Aktualitatea

'LOMCEri ez, geure hezkuntzeari bai'

Gure helburua ikasle euskaldun eleaniztunak sortzea da. Ondorioz, euskerea ardatz dauen eredu bakarra behar dogu, eta ikaslearen ingurune soziolinguistikoa eta gaitasun psikologikoak kontuan hartuko dituan ikaskuntza metodologia ezarri. LOMCEk zalantzan jarten dau planteamendu hau, ez baita bermatzen eta indartzen hizkuntza koofizialen esparruetan hizkuntzarik ahulena.

Ahoz-Aho 2013, Ahozkotasunaren Nazinoarteko Jaialdia zezeilaren 22tik martiaren 2ra Ordizian

Kolonbia, Mexiko, Uruguai, Kuba, Irlanda, Valentzia eta Errioxatik datozen izar horreek Euskal Herriko dozena bat izarrakaz alkartuko dira eta istorioak, ipuinak, kondairak, kantuak eta jakituria esakiniko deuskuez. Ahoz-Aho 2013, Ahozkotasunaren Nazinoarteko Jaialdian parte hartuko dabenen zehaztasunak ikusteko klik egin hemen.

No

1988. urtean, Augusto Pinocheten diktadurea behera etorri zan, berak deitutako erreferenduma galdu ebanean. Ezustea upealakoa izan zan.

Bilboko Liburutegi Digitalak 60.000 irudi jasoko ditu urtea amaitu orduko

Bilboko Liburutegi Digitala abian da, dagoeneko 18.000 irudi ditu, eta urtea amaitu orduko 60.000 gehituko dituela aurreratu dabe Ibone Bengoetxea Bilboko Udaleko Kultura eta Hezkuntza zinegotziak eta Maria Felisa Sanz uriko Liburutegien Zuzendariak. 2005ean hasi ziran ondare bibliografikoa digitalizetan.

Familien ia % 78k D eredua hautatu dau EAEn 2013-2014 ikasturterako aurrematrikuletan

Hizkuntza-eredua kontuan hartuta, euskerazko D ereduak aurreko ikasturteakazko gora egin dau; eta behera, barriz, B eredu mistoak eta gaztelaniazko A ereduak. Holan, azken urteetako joerea mantendu egin dala nabarmendu daiteke. Familien % 77,73k aukeratu dau D eredua, % 19,22k B eredua, eta % 3,05ek A eredua.

'Euskal Antologiak' saileko lehenengo ale biak aurkeztu ditu Etxepare Euskal Institutuak

Euskal Antologiak saileko lehenengo ale biak aurkeztu ditu Etxepare Euskal Institutuak, euskeraz, gaztelaniaz eta frantsesez; Mikel Ayerberen Euskal narratiba garaikidea: katalogo bat eta Jone Arrotajairegik idatzitako Egungo haur eta gazte literatura: katalogo bat.

Zuzendaritza barria izango ete da kapaz EITB suspertzeko?

'Gatazken lorratzak' liburuan 1936ko gerreak eta euskal gatazkeak euskal literaturan izandako eragina aztertu dabe

Gatazken lorratzak. Euskal arazoen isla narratiban 1936tik gaurdaino taldkeo liburua argitaratu barri dau Utriusque Vasconiae argitaletxeak, Amaia Serrano eta Jon Kortazarrek koordinatuta. Kritika literarioa bildumako 22. alea da.

Calin Peter Netzerren 'Pozitia Copilului' pelikuleak irabazi dau Berlinaleko Urrezko Hartza

Calin Peter Netzerren Pozitia Copilului (Chid's Pose) pelikuleak irabazi dau 63. Berlinale jaialdiko Urrezko Hartza. Paulina Garcia txiletarrak irabazi dau Zilarrezko Hartza emakumezko aktore onenari, Gloria pelikuleagaitik; eta, gizonezko aktore onena Nazif Mujic bosniarra izan da, Epizoda u zivotuberaca zeljeza (An Episode in the Life of an Iron Picker) lanari esker.

Oskar Estangak irabazi dau Zubiriko saioa

Azkenean, Estangak irabazi dau, baina bi puntuko aldea besterik ez da izan bigarren sailkatuagaz. Joxema Leitzak eta Iban Garrok, bakarkako lan polita egin ostean, hirugarren eta laugarren postua eskuratu ditue. Ozta-ozta Josema Leitzak be finalaurrekoetarako txartela irabazi dau.

'Blancanieves' Pablo Berger zinemagile bilbotarraren pelikulea nagusi izan da Goya sarietan

Blancanieves Pablo Berger zuzendari bilbotarraren pelikuleak hamar Goya sari irabazi ditu bart, pelikula onenaren saria, jatorrizko gidoi onenarena, abesti onenarena eta emakumezko aktore onenarena, besteak beste. Gaur egungo egoera ekonomiko eta sozialak prrotagonismo nabarmena izan eban galan, izan be Eva Hache aurkezleak eta hainbat sarituk BEZ zergearen igoerea kulturan, murrizketak eta ustelkeria izan zituen gogoan.

Hemengo kultur aniztasunaren alde ehunka atxikimendu jaso ditu EH 11 Kolorek

Bozeroaileek orain arte jasotako atxikimenduak -400 baino gehiago dira dagoeneko- eskertu ditue. Besteren artean, Adierazpenagaz bat egin dabenen artean dagoz Mikel Urdangarin, Roberto Moso, Harkaitz Martinez, Kepa Junkera edota Gose taldea. Baita arte eszenikoen arloko Ramon Barea, Mikel Martinez, Galder Perez, Garbitxu (Deabru Beltzak) eta Pirritx, Porrotx eta Mari Motots pailazoak be.

Unai Elorriaga eta Jesus Ferrero protagonista 'Eztabaidak Literatureagaz' programan

Bilboko Udaleko Kultura eta Hezkuntza Sailaren ekimenak Jesús Ferrero eta Unai Elorriaga idazleak eta gidari lana egingo dauen Alicia San Juan kazetaria batuko ditu datorren martitzenean, hilak 19, Bilboko Bidebarrieta Kulturgunean, uriek literatur generoetan beteten daben lekuari buruz berba egin deien.

Euskal Herria 11 Kolorek orain arteko atxikimenduen barri emongo dau zapatuan, Bilborocken

Euskal Herria 11 Kolore ekimenak jasotako lehenengo atxikimenduak aurkeztuko ditu zapatuan, hilak 16, Bilboko Bilborock aretoan. Lidia de Lorenzo flamenko-jantzariak eta Arkaitz Estiballes eta Maialen Lujanbio bertsolariek hartuko dabe parte ekitaldian, besteak beste.