Clayton Steele izango da urteko lehenengo Art After Dark saioko protagonistea

The Invaders, Dubkasm eta Clayton Steele izango dira urtarrileko Art After Dark saioko protagonistak barikuan, hilak 17. Emonaldiak 22:00etan hasiko dira, eta 1:00etan amaitu. Guggenheim museoan dagozan erakusketak ikusteko aukerea be izango dabe entzuleek.

Kanadatik datorren Clayton Steelek 00:00etan ailegauko da Guggenheimeko eszenatokira. Londresen jaio zan, baina Ontario, Toronto eta Detroit uriek eragin handia izan dabe bere musikan. Hamazazpi urte besterik ez zituela hasi zan DJ moduan. AEBn bizi da 2006tik, gaur egun produkzino lanak egiten ditu hainbat etxetarako, tartean, No. 19 eta My Favourite Robotentzat.

Dubkasm taldearen emonaldia 23:00etan abiatuko da. Dubkasm produktore Digistepek eta DJ Strydak osotzen dabe bikotea. Euren emonaldietan reggaea izaten da nagusi. Sufferahs Choice Recordings diskoetxearen sortzaileak dira. Igaz, Victory kantea argitaratu eben, askorentzat urteko onena.

Gauaren hasieran The Invaders izango dira, 22:00etatik aurrera. Orain hirui urte sortu zan taldea, elektronikearen abangoardiagaz bat egiteko. Publikoari jantzan eginarazotea da euren helburu nagusia. Bilboko Fever aretoko Bullshit Club-eko DJ egoiliarrak dira, eta artista ezagunekaz izan dira agertokian, besteak beste, Pendulum, Dirtyphonics eta Loo & Placidogaz.

Barikuko kontzertuetara hurreratzen diranek ondoko erakusketak izango ditue aukeran: Antoni Tàpies. Objektutik eskulturara (1964–2009), Garmendia, Maneros Zabala, Salaberria. Prozesua eta metodoa eta Guggenheim Bilbao Bildumearen aukeraketak IV (Bilduma Iraunkorra).

Sarrerak salgai dagoz daborduko, 15 euroan publiko orokorrarentzat, eta 11 euro Museoaren Lagunek. Oraingoan sarrerak ez dabe Fever klubera debaldeko sartzeko balio izango.

Ikusi argazki guztiak handiago