Aktualitatea

Zornotzako Barnetegiak 20 urte

Zornotzako Barnetegiaren jarduna, batez be, euskera eskolak emotea izan da zabaldu zanetik, eta 20 urteotan handik pasau diran ikasleak 20.000tik gora dira.

Bizkaiko Erdi Aroko altxorrak agirian

Erdi Aroaren azkenengo sasoia izango da aurtengo Ondarearen Europako Jardunaldien ardatza. Bizkaiko 50 udalerrik 100 bat jarduera eskainiko ditue urrian, tartean, bisita gidatuak, antzezlanak, kontzertuak, erakusketak, berbaldiak eta tailerrak. Eta dan-danak debalde.

Bilbo, Manhattaneko Film Laburren Jaialdiaren uriburu bihurtuko da

Bilbo 2012ko Manhattan Short Film Festival jaialdiaren uriburu bihurtuko da gaur, hilak 28, eta bilbotarrek bertan parte hartzeko eta botoa emoteko aukerea izango dabe.

Getxoko Udalak frantsesa sartu dau bere webgunean

Getxoko Udalaren webguneak dauen turismoari buruzko atala lau hizkuntzatan dago, hau da, euskeraz, gazteleraz, ingelesez eta, aste honetatik aurrera, frantsesez be bai.

Irakurketa antzeztua eta lore eskaintzea Miguel de Unamunoren jaiotzearen 148. urteurrenean

Miguel de Unamuno 1864ko irailaren 29an jaio bazan be, gaur, hilak 28, eskainiko deutso omenaldia Bilboko Udalak, Iñaki Azkuna alkateak eguerdiko 12:00etan, bere izena daroan plazan egingo dauen lore eskaintzeagaz. Arratsaldeko 19:30ean, barriz, Bidebarrieta Kulturgunean, Gaitzerdi Teatroren irakurketa antzeztua izango da, egileak idatzitako antzezlan batean, 1918an estreinautako Fedra tragedian, oinarritutakoa.

Ikutzeko artea erakusgai, Bilboko Arte Eder Museoan

Itsu edo ikusmen arazoak dituenentzako erakusketa berezia edegi dabe Bilboko Arte Eder Museoan, Iberdrola enpresearen babesagaz. Artelanak ezagutzeko teknika aitzindari bati esker, museoko bilduma iraunkorreko bost maisulanez gozetako aukerea eukiko dabe bisitariek.

Pablo Berger bilbotarraren 'Blancanieves' pelikulea, Oscar sarietan

Pablo Berger bilbotarraren Blancanieves pelikulea izango da Espainiaren ordezkari Oscar sarietan. Espainiako Zinema Akademiak jakinarazo barri dau albistea. Mexiko zinemearen Ariel Sarietan be, pelikula bera joango da Espainiaren izenean.

'Euskararen Herri Hizkeren Atlasa'-ren IV. liburukia argitaratu dau Euskaltzaindiak

Euskararen Herri Hizkeren Atlasa-ren IV. liburukia argitaratu dau Euskaltzaindiak. Aurkezpena bariku eguerdian egin dabe, Iruñeko Kondestablearen jauregian. Kontzeptu ugari bildu eta landu ditue, arlo biren ganean: etxe-abereak eta etxea bera.

'Ce n'est qu'un début'

Umeen erantzunek batzuetan barrea eginarazoten dabe: Nire aita ez da batere azkarra, 'nutella' hozkailuan sartzen dau eta. Beste batzuetan, umeek esandakoak oilo-narrua ipintzeko modukoak dira: Gurago neuke baltza ez izatea. Esperimentu interesgarria izateaz gan, dokumental honek gaurko gizarte frantsesaren aniztasun etnikoa erakusten dau.

'Urdaibaiarte On' egitasmoaren balorazino sano ona egin dau 2012 Fundazinoak

Amaitu barri dira Urdaibaiarte On egitasmoko erakusketak, Zentzua eta iraunkortasuna eta Urdaibaiarte On. Balorazino sano ona egin dau 2012 Fundazinoak. Oscar Tuazon, Maider Lopez eta Liam Gillicken lanak Urdaibain geratuko dira.

Nazinoarteko antzerkia protagonista Gasteizen urrian eta zemendian

Urtero legez, aparteko garrantzia emongo jako bertoko sorkuntzeari eta, esangura horretan, aurtengo barritasun nagusia Bernardo Atxagaren Soinujolearen semea lanean oinarritutako antzezlanaren aurkezpena dogu. Sorkuntza publikorako esparru barri batean, ikuskizuna hiru antzokik batera produzidu dabe: Gasteizko Principal antzokiak, Bilboko Arriaga antzokiak eta Donostiako Victoria eugeniak, Tanttaka taldeagaz batera.

Sopelako lasterketa nudista ezagunaren XIII. edizinoa irailaren 29an izango da

Datorren zapatuan, irailaren 29an, goizeko 11:00etan, Sopelako Barinatxe hondartzan (La Salvaje) Estaduan eta Europa osoan erreferentea dan Sopelako lasterketa nudistea egingo da. Aurten Patxi Ros sariaren hamairugarren edizinoa ospatuko da, Sopelako Udalaren lankidetzeagaz.

Europako 21 hizkuntza digitalki galtzeko arriskuan

Europako hizkuntzarik gehienak ez dagoz oraindino prest. Hutsune nabarmenak dagoz teknologian, I+G proiektu gehienak ingelesean oinarritzen baitira, konpromiso eta diru-baliabide faltea baitago, eta, oro har, ikerketarako eta teknologiagazko ikuspegi garbirik ez baita garatu.

Estutu eta estutu errementau arte

Euskal filmak izango dira ikusgai London Spanish Film Festival jaialdian

London Spanish Film Festival izeneko jaialdia Londresen egingo da irailaren 28tik urriaren 10era bitartean, eta euskal zinemak atal berezi bat izango dau bertan, Arriya, Bertsolari, La casa Emak Bakia eta Extraterrestre pelikulak proiektauko baitira.

Euskaltzaindiak bere webgunean jarri dau 'Gramatika emendakinak. Zuberoako euskaraz' liburua

Liburu hau Euskaltzaindiaren Jagon bildumako 12. zenbakia da eta Jüje Etxebarnek atondu dau, AEK-ko Xiberoko Gaü Eskola Laminak-egaz alkarlanean. Agosti Aguer, Battita Guiresse eta Beñat Sarasola izan ditu kolaboratzaile.

Bihotza edegiteko deia egin deutsee mintzalagunek ganerako euskaldunei

Gaur egun, 5.000 lagun dabilz mintzapraktika programetan parte hartzen, 65 herri eta eskualdetan. Astean ordubetez, aisialdian euskeraz berba egiteko laupabost laguneko taldeak osotzen ditue.

Emakumeen presentzia sekula baino handiagoa izango da Bilboko Film Sozialen jaialdian

Laugarren urtez egingo dabe Nazinoarteko Film Ikusezinen Jaialdia, irailaren 27tik urriaren 4ra, KCD Garapenerako Gobernuz Kanpoko Erakundeak antolatuta. Ohiko moduan, mundu zabalean eta geure inguruan jazoten diran bidebakokeriak salatu, gizarteari ahotsa emon eta baztertutakoen alde egiten daben pelikulak proiektauko ditue.