euskaltzaindia eta Ipar Euskal Herria' liburua aurkeztuko dabe gaur Baionan

Euskararen Erakunde Publikoaren eta Euskaltzaindiaren arteko lankidetza hitzarmena izenpetuko dabe zemendiaren 16an, Baionako campusean, 11:00etan. Ostean, Akademiak Euskaltzaindia eta Ipar Euskal Herria liburua aurkeztuko dau, XVII. Jagon jardunaldien barruan.

'Federaziotik Mugimendura' gogoeta prozesua abiatu dau Topaguneak

Zemendiaren 17a hautatu da Kongresuari amaierea emon, eraldabideak onartu eta praktikan jarten hasteko egun modura. Bilboko Euskalduna Jauregian egingo dan biltzarrean mobimentuarentzat gogoeta sakonerako aukerea emon daben urte bi eta erdiko prozesu sakonari amaierea emongo jako.

Kultur eta hizkuntza ondarean puntako adituak batuko dira I. Jardunaldietan Ondareaz eta Hezkuntzaz

Helburua da kultur eta hizkuntz ondare batzean, konserbazinoan eta zabalkundean Euskal Herrian puntarengo espezialistak diranak batzea, ondarea ikaskuntza-prozesuan barruratzeko eta teknologien bidez hezkuntzearen profesionalen esku jarteko.

Julianna Barwickek ekingo deutso Bilboko Alondigako 'Urpeko Musika' kontzertuen zikloari

Julianna Barwick musikariaren kontzertuagaz hasiko da datorren zapatuan, zemendiaren 17an, Bilboko Alondigako Urpeko Musika kontzertuen ziklo barria, gaueko 21:30ean hasita.

Zortzi euskal zinemagileren behar bana, 54. Zinebiko sail ofizialean

Zortzi euskal zinemagilek sortutako lanak izango dira lehian aurtengo Zinebi jaialdiko Sail Ofizialean. Prentsaurrekoan aurkeztu ditue Arriaga antzokian, eta bariku arrastian, 20:00etan, proiektauko dira egitarau ofizialaren barruan. Animazinozko eta fikzinozko hiruna lan, eta dokumental bi eskainiko ditue, hain zuzen be.

'Morritson eta Gartzia' 3D formatuan egindako lehen film luzea

Komedia eta dramearen artekoa dan Morritson eta Gartzia filman Aiert Goenaga izan da zuzendari eta produktorea eta Jon Urraza zuzendari, gidoilari eta aktoreagaz batera gidatu dau. Morritson eta Gartzia Café Bilbao antzezlan saridunaren moldaketea da filman jaso dana. Hiru lagun, bi aktore, eta zero aurrekontuagaz, bost egunetan eta 30 ordutan egin eben ordu eta laureneko pelikula luzea.

AhoDubber zuzeneko ikuskizunen hizkuntza itzultzailea aurkeztuko dabe hilaren 20an

AhoDubber zuzeneko ikuskizunetan erabilteko hizkuntza-laguntzailea aurkeztuko dabe hilaren 20an, Bilbon, Harrobia Ekoizpen Eszenikorako Barrikuntza Zentroaren egoitzan. Sistema barriak zuzeneko emonaldia beste hizkuntza baten segiduteko aukerea eskaintzen dau.

Londreseko giltzak ostu ditue baina gure inguruetan be gero eta gehiago dabiz eskuluzeak eta, beraz, kontuz ibili!!!

Idazle Presoen Nazinoarteko Eguna ospatzeko ekitaldiak antolatu ditue Donostian

Nazinoarteko PEN Klubak zemendiaren 15ean ospatuko dau Idazle Espetxeratuaren Nazinoarteko Eguna, hain zuzen be 31. aldiz. Gurean, barriz, Euskal PEN Klubak lehenengoz atondu ditu ekitaldiak, Donostian. Ataramiñe alkarteak eta Donostiako Udalak be parte hartu dabe.

Kaotiko taldea buru-belarri dabil disko barria atontzen

Kaotikok disko barri hau Soziedad Alkoholika taldeko Jimmyk produzidutea erabagi dau. Usurbilgo Higain estudioetan grabauko dabe disko barria Haritz Harreguyren zuzendaritzapean.

'Dans la maison'

Hainbat gai jorratzen ditu pelikuleak. Alde batetik, voyeurismoari buruzko azterketa bitxia da. Baina ez hori bakarrik. Sormen literarioaren inguruan galdera interesgarri batzuk egiten ditu: zelan sortu istorio bat? zelan bizi doguz besteek asmatutako istorioak?

Euskarabila ipuin erotikoen lehiaketeak agur

2012ko honen ondoren, Euskarabila alkartearen beraren etorkizuna berraztertzen ari garen honetan, lehiaketan be etena egitea erabagi dogu. Horretarako momentu egokia zala uste izan dogu: orain arteko edizino guztietako irabazleen ipuinak argitaratuta dagoz eta tiraderetan ez jaku inorenik gordeta gelditzen.