Aktualitatea

Emakumeak Eskenan VII. Antzerki zirkuitua abiatu dau Besarkada taldeak

Emakumeak Eskenan VII. Antzerki zirkuitua aurkeztu dau hontsu Besarkada antzerki talde amateurren federazinoak. Hurrengo emonaldia Xankore taldearen Bueno días, Margarita izango da, zezeilak 8an, Sestaoko Musika Eskolan.

Bidebarrieta liburutegiko Irakurketa tailerrak laster dira martxan

Bilboko Udal Liburutegien Sareak helduentzako Irakurketa tailerrak ipiniko ditu martxan asteon, Bidebarrietako Liburutegian. Talde bi dagoz, euskerazko eta gaztelaniazkoa. Izena emoteko epea zezeilaren 6an hasiko da.

Fernando Boterorena da Bilboko Arte Eder Museoko bigarren erakusketa bisitatuena

Bilboko Arte Eder Museoko Fernando Botero. Ospakizuna erakusketea da museo bilbotarraren historiako bigarren erakusketa bisitatuena, orain arte jaso dituan 155.000 bisitari baino gehiagori esker. Museoak danetara 295.655 bisitari izan ditu 2012an.

Itsaslaster, itsasgune eta Antartikako leku-izenak batu ditu Euskaltzaindiak

Azkenengo arauetan kontinenteetako leku-izen nagusiak emon ostean, Antartikako leku-izenak jaso ditu Euskaltzaindiak, eta horreekaz batera, munduko itsaslaster nagusien eta arrantzagune garrantzitsu batzuen euskerazko izenak, 172. arauan.

Euskereak bere gunea izango dau aurten be Expolangues azokan

Aurten be, Etxepare Euskal Institutua Parisko Expolangues azokan izango da, zezeilaren 6tik 9ra bitartean. Europako hizkuntza azoka garrantzitsuenetakoa da. Etxeparek euskereari buruzko argibideak eta hainbat baliabidaren barri emongo dau bere standean. Mundu osoko hizkuntzak batzen dira Expolanguesen.

Maruri-Jatabeko herri ondarearen ganeko makina bat kontu sareratu ditue

Maruri-Jatabe. Bizimodua eta ohiturak lana argitaratu eben Udalak eta Labayruk 2009an. Liburua eta DVDa atara ziran; orain lekukoen alkarrizketen fitxa digitalak ipini ditue Interneten, www.herriondarea.org. Maruri-Jatabeko kultur etxean aurkeztuko dabe proiektua, zezeilak 1ean, 18:30ean.

Bizkaian Hezeguneen Nazinoarteko Eguna Urdaibain eta Gorbeian

Urdaibai Bird Centerrek zentroa bera eta inguruko hezeguneak ezagutzeko dobako bisita gidatuak eskainiko ditu eta Gorbeiako Parketxeak Saldropo ingurura ibilaldi bat antolatu dau zapatu honetan, zezeilaren 2an, Hezeguneen Nazinoarteko Egunaren ospakizunen barruan.

Euskaltzaindiak 'Onomasticon Vasconiae' bilduma osoa sarean ipini dau

Onomasticon Vasconiae bilduma osoa sarea ipini barri dau Euskaltzaindiak. Sailean argitaratutako 29 liburuak konsultau daitekez Akademiaren webgunean.

'The Artist is Present' Marina Abramovic artistearen ganeko dokumentala, Guggenheim museoan

Guggenheim Museoak The Artist is Present izenburuko dokumentala proiektauko dau zezeilaren 5ean, zinema-aretoetan estreinau orduko. Ganera, sarrerea doban izango da.

Bilboko eraikin esanguratsuak mozorrotzeko diziplina arteko ideien txapelketea jarri dabe abian

Bilbok sekulako ondare arkitektonikoa dauka eta txapelketa honen asmoa, bilbotarren sormena erakusteaz gan, Bilboko eraikin enblematikoenak ezagutarazotea da, azpimarratu dau Bilbao Historiko alkarteko presidenteak.

'Ez gara Palestinaz ari', barru-barrukoak erakusteko proposamena

Bertsoa, musikea eta antzerkia buztartzen dituan Ez gara Palestinaz ari ikuskizuna aurkeztu barri dabe Ander Lizarralde eta Unai Muñoa bertsolariek, eta Imanol Kamio eta Aitor Aretxaga musikariek. Zapatuan, zezeilaren 2an, estreinauko dabe Andoaingo Bastero kulturgunean.

Bilboko Udal Musika Eskoleak zazpi prestakuntza tailer antolatu ditu

Zazpi prestakuntza tailer antolatu ditu Bilboko Udal Musika Eskoleak ikasturte honetan, zezeiletik apirilera bitartean. Oboe, fagot, biola eta biolinaren interpretazinoa izango da mintegion ardatza; horrezaz gan, jazz musika, Finale informatika programea eta euskal jantza tradizionalen jatorria be aztergai izango ditue.

Arabako Errioxako euskerazko webgunea sortu dabe

Eskualdean Arabako Errioxako Euskaltzaleak taldea eta Euskara Zerbitzua badira, Interneten bada txokorik euskereari buruzkorik, baina orain arte ez eben informazino orokorreko ataririk. Gure hizkuntzearen normalizazinoari bultzadea emon nahi deutsagu webguneagaz, eta euskaldunen informazino topagune be izan nahi dau atariak.

Margaret Atwood idazle kanadarrak edegiko dau Gutun Zuria jaialdia

Gutun Zuria Bilboko Letren Nazinoarteko Jaialdian izango da Margaret Atwood idazle kanadarra, Bilboko Alondigako arduradunek adierazo dabenez. Gutun Zuriaren seigarren edizinoa apirilaren 11tik 21era egingo da.

San Blas, bedeinkatutako aria saman ipiñi, ta eztulak blast!

31 bertsolarigaz, astegoienean hasiko da Nafarroako Bertsolari Txapelketea Lizarran

Sare soziala da aurtengo txapelketearen leloa, eta ordenagailu teklatu bat izango da irudia. Lehia baino gehiago, bertsolaritzearen inguruan sortzen dan alkarlana nabarmendu nahi izan dabe horregaz Nafarroako Bertsozaleen Alkarteko kideek.