Aktualitatea

13.000 lagun inguru hurreratu dira Getxoko Jazzaldira

Danimarkako People Are Machines laukoteak irabazi dau Getxoko Nazinoarteko Jazz Jaialdiaren 31. Edizinoko lehiaketea. Gainera, Magnus Hjorth taldeko piano-jolearentzat izan da bakarlari onenaren saria. Bigarren saria, barriz, Errusiako Andrew's Quartet taldearentzat izan da.

UEUren udako ikastaroak Baionan eta Eibarren

Udako Euskal Unibersidadearen udako ikastaroek jarraipena izango dabe gaurtik, garagarrilaren 9tik aurrera Eibarren eta Baionan. Gainera, Baionan egoitza barria izango dabe udako ikastaroek: Bernat Etxepare lizeoa, Ipar Euskal Herrian ikasketa guztiak euskeraz eskaintzen dituan lizeo bakarra.

Udea, ikasle nagien sufrimendurako boladea...

Letren Terrazak Getxon

Garagarrilaren 10etik abuztuaren 31ra ‘Letren Terrazak’ barriro egongo dira Getxoko kaleetan, gaztetxuek eta helduek liburuez gozau daien. Ohikoa danez, udal liburutegiek hiru etxola jarriko ditue plaza banatan, Algortako Geltokia, Areetako Geltokia eta Andra Mariko Sarri plazetan.

EGOk Florentziako gazte orkestren jaialdian parte hartuko dau

Euskal Herriko Gazte Orkestrearen udako 11. denporaldia maila handikoa eta jantzia izango da. Aurtengo udan, lehenengo aldiz, EGOk Florentziako Gazte Orkestren Jaialdian parte hartuko dau. Jaialdiak hamar urte bete ditu eta holako ekitaldirik garrantzitsuenetako bat da munduan.

Eusko Ganberek txakolinaren ibilbideei buruzko liburuxka bat argitaratu dabe

Egitasmoaren ideia da txakolinaren mundua ezagutarazotea, eta horretarako, bere historia eta zelan egiten dan azaltzen da liburuxkan. Upeltegietatik ibilbidea, lurrazalaren ezaugarriak, produziduten diran mahatsen aldaerak eta merkaturatzen diran markak dira liburuxkak batzen dituan ataletako batzuk.

‘La Carta Esférica’ Imanol Uriberen film barria abuztuaren 31n estreinauko da

Imanol Uribe zinema zuzendari euskaldunaren film barria Arturo Pérez-Reverte idazlearen liburuan oinarrituta dago.

Café solo... o con ellas

Komedia honek ez dauka ezelango handigurarik eta bertan agiri diran egoeretariko batzuk absurdoak baizen sinisgatxak dira, baina, behinik behin, barre algara batzuk egiteko aukerea emoten dau.

Klonazio terapeutikoa baimentzen dauen Legea indarrean sartu da

Gaur, garagarrilak 5, sartu da indarrean Ikerketa Biomedikuaren Legea eta, beraz, gaurtik aurrera araututa egongo dira herritarren osasunaren hobekuntzan zerikusia daben aurrerapen zientifiko guztiak, baita klonazino terapeutikoa be.

Eresbileko zuzendari Jon Bagues Liburutegi Musikalen Nazinoarteko Alkarteko presidenteorde izentau dabe

Eresbil Euskal Musikearen Artxiboko zuzendaria dan Jon Bagues izentau dabe Liburutegi Musikalen Nazinoarteko Alkarteko presidenteorde, alkartea Australiako Sydneyn egiten ari dan lehenengo biltzarraren barruan.

Euskal PENeko hiru ordezkari Dakarren (Senegal) International PENen 73. kongresuan parte hartzeko

PEN segenaldarrari egokitu jako aurten International PEN 73. kongresua antolatzea garagarrilaren 4tik 11ra, igazko maiatzean Berlinen antolatu zanari erreleboa hartuz.

Hautaprobearen ezohiko azterketea hasiko dabe 1.883 ikaslek

Araban 278 ikaslek egingo dabe azterketea, 95ek euskeraz eta 183k gaztelaniaz; Bizkaian 958 ikasle aurkeztuko dira, 499 euskeraz eta 509 gaztelaniaz; azkenik, Gipuzkoan, 647 ikasle izango dira guztira, 411 euskeraz eta 236 gaztelaniaz.

Jazz boladea

Getxoko Nazinoarteko XXXI. Jazzaldiaren eskutik hasiko da gaur, garagarrilak 4, Euskadiko 2007ko Jazz zikloa. Garagarrila jazzaren hilebetea izango da aurten barriro. Lehenengo hitzorduari jagokonez, gagarrilaren 4tik 8ra egingo da Getxoko Jazzaldia eta, bost egun horreetan, Getxoko kaleak musikaz jantziko dira.

‘Lantalan’, lan munduan euskera sustatzeko

Hiztegiak, terminologia bankuak, enpresetako terminoen glosategiak, zuzentzaile ortografikoak, enpresetan ohikoak diran dokumentuen txantiloiak, dokumentuak euskeraz sortzeko zein ohiko akatsei aurre egiteko jarraibideak, Interneteko euskerazko bilatzaileak eta euskerazko on-line irakurgaiak dagoz eskuragarri.

Bilboko historiari buruzko XII. Symposiuma egingo dabe irailean Eusko Ikaskuntzak eta Bilboko Udalak

Sinposio honen bidez ikerketa barriak egiteko aukerea indartu nahi da. Era horretara, zenbait gai aztertuko dira, besteak beste, Bilboko idazleak, erbesteko idazleak baina Bilbo eta bilbotarrak gai legez erabilitakoak, euren lan literarioei buruzko azterketak, Bilboko irudia literaturan, garaien azterketak. Hizkuntzearen erabilerea bera be aztergai izango da.