Aktualitatea

'Dantza Plazetan' ekimenaren barruan euskal jantzen lau alarde handi izango dira garagarrilean Bilbon

Bilboko Udaleko Kultura eta Hezkuntza Sailak euskal jantzen lau alarde programau ditu domeka honetarako, hilaren 5erako, eta garagarrilaren 11, 18 eta 25erako, uriko plazatan eskainiko diran erromeria tradizionalen, jantza alardeen eta kalejiren bitartez euskal folklore herrikoia bultzatzeko helburua dauen Dantza Plazetan programearen barruan.

Que Horas Ela Volta? (Una segunda madre)

Benetan ondo kontauta dago istorio hau. Aktoreen lana miresgarria da, batez be Regina Casérena. Anna Muylaert zuzendari brasildarrak primeran islatzen ditu giza klaseen diferentziak, eszenatoki bakar batetik mobidu barik. Esangura horretan, film honek Arriba y abajo serie famatua ekartzen deusku gogora eta XXI. mende honetan, nahiz eta makilatuago egon, antzeko egoerak izaten dirala gogorarazoten deusku.

Filmaren trailerra ikusteko klik egin hemen.

Hemen dira bertso-udalekuak

Hemen dira bertso-udalekuak; gaur, garagarrilak 3, zabalduko ditu ateak Orioko Itxaspe baserriak lehen taldea hartzeko. Garagarrilaren 3an hasi eta 12ra, bertsolaritzaz eta ahozkotasunaz gozetako aukerea izango dabe 12 eta 14 urte bitarteko gazteek.

Txomin Badiolak, Elena Aitzkoak eta Entre Cuerpos-Mugatxoan Alkarteak jaso ditue 2015eko Gure Artea Sariak

Txomin Badiola eskultore bilbotarrak, ibilbide artistikoaren autormenari jagokon modalidadean jaso dau 2015eko Gure Artea saria; Elena Aitzkoak, sorkuntza-lana autortzeko modalidadean; eta hirugarrenik, ikusizko arteen arloan egindako lana autortzen dauen modalidadean kultur alkarte batek jaso dau aurten saria: Blanca Calvo eta Ion Munduatek zuzentzen daben Entre Cuerpos-Mugatxoan alkarteak, hain zuzen be.

Benito Lertxundi eta Gaudeamus Korala, besteak beste, Bermeoko XXX. Nazinoarteko Musika Astean

Bermeoko XXX. Nazinoarteko Musika Astean hainbat estilotako sei kontzertu entzun ahal izango dira abuztuaren 1etik 7ra; Benito Lertxundi, Gaudeamus Korala, Miquel Bofill Sax Quartet eta Bilbao Orkestra Sinfonikoaren kontzertuakaz disfrutetako aukera parebakoa eskainiko deutse 30 urte beteten dituan Bermeoko Musika Asteak hurreratzen diran guztiei.

Elena Odriozolak Espainiako Ilustrazino Saria irabazi dau

Elena Odriozolak 2015eko Espainiako Ilustrazino Sari Nazionala irabazi dau, bere ildo berezko eta koherenteari jarraituta barritzeko izan dauen gaitasunagaitik eta haren lanaren ahalmen narratiboagaitik. Saria Espainiako Hezkuntza, Kultura eta Kirol Minsterioak emoten dau eta 20.000 euroko diru ekarpena jagoko.

'Poza da gure iparra eta horren arabera kudeatzen doguz emozinoak'

Esangura horretan, desikasi egin behar dogula esan dau: gure emozinoen lagun egin behar gara, ez erakutsi jakun moduan horreen kontra burrukan egin. Adierazo egin behar dogu sentiduten doguna eta sentimendu horreek zeharkatu. Emozino horreek norabide zehatz bati begira erabiliko doguz: poza da gure iparra eta horren arabera kudeatuko doguz emozinoak.

Euskaltzaindiak eta Mundakako Udalak Jose Manuel Etxeita omenduko dabe garagarrilaren 10ean

Aurten bete dira 100 urte Jose Manuel Etxeita idazle mundakarra hil zala. Hori dala-eta, garagarrilaren 10ean, haren omenezko jardunaldia egingo dabe Euskaltzaindiak eta Mundakako Udalak. Omenaldia arratsaldeko 19:00etan hasiko da, Juan Tribisarrospe Kultura Etxean. Egun berean, Akademiaren Literatura Ikerketa batzordeak be bilerea egingo dau, 13:30ean.

Burdinbidearen Euskal Museoak 58 tren historiko zirkulazinoan jarriko ditu garagarrilean eta abuztuan

Euskotreneko Burdinbidearen Euskal Museoak 58 tren historiko jarriko ditu zirkulazinoan garagarrileko eta abuztuko astegoienetan. Horreetatik 26 lurrunezko trakzinozko trenak izango dira, eta beste 32ak diesel trakzinozkoak, museoaren arduradunek jakinarazo dabenez.

Getxoko 39. Jazzaldia Avishai Cohen tronpeta-jotzaileagaz hasiko da

Getxoko Jazzaldiaren 39. ekitaldia garagarrilaren 1ean, eguaztenean, hasiko da artista handiz eta talde gaztez beteriko programeagaz. Lehenengo egunean Avishai Cohen tronpeta-jotzailea izango da protagonista nagusia (Biotz Alai plazan, 22:00etan).

Pello Añorgak eta Jokin Mitxelenak irabazi dabe Etxepare Saria

Pello Añorgak eta Jokin Mitxelenak aurkeztutako Munstroek pixa egiten dute ohean albuma izan da 2015eko Etxepare Sariaren irabazlea. Nabarmentzekoa da Añorgak eta Mitxelenak Etxepare saria irabazten daben bigarren aldia dala.

Euskerearen ganeko jarrera eta eretxien ikerketea aurkeztu dabe

Oso modu laburtuan adierazoko dodaz ikerketa honen irakurketatik ateratzen dodazan emoitza nabarmen batzuk, kontuan hartzekoak baitira hizkuntza politika garatzerakoan, herritarren gogoa, borondatea eta atxikimendua giltzarriak baitira ezein hizkuntza politikaren arrakastarako.

Nor da nor?

2015eko Juan San Martin bekea Etnologia ardatz hartuta

Juan San Martin Bekaren 2015eko edizioak Etnologia izango dau ikerketa esparru eta langai. Eskaerak eta ganerako agiriak Eibarko udalean aurkezteko epea 2015eko irailaren 1etik urriaren 9ra bitartean izango da.