Aktualitatea

Garagarrilaren 16tik 18ra, Maceo Parker, Eric Sardinas eta Davina & The Vagabonds izango dira Getxon

Barikuan, hilak 17, Maceo Parker funk musikaren mitoa dator Getxora. Zuzenezko saioetan kalidadea eta dibersinoa dira nagusi eta kontzertuetan lau hamarkada baino gehiagotan landutako trebezia eta maisutasuna erakusten ditu. James Brown handiaren bandako taldekidea izan zan eta artista eta banda ospetsuakaz ibilitakoa da

eLiburutegia Bilbo, Donostia eta Santurtzira heldu da

eLiburutegia, Euskadiko Liburutegi Digitala, irakurle zaletuentzako albiste bikainakaz heldu da uda partera. Garagarrilean (data desbardinetan), Bilbok, Donostiak eta Santurtzik eLiburutegia zerbitzua eskainiko deutsee Liburutegi Publikoen erabiltzaileei. Orain artean, zerbitzu hori eskaini ezin eben bakarrak ziran hiru udalerri horreek.

Mana taldeak irailaren 8tik 9ra aldatu dau Barakaldoko BECen emongo dauen kontzertua

Agenda arrazoiakaitik, Mana talde mexikarrak irailaren 8tik 9ra atzeratu dau Barakaldoko (Bizkai) Bilbao Exhibition Centre (BEC) guneko Bizkaia Arena pabiloian Cama Incendiada Tour izeneko birearen barruan eskainiko dauen kontzertua.

Europako Eremu Urriko Hizkuntzen Gutuna berresteko eskatu deutso Patxi Baztarrikak Frantziari

Hizkuntza Politikarako sailburuorde Patxi Baztarrikak eta François Maitia Ipar Euskal Herriko Euskerearen Erakunde Publikoaren presidenteak, Eusko Jaurlaritzearen eta Euskerearen Erakunde Publikoaren arteko lankidetza hitzarmenean aurreikusitako diru-laguntzinoen ebazpena aurkeztu dabe bart Baionan egindako ekitaldian, eta bertan egin ditu adierazpenak Baztarrikak.

Batxilergoko 1.612 kaslek egingo ditue unibersidadera sartzeko ezohiko probak UPV/EHUn

Garagarrilaren 8an, 8:45ean, Euskal Autonomia Erkidegoko Batxilergoko 1.612 ikaslek hasiko ditue unibersidadera sartzeko probak UPV/EHUn, ezohiko deialdian. Ohiko deialdian, Batxilergoko 9.460 ikasle aurkeztu ziran, eta, erreklamazinoen prozesua amaituta, % 98,45ek gainditu eban fase orokorra.

Baxoa % 100 euskeraz

Azken urteetan legez, aurten be Seaskako Etxepare lizeoko ikasleen % 100ek lortu dau Baxoa, are gehiago, lehen kolpetik lortu dabe. Poztekoa da jakina, ikasleen % 100ek lortu izana Baxoa eta lehen kolpetik. Ganera, 59 ikasleetatik 46k aitamena edo mentzinoa lortu dabe, hau da, % 78k.

Leandro Fealen argazki erakusketa ikusgai Bilbao Arten

Bilbao Arteko Kristalezko patioan martitzen honetatik, garagarrilaren 7tik 30era bitartean, Leandro Feal artista kubatarraren argitaratu bako argazkiak izango dira ikusgai; berariaz Bilbao Arterako produzidutako Leku komuna, leku arrotza erakusketeak, Bartzelonako eta Madrilgo gaueko munduaren argazkiak jasoten ditu.

Kabia Laborategiaren 'Horacios y Curiacios' antzezlanak irabazi dau 2015eko Antzerki Eskola Jaialdia

Mila bat ikusle izan dira bagilaren 29tik atzora arte Campos Eliseos Antzokian Bilboko 2015 FETABI Antzerki Eskola Jaialdian. Epai-mahaiak Getxoko Kabia Laborategiaren lana nabarmendu dau, izan be, bertatik urten dau Ikuskizun Onenari Saria jaso dauen Horacios y Curiacios antzezlana, Borja Ruizek zuzentzen aduen Alopargo Teatro taldeak taularatua.

Zezenak baino arriskutsuagoak ez ete dira edozelan entzierroan sartzen diran batzuk...

Joseph Camino Hasquet ohorezko euskaltzaina hil da

Joan dan zapatuan, garagarrilaren 4an, hil zan Joseph Camino ohorezko euskaltzaina, 88 urte zituala. Abadea eta idazlea, Pan Pin aldizkaria sortu eban. Haren aldeko hileta eleizkizuna datorren eguaztenea, hilaren 8an, izango da, arratsaldeko 15:00tan, Kanboko (Lapurdi) eleizan.

Guggenheim Museoa astelehenetan zabalik egongo da gaurtik aurrera

Guggenheim Bilbao Museoa garagarrileko eta abuztuko (Hilaren 31ra arte) astelehen guztietan zabalik egongo da gaurtik aurrera, 10:00etatik 20:00etara. Udaldian Bilbora bisitari asko etorten dira eta horreei guztiei arreta egiteko asmoz egingo da aldaketa hau. Arrazoi beragaitik, Bistró Guggenheim Bilbao jatetxeak be udaldian ordutegi zabalagoa izango dau.

'Excellence in Basque Studies V' Udako Ikastaroetan

Garagarrilaren 8tik 10era bitartean, ume eta gazte literaturea, genero ikasketak, irakurzaletasuna garai digitalean edo gizarte eleanitzek idazleari sortzen deutsiezan erronkak izango ditu aztergai ikastaroak, besteak beste, Mariasun Landak urtetan jorratu dituan atalak.

Jabi Lauzirika, 'Apolo' joan jaku

Bihotza, barriz, Baxenafarroako Arrosan eban Apolok; bertan zala joan jaku, 55 urtegaz, maite zituan pentze eta bidexka artean ebilela. Jabier Lauzirika astegoienean joan jaku, ezustean, agur esateko aukerarik emon barik.

'Bertsoa Unibersidadean' eskolea, asteon Donostian

Euskal Herriko Unibersidadearen (EHU) Uda Ikastaroakaz alkarlanean, Bertsoa Unibersidadean eskolea egiten dan bigarren aldia izango da aurten, eta, esandako moduan, bi ikastarok osotuko dabe programea: batetik, Bertsolaritzea eta Ahozkotasuna Hezkuntza Arautuan, eta, bestetik, Bertsolaritzearen Bidegurutzeak.