Aktualitatea

Prestige itsasontziak bazterrak kakaztu zituanetik 10 urte beteko dira laster. 7-8 bat hileko iraupena izango dauen epaiketea, barriz, gaur hasiko da. Nunca máis!!!

'10 book from the Basque Country' argitalpena aurkeztu dabe Frankfurteko Liburu Azokan

Etxepare Euskal Institutuak 10 book from the Basque Country izeneko katalogoa aurkeztu dau amaitu barri dan Frankfurteko Liburu Azokan. Argitalpenean hamar euskal idazle eta euren liburu banaren lagina jaso ditue.

The Rolling Stones taldeak lau kontzertu emongo ditu aurten bere 50. urteurrena ospatzeko

50. urteurrena ospatzeko asmoz, The Rolling Stones taldeak bina kontzertu eskainiko ditu urte honetan Londresen eta New Yorketik hur. Lehenengo bi emonaldiak Londreseko O2 Arenan izango dira, zemendiaren 25ean eta 29an, eta beste biak Newarkeko Prudential Centeren, abenduaren 13an eta 15ean, taldeak iragarri dauenez.

Martxan da Elhuyar Fundazinoaren Teknoskopioa, Euskal Herriko proiektu-lehiaketea

Teknoskopioaren helburua da gazteak ikerketan eta ikertzaileen jardueran buru-belarri sartzea, eta ikerketa edo proiektu teknologiko bat antolarazotea. Beraz, proiektu baten prozesu osoan hartuko dabe parte gazteek: ideia sortu, proiektua garatu eta proiektuak jentaurrean aurkeztu.

Euskal HerrikoTrikitixa Eguna Bergaran, urriaren 27an

Bergaran egingo dabe aurtengo Euskal Herriko Trikitixa Eguna Bergaran, urriaren 27an. Egitaraua 11:00etan hasiko da, kalejiran. Euskal Herriko Trikitixa Alkarte antolatzaileak trikitilari eta zale ugari batzea espero dau.

Euskadiko Orkestra Sinfonikoak beste arteei eskeiniko deutse aste honetako egitaraua

Abonu denporaldiko bigarren kontzertuaren egitarauan, musikea ez eze, pintureari be lekua egingo deutsie. Esate baterako, eguaztenean Bilboko Euskalduna Jauregian izango dan emonaldian, Ignacio Diaz Olano margolari arabarraren Sonata koadroa ikusi ahal izango da, Bilboko Arte Eder Museoagaz egin daben akordioari esker.

Zinexit Bilbon urriaren 16tik 19ra

Aurreko edizinoek lez, zinema-erakusketeak gizarte-pedagogiako proposamena dakar zinemagintzako artearen bitartez. Helburua da ikus-entzuleei giza eskubideakaz eta alkarbizitza demokratikoagaz zerikusia daben hainbat gairi buruz galdetzea, eta eztabaidagune bat sortzea.

'Azokide' kanpainea abian, Durangoko Azokeak aurrera egin daian

Durangoko Azokeak aurkeztu barri dau Azokide ekimena, enpresa pribaduek Azokeagaz daben atxikimendua erakusteko ziurtagiria. Finantza iturri eta babes barriak behar ditue, euskal kultur sorkuntzearen topaketa erreferentzialenak aurrera egiten segiduteko.

Maddi Sarasuak irabazi dau Xilabako bigarren kanporaketea

Umoretik joan zan saioa, kartzelako gaia barne eta freskotasuna eskaini eben bertsolari guztiek. Maddik batu eban pundu gehien, Xumai Muruagaz biek lan polita eskainiz, bertsoak goitik behera osotuz eta umoretik baita seriotik be argumento indartsuak botaz.

Mo Yan idazle txinatarrak irabazi dau Literaturako Nobel saria

Mo Yan nobelagile txinatarrak jasoko dau aurtengo Literaturako Nobel Saria. Azkenengo egunetan kinilietan agiri zan idazleetako zan. Mendebaldean, Zhang Yimouk Red Sorghum nobelea zinemara egokitu ebanean egin zan ezagun.

Euskera batuaren ingurumarian, 'Zazpi ebidentzia birjaiotzarako' Xabier Amurizaren gogoetak jasoten dituan liburua plazan

Xabier Amurizaren Zazpi ebidentzia birjaiotzarako (Lanku) egile beraren Euskara batuaren bigarren jaiotza saiakerearen jarraipena da, egileak berak azaldu dauenez. Batuaren birjaiotza sakon bat aurkeztu dau egileak, bersino zentratuago bat emon gura izan dau, gai txikiago eta eztabaidagarriago guztiak ezabatu eta arazo nagusietara bakarrik mugatuz.

'Bypass'

Akaso, amaierea ez da lar sinisgarria, baina ordurako hain tarte ona pasau dogu, hutsune guztiak parkatzen deutsaguzala euskerazko komedia dibertigarri honi.

Bermistorianek antxinako Bermeo erakutsiko deusku urriaren 16tik 23ra bitartean

Aurten be herriko historia zabalduko dau Bermistorian ekimenak urriaren 16tik 23ra bitartean, Bermeon. Antxinako azokea, bisita gidatu, barriketaldi eta ikuskizunak atondu ditue, besteak beste. Idurre Bideguren Bermeoko alkateak eta Aingeru Astui Kultura zinegotziak prentsaurrekoan azaldu ditue jaialdiaren zehaztasunak.

Rod Nelson eta Charles Cecil hizlari, Bilboko Fun & Serious Game bideojoko jaialdian

Rod Nelson injineruak eta Charles Cecil guruak Fun & Serious Game bideojoko jaialdian parte hartuko dabe Bilbon, jardunaldietako arduradunek aurreratu dabenez. Aurten, 354 lan aurkeztu dira Serious Games kategorian, eta 512 aisialdiko atalean. Jaialdia zemendiaren 26an hasiko da.

Carlos Saura zinemagileak 54. Zinebi jaialdiko Ohorezko Mikeldia jasoko dau

Carlos Saura zinemagilea omenduko dau aurtengo Zinebi Bilboko Zine Dokumental eta Film Laburren Nazinoarteko Zinemaldiak, jaialdiko arduradunek jakinarazo barri dabenez. Saurak zemendiaren 16an jasoko dau Ohorezko Mikeldia, Bilboko Arriaga Antzokian.