Aktualitatea

Euskerazko lekuan lekuko bost telebistek akordioa sinatu dabe Hamaika taldeagaz

Goiena Telebista, Tolosaldeko Komunikabideak, Urola Kostako Komunikabideak, Goierri Ikuskari eta Oizmendi Telebista dira hitzarmena sinatu daben telebistak.

Opentrad-ek 'Consumer' aldizkariaren eta EiTB24-ren corpusak erabiliko ditu itzulpen automatikoa hobetzeko

Estadu espainiarreko hizkuntza ofizialen artean (gaztelania, katalana, galegoa eta euskerea) kode edegiko itzulpen automatikorako sistema bat aurkeztu eban joan dan urtean Opentrad partzuergoak (www.opentrad.org), eta orain, barriz, Eroski Fundazinoagaz eta EiTBnet-egaz alkarlana iragarri dau, sistemea hobetzeko ahaleginean.

Paulina Rubio Barakaldon

Martiaren 20an, BECeko Bizkaia Arenan izango da kantari mexikarra. Antolatzaileen esanetan, kontzertu egunerako mediku bat, auto blindatu bat, jateko begetarianoa eta Mexikoko marka ezagun baten tekilea eskatu ditu.

Euskaltzaindiak eta Elhuyar Fundazinoak euskerearen normalizazinoan alkarlanean ekiteko hitzarmena sinatu dabe

Hitzarmena Elhuyar Fundazinoaren egoitzan sinatu dabe, Usurbilen, erakunde bietako ordezkariek: Andres Urrutia euskaltzainburuak eta Jose Mari Rodriguez Ibabe Elhuyar Fundazioko presidenteak.

‘Max Beckmann: akuarelak eta pastelak’ eta ‘Errusia!’ erakusketek arrakastea izan eben igaz

Nazinoarte mailan bisita gehien jaso dabezan erakusketak nabarmentzen dituan 'The Art Newspaper' aldizkari britainiarrak urtero argitaratzen dauen zerrendean jaso ditu Guggenheim Bilbao Museoak 2006an aurkeztutako erakusketak.

Ardao-dastaketak txoko eta alkarte gastronomikoetan

Eusko Jaurlaritzako Nekazaritza, Arrantza eta Elikadura Saila Euskadiko ardaoen dastatzeak sustatzeko programea jarri dau martxan txoko edo alkarte gastronomikoetako bazkideen artean, txakolina eta Arabar Errioxako ardaoa adituen artean ezagutarazoteko helburuagaz.

Segundoan 680.000 miloe eragiketa matematiko egiten dituan ordenagailua erosi dau EHUk

Erosketearen helburua unibersidadeko ikertzaileek nazinoarte mailan puntako ikerketa proiektuak egiteko lehen mailako tresna bat eukitea da.

Mahats zuriaren eta baltzaren arteko desbardintasun genetikoak topau ditue

Aurkikuntzeari esker, mahats bariedade barriak lortu ahal izango dira eta, beraz, ardao barriak. Ganera, kolore gehiago edo gitxiagoko ardaoak lor daitekez eta, gura izan ezkero, beste kolore batzutakoak be bai.

Bernardo Atxaga euskaltzain osoak sarrera-berbaldia egingo dau astegoienean

Asteasun egingo dau berbaldia ‘Antzarak, zenbakiak eta letrak’ izenburupean, zapatuan, martiak 17, goizeko 11:30ean.

EHUk tona erdi CD eta DVD birziklatu ditu urte batean

Euskal Herriko Unibersidadea CD eta DVDak birziklatzeko zerbitzuari (Cederikar programeari) batu jakon lehenengo erakundeetako bat izan da eta urte batean tona erdi bat CD eta DVD birziklatzea lortu dau, EHUko iturriek jakinarazo dabenez.

Bilboko olerkariaren Pariseko egonaldia aztertuko dau Blas de Otero egunaren VIII. edizinoak

Blas de Oteroren eguna Bilboko Udalak uriko hiru idazle unibersalenen (Miguel de Unamuno, Gabriel Aresti eta Blas de Otero) memorian ezarri dituan ekitaldien barruan kokatzen da eta hiru jardunaldiok euren jaiotze egunetan ospatzen dira.

Bermeon, biztanleen % 60k euskerea darabil kalean

Adinari jagokonez, edadeko bermeotarrek erabilten dabe gehien euskerea, % 80 inguruk; umeak dira bigarren, ia % 70ek erabilten dabelako; ostean, helduak: bitik batek egiten dau euskeraz kalean; eta, azkenik, gazteak dagoz, gitxien erabilten dabenak, % 36ko portzentajeagaz.

Eudelek eta HAEEk Bardintasun Legeari buruzko prestakuntza-jardunaldia antolatu dabe

Espainiako Diputaduen Kongresuan Bardintasun Legea gaur, martiak 15, onartuko dala eta, Euskadiko Udalen Elkarteak eta Herri Arduralaritzearen Euskal Erakundeak prestakuntza-jardunaldi bat antolatu dabe gaurko, Euskadiko udal arduradunei legeak jasoten dituan eta maiatzeko udal eta foru hauteskundeetan aplikau beharko dituen alderdi barriak ezagutarazoteko.

Alemanian 67 urtegaz jubilauko dira eta gurean?

Bidegileak bildumako 44. eta 45. sortak argitaratu ditue

Kantagintza arloan, Julen Lekuonaren, Imanol Lartzabalen, Lourdes Iriondoren eta Maurizia Aldeiturriagaren bizitzea eta obrak jasoten dira. Ikerketa arloan, Pedro de Yrizar, Manex Goihenetxe, Jose Mari Larrarte eta Jose Basterretxea 'Oskillaso' dira protagonistak.

Balmasedako Boinas La Encartada Museoak 3.000 bisita baino gehiago jaso ditu hiru hilebetean

Urtarrilaren 10ean ateak zabaldu zituanetik 3.155 persona izan dira Balmasedako museoan. Urtarrilaren 11tik 14ra egindako ‘ateak zabalik’ jardunaldietan 1.704 lagunek bisitau eben, gehienak Balmaseda bertakoak.