Erdi Aroko eta orain dala 4.000 urteko aztarnak agertu dira Torrentejoko aztarnategian, Araban
2015-08-20 12:25
EHUko ikerlariek igaz topau eben Bastida inguruetan Torrentejoko herri zaharraren arrastoa. Aurtengo udan indusketen bigarren kanpainea egin dabe eta balio arkeologiko handiko aztarnak topau ditue. Juan Antonio Quirosek zuzendutako lan-taldeak orain dala 4.000 urteko zeramika zatiak, gizaki formadun nekropolia eta Erdi Aroko etxe baten aztarnak topau ditu. Ebroko haraneko lehenengo gizaki nekazarien bizimodua hobeto ezagutzeko eta Erdi Aroko herritxuen formakuntzaz gehiago jakiteko balioko dau.
Egitarau zabala Donostian, Tabakalera zentroaren inaugurazinoaren harira
2015-08-20 11:25
Tabakalera, Kultura Garaikidearen Nazinoarteko Zentroa, irailaren 11n zabalduko dabe. Hori ospatzeko, ekitaldi piloa antolatu ditue, esate baterako, kontzertuak, proiekzinoak eta erakusketak. Bisitaldi gidatuak be egongo dira. Iraileko bigarren astean izango dira inaugurazinoaren inguruko jarduera gehienak. Tabakalerako arduradunek adierazo dabe herritar guztiei zabaldu nahi deutsiela zentroa.
Zumarragako Andre Maria eleizea finaletik kanpo geratu da
2015-08-20 11:15 Kulturea
Repsolek jakinarazo dauenez, Aragoiko Grauseko Plaza Nagusia eta Extremadurako Barruecos Monumentu Naturala (Extremadura) lehiatuko dira finalean. Honezkero botoa emoteko aukerea dago Repsol Gidearen webgunean.
Bilboko Udal Musika Bandeak zortzi kontzertu berezi eskainiko ditu Aste Nagusian
2015-08-20 10:00 Musikea
Urteroko hitzorduari ez deutso huts egingo Bilboko Udal Musika Bandeak eta abuztuaren 23tik 30era zortzi kontzertu emongo ditue. Arenaleko kioskoan izango dira saioak, Bilboko jaietako erdigunean beraz. Euskal musikea, pasodobleak, zartzuelak, operetak eta soinu bandak joko ditue, besteak beste. Iñaki Urkizu ibiliko da zuzendari, Miguel Romea eta Juan Jose Ocon zuzendari konbidaduakaz batera.
'Kazetaritza bertatik bertara' zikloa egingo dabe Gasteizen, abuztuaren 24an hasita
2015-08-19 14:45 Kulturea
Aurreko urteetan euki dauen arrakastea ikusita, aurten barriro antolatu dau Gasteizko Udalak ziklo hori, nazinoarteko jazoeretan kazetariek daukien zeregina erakusteko asmoz. Kazetari, argazkilari eta bestelako adituen parte-hartzeagaz, pil-pilean dagozan gaiak aztertzea da helburua. Aurten, Greziako egoerea eta yihadismoa jorratuko ditue sakonean. Berbaldiak, filmak eta tailerrak egongo dira Europa biltzar etxean.
Hogei erakusketa eta jarduera osogarri ugari dakarz aurten Getxophotok
2015-08-19 12:29 Kulturea
Irailaren 3tik urriaren 4ra egingo dabe Getxophotoren bederatzigarren ekitaldia, Begihandi alkarteak antolatuta. Aurtengo gai nagusia biajeak dira, baina ez plazer hutsez egindako biajeak bakarrik; baita errefuxiaduek egiten dituenak be, edo landa eremuetatik urietara aldatu diranenak zein egunero beharrera joaten diranena. Gai hori ardatz hartuta, hogei erakusketa egongo dira irailaren 3tik aurrera, Getxoko espazio publikoetan. Jarduera osogarrien artean, Ikusi Makusi aitatu behar da, aurten lehenengoz egingo dabelako. Umeak eta familiak batzea da horren asmoa.
Saltillo itsasontziak udako itsasaldia hasi dau euskal kostaldeko herrietan
2015-08-19 10:40 Kulturea
Aurreko urteetan egin izan dauen moduan, aurten be Euskal Herriko kostaldeko herrietatik osterea egingo dau EHUren Saltillo eskola-ontziak. Santurtzin abiauta, Lekeition egingo dau lehenengo geldialdia. Irailaren 4an Santurtzin bertan amaituko dau ibilbidea. Lekeitio, Donibane Lohizune, Getaria, Donostia, Hondarribia, Mutriku eta Bermeon barkua barrutik ezagutu ahal izango dabe herritarrek. Saltillo 1932an eregi eben, 1998an barriztau eta unibertsidadeko ontzi-eskolea da gaur egun.
Rise To Fall bizkaitarrek kontzertua eskainiko dabe Bilbon zapatuan
2015-08-19 10:31 Musikea
Rise To Fall bizkaitarrek eta Knives taldeek kontzertua eskainiko dabe Bilboko Kafe Antzokian datorren zapatuan, hilaren 22an, 23:00etan. Sarrerea dobakoa izango da, eta ateak eta txarteldegia 22:30ean zabalduko dira. Holan, Aste Nagusiko kontzertu bolada barria hasiko da Kafe Antzokian.
Liu Hao, Joachim Lafosse eta Peter Sollett-en film barriak, Zinemaldiko sail ofizialean
2015-08-18 15:15 Barriak
Aurtengo ekitaldiko sail ofizialeko pelikulen zerrendearen zati bat emon eban Donostiako Zinemaldiak orain dala egun batzuk eta hori osotuteko faltau izan diran hiru pelikulen barri emon dau orain. Liu Haoren Xiang Bei Fang, Joachim Lafosseren Les chevaliers blancs eta Peter Solletten Freeheld dira horreek hiru filmak. Era berean, Zuzendari Berriak atalean Peter Gronlund-en Tjuvheder emongo dabela be aurreratu dau Zinemaldiak.
Hilaren 19an jakingo da Zumarragako Andre Maria eleizeak Repsol Gidearen 'Txoko Onena 2015' finala jokatuko dauen
2015-08-18 14:48 Kulturea
Zumarragako Andre Maria eleizea Repsol Gideak antolatutako 'Txoko Onena 2015' titulua edo autortzea lortzeko lehiaketako finalaurrera pasau da, turismo gidearen webgunean 10.886 boto lortu ondoren. Kontuak kontu, hilaren 19an jakingo da Zumarragako Andre Maria eleizea Repsol Gidearen 'Txoko Onena 2015' finala jokatuko dauen ala ez
Freskurea eroango dabe konparsek Aste Nagusira, Erripa moilako izotz-pisteagaz
2015-08-18 13:43
Urtero legez, Bilboko Konparsek ekitaldi piloa antolatu ditue Aste Nagusirako eta kolore berezia emongo deutsie jaiari. Aurtengo nobedadea, Erripako moilan ipiniko daben izotz-pistea izango da. Astelehenetik eguenera egongo da zabalik. Bertan, ganera, moda desfilea egingo dabe konparsetako kideek. Horrezaz gan, Llano Project-eko aktoreek ekitaldi sorpresea egingo dabe jaietako lehenengo zapatuan, lehiaketa gastronomikoaei indar handiagoa emongo deutsie eta goitibeheren jatsierea eratuko dabe barriro.
Argazkigintzearen Nazinoarteko Eguna Zarautzeko Photomuseumen
2015-08-18 11:36
Zarautzeko Photomuseumak Argazkigintzearen Nazinoarteko Eguna antolatuko dau urtero legez eguaztenean, abuztuaren 19an, Parisen 1839an Zientzia eta Arte Ederren Akademian lehenengo prozedura fotografikoaren (dagerrotipoaren) aurkezpena egin zala gogoratuz.
Medikuntzako ikasleek jasoko dabe aurten Euskara Saria Aste Nagusian
2015-08-18 09:52 Euskerea berbagai
Hau Pittu Hau konparseak urtero emoten dau Euskara Saria, euskerearen alde persona eta alkarteek egiten daben ahalegina saritzeko asmoz. Aste Nagusian emoten dabe saria eta, aurten, EHUn medikuntzea euskeraz ikasten dabilzan ikasleei egingo deutse gorazarre. Saria bera, abuztuaren 24an emongo dabe konparsearen txosnan. Gaur egun, oraindino ezin dala medikuntzako gradua euskera hutsean ikasi gogoratu eragin dau Hau Pittu Hauk eta, hortaz, ikasle horreen aldarrikapenagaz bat egiten dauela.
Datorren urteko Bilbao BBK Live garagarrilaren 7tik 9ra egingo da
2015-08-17 15:23 Musikea
Hilabete baino ez da pasau aurtengo BBK Live musika jaialdia amaitu zala baina dagoeneko datorren urteko edizinoaren ganekoak argitzen hasi dira antolatzaileak. Oraingoz, garagarrilaren 7, 8 eta 9an egingo dala aurreratu dabe, ohiko moduan Kobetako landetan. Ganera, abuztuaren 20an, eguena, hiru egunetarako bonuak salgai ipiniko ditue.
Hamalau film lehiatuko dira Donostiako Zinemaldiko Horizontes Latinos sailean
2015-08-17 13:58 Barriak
Latinoamerikan aurten egon diran produkzino aitagarrienak batzea da Horizontes Latinos sailaren helburua. Aurten, hamalau film proiektauko ditue eta onenari 35.000 euroko saria emongo deutsie. Espainian estreinaldiak izango dira guztiak. Pablo Larrainen El club pelikuleagaz ekingo deutsie aurten saileko programazinoari.
Bilboko Konparsek eta Etorkintza Elkargoak Aste Nagusirako prebentzino programea atondu dabe
2015-08-17 13:55
Komunidadea da eragile prebentiborik indartsuena eta eraginkorrena, eta horregaitik komunidadearen inplikazinoa eta parte-hartzea lortzen saiatzen dira bi erakundeak (Bilboko Konparsak eta Etorkintza Elkargoa), proiektuaren alde aktibo izanik eurena sentidu deien eta ez daitezan hartzaile bakarrik izan.
Gazteentzako ipuin lehiaketea martxan dago Portugaleten
2015-08-17 13:17 Kulturea
Kategoria bi daukaz lehiaketeak, bata 14 eta 17 urte bitarteko gaztetxuentzat, eta bestea, 18 eta 29 urte bitartekoentzat. Aurten, 25. aldiz egiten dabilz Portugalete Uria ipuin lehiaketea eta urriaren 13ra arteko epea emon dabe lanak aurkezteko. Gaia librea da eta euskeraz zein gaztelaniaz idatzi leiteke. Udalak zehaztu dauenez, hiru sari emongo dira kategoria bakotxean, baita sari nagusi bat be.
Bibliako persona-izenak arautu ditu Euskaltzaindiak
2015-08-17 12:16 Euskerea berbagai
Arauaren sarreran, zehatz-mehatz aitatzen dira grafien inguruko jakingarriak. Erispide horreei jarraituz moldatu dira Bibliako persona-izenen zerrendak, Itun Zaharrekoak zein Itun Barrikoak. Kontuan hartu dira, era berean, literatura-tradizinoa, Eleizen arteko Biblia eta euskerazko entziklopediak. Arauan, danetara, 202 izen jaso dira.
San Juan ontziaren pieza bat Donostiako Bulebarrean landuko dau Albaolak
2015-08-17 12:13
San Juan ontzia 16. mendean hondoratu zan eta haren erreplikea egiten dabil Albaola itsas kultur faktoria, sasoi haretako teknikak erabilita. Helburuak euskal ontzigintzearen historia gizartera zabaltzea eta itsasoko ondarea ezagutarazotea dira. Abuztuaren 17, 18, 27 eta 28an, itsasontzi horretarako pieza bat jentaurrean landuko dabe, Donostiako Bulebarrean. Holan, San Juan barkuaren erreplikea zelan egiten dabilzan ikusi ahal izango dabe bertatik pasetan diranek.
Oihana Pascual: 'Gauez urtetearena aurreko urteetan baino gehiago kontrolau beharko dot'
2015-08-17 10:01 Barriketan
Bilboko Aste Nagusiko txupinerea
Nabarmenak
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...