Kantu inprobisaduaren jardunaldia egingo dabe Bartzelonan zemendiaren 6 eta 7an, bertsolariak bertan dirala
2015-10-30 14:09 Bertsolaritzea
Orain dala aste batzuk Leonen egin zan moduan, oraingo honetan Bartzelonan batuko dira kantu inprobisadua daukien kulturetako ordezkariak. Kanariar Uharteetako verseadoreak, Kataluniako glosadoreak eta Euskal Herriko bertsolariak egongo dira. Zemendiaren 6an eta 7an, erakustaldi bitan eta berbaldi baten parte hartuko dabe euskal ordezkariek. Europa Bat-batean egitasmoaren barruan eratu dabe topaketea.
Miren Gorrotxategik irabazi dau Agustin Zubikarai Saria
2015-10-30 13:07 Kulturea
Miren Gorrotxategiren 33 ezkil nobela-proiektuak irabazi dau Ondarroako Udalak eta Elkar argitaletxeak antolatzen daben Augustin Zubikarai saria. Hamahiru lan aurkeztu dira bertara, eta horreen artean Gorrotxategiren proposamena aukeratu dau Leire Bilbaok, Xabier Mendigurenek eta Ana Urkizak osotutako epaimahaiak. Saria bart jaso dau, Ondarroan, Literatur Amuak izeneko jardunaldien barruan.
Alessandra Torresek Bilboko egonaldian sortutako obrak ipini ditue Bilbao Arten
2015-10-30 12:59 Kulturea
Propriozepzioa izenburuko erakusketea zemendiaren 20ra arte ikusi ahal izango da Bilbao Arteren egoitzan, Urazurrutia kalean. Bilbon egindako sei hileko egonaldian sortutako artelanak erakusten ditu bertan Alessandra Torres amerikarrak. Bere gorputza da lanotako protagonista nagusia, izan be, ingurunea ulertzeko bere gorputz guztia erabilten dau artisteak. Bilbo be bada erakusketan protagonista, Torresen eta uriaren arteko hartu-emona da ardatzetako bat.
Mikel Ayestaranek jaso dau 2015eko Euskal Kazetariak saria
2015-10-30 10:44 Kulturea
Mikel Ayestaran kazetari beasaindarrak jaso dau Euskal Kazetarien Alkarteak (AVP-EKE) antolatutako eta BBK Fundazinoak, Euskaltelek eta Bilboko Udalak diruz lagundutako Euskal Kazetariak saria. Ayestaranek jasoko dau Euskal Kazetariak saria, gerra guneetan egindako lan bikainagaitik.
Gaur, urriak 30, beteko dira 50 urte lehenengo Durangoko Azokea antolatu zanetik
2015-10-30 10:18 Kulturea
Hasierako edizino hareetan Azokea ez zan abenduan antolatzen, Domu Santu egunaren bueltan baino, hau da, urriaren amaieran eta zemendiaren hasieran. Lehenengo edizinoa, 1965. urtean, urriaren 30ean hasi eta zemendiaren 1ean amaitu zan. Andra Mari eleizpea izan zan hautatutako lekua, eta bertan egin zan 1974ra arte.
Bilboko Itsas Museoan poesia bisuala ikusgai, zemendiaren 15era arte
2015-10-30 10:09 Kulturea
Juan Carlos Eguillor nazinoarteko sariketan parte hartu daben obretatik 23 aukeratu ditu epaimahaiak erakusketarako. Bilboko Itsasadarra Itsas Museoan ikusi leitekez poesia bisualeko horreek pieza guztiak, zemendiaren 15era arte, doban. Lehiaketearen aurreko edizinoetako obra batzuk be sartu ditue erakusketan, itsasoagaz loturea daukienak hain zuzen.
25 orduko irratsaio berezia egingo dau Bizkaia Irratiak, 25. urteurrena ospatzeko
2015-10-30 09:13 Kulturea
Mende laurena bete dabela ospatzeko, Bizkaia Irratiko esatariek ahalegin berezia egingo dabe bariku eta zapatu honetan eta 25 orduko irratsaioa egingo dabe. Holan, 25 urtez isildu barik egon dirala gogoan hartzeko, 25 orduz eten barik, isildu barik egongo dira. Irratiaren hasierako urteetako aitzindariak, artistak, atzerrian bizi diran bizkaitarrak eta abar konbidauko ditue. Zuzeneko lehiaketak be egongo dira, bariku goizean hasi eta zapatura arteko saioan.
Ane Urkiolaren 'Zea Bingo' film laburra ikusgai izango da Donostiako Fantasiazko eta Bildurrezko Zinemaren astean
2015-10-29 17:22 Barriak
Zea Bingo zemendiaren 5ean ikusi ahal izango da Donostiako festibalean, urriaren 31n hasi eta zemendiaren 6an amaituko dan Donostiako Fantasiazko eta Bildurrezko Zinemaren XXVI. Astearen barruan; film hori fantasiazko, bildurrezko eta zientzia fikzinozko beste 25 film laburrakaz batera doa, Euskal Harriaren ABDak proiektuaren barruan.
Afrikako diseinatzaile garaikideen indarra heldu da Guggenheim Museora
2015-10-29 16:17 Kulturea
Gaur eguneko 120 sortzaile afrikarren lanak batu ditue Bilboko Guggenheim Museoan, Making Africa, Afrikari dagokio etorkizuna izeneko erakusketan. Diseinu garaikideek Afrikako gizartean eragin daben aldaketea erakusten dau, baita artisten begirada kritikoa be. Zezeilaren 21era arte egongo da Bilbon erakusketea.
Umeentzako lau liburu barri aurkeztu ditu Elkar argitaletxeak, Xaguxar bilduman
2015-10-29 13:48 Kulturea
Unai Elorriagaren 107 kiwi, Esti Vivancoren Eireren egunerokoa, Xabier Mendigurenen Hiru sopranoak eta Arrate Egañaren Patioan dira titulu barriak. Goi mailako ilustratzaileen irudiek lagunduta datoz lau liburuak, Elkar argitaletxeak nabarmendu dauenez. Ume eta gaztetxuentzako bildumea da Xaguxar.
Euskal ipuingintzea berbagai Xenpelar Dokumentazino Jardunaldietan
2015-10-29 13:22 Kulturea
Idatzitik ahozkora: Euskal ipuingintzea egungo liburuetan izenburupean egingo dira aurtengo Xenpelar Dokumentazino Jardunaldiak, zemendiko bi eguaztenetan, hilaren 18an eta 25ean, hain zuzen, Donostiako Koldo Mitxelena Kulturunean.
Liburu arraroak zein merkeak topetako aukerea Bilbon, Liburu Zahar eta Aukerakoen Azokan
2015-10-29 13:08 Kulturea
Urriaren 30etik zemendiaren 15era bitartean egingo dabe azokea Bilboko Arenalean. Katalogotik kanpoko liburu merkeak, batzuk euro baten truke, erosteko aukerea egongo da. Baita antxinako aleak eta edizino zaharrak be. 29 liburudendatako ordezkariek ipiniko dabe mahaia. Irakurteko zaletasuna bultzatzea eta liburuak herritarrei hurreratzea dira azokearen helburuak.
Hizkuntza ikastaroak atzerrian DBH eta batxilergoko ikasleentzat
2015-10-29 11:35 Kulturea
Hezkuntza, Hizkuntza Politika eta Kultura Sailak atzerrian ingelesa, frantsesa edo alemana ikasi nahi daben ikasleentzat 533 egonaldi antolatu ditu, 2016ko udarako, Erresuma Batuan, Irlandan, Frantzian edo Alemanian. Derrigorrezko Bigarren Hezkuntzako (DBH) 3. eta 4. mailetako eta Batxilergoko ikasleentzat dira ikastaroak.
Larrosa koloreko justiziazaleak
2015-10-29 10:26 Bidaide
Orain dala hamarkada bat sortu eban Sampat Pal-ek Sari Larrosadun Emakumeen Bandea. Dagoeneko 400.000 kide dituan alkarte horrek ez deutso indarkeriari uko egiten Indiako patriarkaduaren aurkako burrukan.
Mundakak bere olatua babestuko dau Euskadiko lehen surf erreserbearen bitartez
2015-10-29 10:00
Mundakako Surf Taldearen eskaereari erantzunez, bart egindako Mundakako Udalaren Osoko Bilkureak Mundaka Surf Erreserbea-ren adierazpen publikoa onartu dau. Honen bitartez, bere itsasertzearen apartekotasuna onartu eta natura ondare ta kirol zein baliabide sozioekonomiko eta kultural moduan dauen balioa autortzen da jentaurrean.
Informatikari Euskaldunen Bilkurea egingo dabe zemendiaren 12an Donostian
2015-10-29 09:20 Euskerea berbagai
Edizino berezia izango da aurtengoa, topaketeak hamargarren urteurrena beteko dauelako. 'Amesten al dute androideek ardi latx elektrikoekin?' lelopean, robotikea izango da Informatikari Euskaldunen Bilkurako gai nagusia. Donostiako Miramon teknologia parkean egingo dabe, zemendiaren 12an. UEUk eta Miramon Enpresa Digitalak antolatu dabe bilkurea.
Zinebi zemendiaren 13an hasiko da eta 65 film eskainiko ditu sail ofizialean
2015-10-28 14:05 Barriak
Film Labur eta Dokumentalaren Bilboko Jaialdiak, Zinebik, 57. edizinoa beteko dau aurten. Zemendiaren 13an hasiko da, euskal film laburren emonaldiagaz, eta hil horren 20an amaituko da. Ohorezko hiru Mikeldi Sari emongo ditue aurten: Aitor Mazo zanari, Juan Ruiz Anchia argazki zuzendariari eta Aki Kaurismaki-ri. Zuzendari finlandiar ezaguna Bilbon izango da. Sail ofizialean, 30 herrialdetako 65 film lehiatuko dira.
Proposamen artistiko barritzaileak gaurtik hilaren 15era Getxoarten
2015-10-28 13:04 jardunaldiak
Praktika Garaikideen Aretoa, Getxoarte, aukera ona da euren ibilbidea hasten dabilzan aktoreak eta publikoa alkarregaz hartu-emonean ipinteko. Zemendiaren 15era bitartean, disziplina ugaritako 30 artistaren lanak erakutsiko dira Getxon. Horrezaz gan, proiektu zabal horren barruan, formakuntza saioak, ume eta gazteei zuzendutako jarduerak, bisitaldiak eta abar eratu ditue. Formakuntzea, sormena eta artelanak erakustea izango dira aurtengo edizinoaren oinarriak.
Ainara LeGardon, Jaime de los Rios eta Eneko Gilek Wroclawen bizi izandakoa erakutsiko dabe asteon
2015-10-28 10:43 Kulturea
Donostia 2016k eta Etxepare Euskal Institutuak antolatutako ekimen baten bidez, Poloniako Wroclaw urian izan dira udan Ainara LeGardon musikaria, Jaime de los Rios media artistea eta Eneko Gil jantzaria. Egonaldi artistiko horretako emoitzea erakutsiko dabe asteon Donostian.
Sara Ishaq yemendarraren 'The Mulberry House' emongo dabe eguenean Bilbon, Hileko Dokumentala zikloan
2015-10-28 09:54 Zinemea
Zinebi Bilboko Dokumentalen eta Film Laburren Nazinoarteko Jaialdiak urte osoan zehar bere programazinoari jarraipena emoteko antolatu dauen Hileko Dokumentala estreinaldien zikloak Sara Ishad Yemengo zinemagileak zuzendutako The Mulberry House (2013) filma eskainiko dau eguenean, urriaren 29an. Emonaldia Multicine aretoan izango da, 20:00etan, eta sarrereak 3,70 euroko prezioa izango dau.
Nabarmenak
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...