Aktualitatea

7.500 lagunek ikusiko dabe Bob Dylan zuzenean Bilbon

Musikea jaun eta jabe izango da egunotan Bilbon, eguaztenetik aurrera. Bob Dylanek ekingo deutso lehenengo, Guggenheim museoko zabalgunean, eguaztenean bertan. Eta eguenean, Bilbao BBK Live jaialdiak The Cure taldeagaz edegiko dau Kobetamendiko eszenatokia.

Tobias Meinhart Quintet talde alemaniarrak irabazi dau Getxoko Jazzaldiko talde lehiaketea

Getxoko 36. Nazinoarteko Jazzaldiak 12.000 lagun batu zituan garagarrilaren 4tik 8ra bitartean, jaialdiko arduradunek jakinarazo dabenez. Estilo aniztasuna eta artista nagusien kalidadea nabarmendu ditue antolatzaileek. Tobias Meinhart Quintet boskote alemanak irabazi dau talde lehiaketea.

Modernidadea eta modeari buruzko udako ikastaroa antolatu dau Balenciaga Museoak

Modernidadea eta bere ohiturak: modearen filosofia txikiak izenburuko udako mintegia antolatu dau Cristóbal Balenciaga Museoak garagarrilaren 9tik 11ra bitartean. Modearen gaur egungo diskursoaren hainbat alderdiri buruzko gogoetea egingo dabe.

'Eman giltza, ama-aita!' kanpainea ipini dau martxan Alkarbidek

Eman giltza, ama aita-¡Háblale, escúchale! kanpainea martxan ipini barri dau Alkarbidek, Bizkaiko Euskara Zerbitzuen Bilguneak. Euskerea belaunaldiz belaunaldi transmititzeak daukan garrantzia nabarmentzea dau helburu ekimenak. Bizkaiko 11.000 familia inguruk jasoko dabe kanpainea.

David Espinosaren 'Mi gran obra' lanaren eregite prozesua ikusgai, BilbaoEszenan

David Espinosa artista katalanaren diziplina anitzeko Mi gran obra proiektu barritzailearen eraikuntza prozesua ikusteko aukerea izango da asteon, BilbaoEszenan.

BizBAK-ek musika eta irudi elektronikoak sortzeko tailerra eskainiko dau

Garagarrilaren 10ean, barriz, Bilboko Bizkaia Aretoko Arriaga gelan, emongo jako hasierea Vanguardias culturales, actores políticos y escenarios sociales de 1968 a 2011 ikastaroari. XX. mendean sistemea aldatu nahi izan eben kultur eta politika mobimentuen benetako eragina aztertuko dabe partaideek.

Sigma Project taldeak Eskoziako saxofoi biltzar baten parte hartuko dau

Munduko XVI. Saxofoi Biltzarra egingo da St. Andrewsen, Eskozian, garagarrilaren 10etik 15era bitartean, eta han izango da Sigma Project taldea, Etxepare Euskal Institutuaren laguntzinoagaz.

Gaur Eibarrera bueltauko dira udako ikastaroak

UEUren Udako Ikastaroen 40. urteurrenaren ospakizun ekitaldia tarteko, Baionatik bueltan, garagarrilaren 9tik 13ra, Eibarko UEUren Ikastetxe Nagusian (Markeskoa eraikina, Otaola hiribidea 1) izango da barriro hitzordua.

Euskerearen kale-erabilerea trabatuta dago

Orain hamar urtetik hona euskerearen kale-erabilerea bere horretan dagoala esan daiteke, trabatuta. 2011ko udagoienean egindako kale-neurketan erabilerea % 13,3koa izan da. Euskal Herriko Kale-Neurketea egiten hasi zanetik, hogeita bi urteko epean, 2,5 puntu egin dau gora euskerearen erabilereak Euskal Herriko batez bestekoan.

Bizkaiko Zientzia eta Teknologia Parkeko zugatzen ganeko liburua berrargitaratu dabe

Bizkaiko Zientzia eta Teknologia Parkeak 5.000tik gora zugatz ditu, Zamudio eta Derioko udalerrietan hartzen dituan 213 hektareatan banatuta. Bertako zugatz espezieen ganeko Zuhaitzen liburua lanaren berrargitalpena kaleratu barri dabe.

Euskal jantza alardeak garagarrilean, Bilboko Arriaga plazan

Garagarrilaren 8an, Basurtuko Beti Jai Alai taldeak alardea egingo dau Arriagako plazan. Ostean, beste hiru janzta emonaldi izango dira bertan, garagarrilaren 14, 21 eta 28an. Bilboko Udaleko Kultura eta Hezkuntza Sailaren Dantza plazetan ekimenaren barruan dago egitaraua.

60 lagunetik gora 'Barrura begiratzeko leihoak' filmaren alde

Gaur goizean, Donostiako San Telmo museoan Lander Garro idazleak, Telmo Esnal zinegileak eta Joxe Mari Agirretxe aktoreak, Barrura begiratzeko leihoak filmaren alde hainbat sortzaileren izenean sinatutako manifestua irakurri dabe.

Euskal Encounterrek robot artean ospatuko dau 20. urteurrena

Atzera be, nazinoartean erreferentziazkoa dan topaketa honek parte-hartze arrakasta handia lortu dau, 4.096 jesarleku edo plazak orain dala hile batzuk agortu baitziran, eta antolatzaileek itxaron zerrendea zarratu behar izan dabe partaide gehiegi aurkeztu diralako. Danetara, 6.000 parte-hartzaile inguru alkartuko ditu partyak.

Baionan ospatu dabe UEUren Udako Ikastaroen 40. urteurrena

UEUren Udako Ikastaroek 40 urte bete ditue, eta urterrena ospatzeko ekitaldia egin eben garagarrilaren 5ean Baionako Euskal Museoan. Euskalgintzako jentea, agintariak, euskaltzainak, kazetariak, UEUko ordezkariak eta beste makinatxu bat lagun batu ziran.

Gora San fermin, Gora Lesaka eta gora Iruñea!!!

Babelgo torrean zubiak eregiz

Sinergia da gakoa, UPV/EHUko Filosofia eta Hezkuntza Zientzien Fakultadeko ikertzaile horreen eretxiz: hizkuntzek dituen ezaugarri komunak erabiltea da oinarria, eskoletan ikasle benetan eleaniztunak hezteko; begiratzen gabilz zelan diseinau programa berezi bat hizkuntzen arteko loturak areagotzeko, eta horren eraginkortasuna ebaluetako.