Aktualitatea

Euskaltzaindia Bartzelonan

Pasa dan urtean legez, aurten be Euskaltzaindia Institut d’Estudis Catalans eta Consello da Cultura Galega erakustoki berean egongo da aste honetan Bartzelonan egingo dan Liburuaren II. Erakusketan. Zemendiaren 21ean hasi eta 26ra arte iraungo dauen erakusketea irakurle eta erosleei dago zuzenduta. Helburua saltzaile eta erosleen arteko hartu-emonak sendotzea dau.

Los fantasmas de Goya

Los fantasma de Goya nahiko foiletoia da, sano desorekatuta dago eta protagonista nagusiaren bizitzea bigarren maila batera pasetan da arin be arin, melodrama merke baten ezaugarri guztiak bereganatuz.

Unai Basurko eta 'Pakea' ontziari suberterik onena opa deutsegu (Australia gero eta hurrago dago)

Babel jaia Durangon: Pog Mo Thon, DJ Axular, Gozategi...

Babel Musik diskoetxeak jai erraldoia antolatu dau Durangoko Azokearen bezperatan, abenduaren 1ean, Plateruena Kafe Antzokian. DJ Axular, Pog Mo Thon, Harrobi, Luhartz, Gozategi eta Txato Plato taldeek eskainiko ditue kontzertuak. Jaialdia arratsaldeko seiretan hasiko da eta sarrerea dobakoa izango da.

Euskerea barra-barra Getxon

Getxoko Udalak be badaroaz urte batzuk Euskerearen Eguna ospatzeko ekitaldiak antolatzen eta, gauzak holan dirala, aurtengoak zortzigarrena beteko dau. Urtero legez egitaraua zabala, erakargarria eta anitza izango da.

Glu-Glu antzerki-taldeak ‘Ama quiero ser lehendakari’ bere lan barria aurkeztuko dau Donostian

Aizpea Goenaga da lanaren egilea eta zuzendaria, eta aktoreen artean dagoz Loli Astoreka, Ane Gabarain, Patxi Perez, Maribel Salas, Galder Perez eta Mari Cruz Melgosa.

Erreteari ixteko makinea asmau dabe

Madrilen aurkeztu dau Fagor etxeak erreteari ixteko Nicostopper makinea, tabakoa ixteko asmautako lehenengo makinea. Zigarro-pakete baten antzekoa da eta aldika baino ez deutso emoten zigarroa jaubeari, zenbat zigarro erreten dituan kontroletako. Erretzaileak berak jakin behar ditu bere mugak eta helburuak, hau da, noiz erre eta noiz ez.

Glenn Millerren omenezko kontzertua Euskaldunan

Jaroslavas Cechanovicius maisuak zuzentzen dauen ‘The Blue Paradise Big Band’ taldeak Glenn Millerren omenez egindako kontzertua emongo dau gaur, zemendiak 16, iluntzeko zortzietan, Bilboko Euskalduna Jauregiko Auditorioan. Sarrerak 36 euroan dagoz salgai.

Ikastolen Elkartea saritu dabe Londresen

Edinburgeko Dukearen eskutik jaso eban Ikastolen Elkarteko ordezkaritzeak Esu Presidents Award 2006 saria. Ekitaldia English-Speaking Union fundazinoaren egoitzan izan zan, Londreseko Buckingham Jauregian.

Fon Roman Los Piratas taldeko gitarrista ohiak bakarkako lehen lana aurkeztuko dau Bilbon

Fon Roman Los Piratas taldeko gitarrista eta konpositore ohiak zemendiaren 23an aurkeztuko dau Bilboko Rockstar aretoan ‘Silencio comodo en un jardin descuidado’ izenburuko bere lehenengo bakarkako lana.

La Maquina de Huesos argazkilariak webgune berria jarri dau sarean

La Maquina de Huesos ezizenagaz ezagutzen dan argazkilariak webgune barria jarri dau Internet irudi eta diseinu barriagaz.

Flöz antzerki konpainia alemana Durangon

Flöz antzerki konpainia alemana Durangoko San Agustin kulturgunean izango da domeka honetan, zemendiak 19, ‘Teatro Delusio’ obrea aurkezteko. Emonaldia iluntzeko zortzietan hasiko da eta sarrerak 12 euroan dagoz salgai.

Munduko emakumerik zaharrenak 125 urte ditu eta kanabisa erreten dau

India hegoaldean bizi da munduko emakumerik zaharrena eta kanabisa erreten dau. Hori dinoe, behintzat, emakumearen lobek eta amumatxua Guinness Liburuan agertzea eskatzen dabe.

Esloveniarrak Durangoko Azokan

Euskal Idazleen Elkarteagaz bat eginik aurkeztutako egitasmo honen helburu nagusia, Euskal literaturea gure mugetatik kanpora ezagutzera emotea, eta aldi berean, kanpoko literatura desbardinak Euskal Herrian ezagutzeko bitartekoak ipintea.

GR-8ren finala datorren domekan Oiartzunen

GR-8ren aurtengo bertso ibilbideari heldu jako amaierea. Datorren domekan hain zuzen, zemendiaren 19an, Oiartzun izango dau bilgune. Bertan jokatuko dabe Oriok eta Mallabik aurtengo finala. Hitzordua: Herriko plazan, Kontzejupen, eguerdiko 12etan.

Pio Barojaren nobela bi euskeraz

Aurten 50 urte beteten dira Pio Baroja (1872-1956) hil zanetik eta, hori dala eta, Eusko Jaurlaritzak haren omenez lan bi argitaratu ditu euskeraz: ‘Zalacain el aventurero’ eta ‘El arbol de la ciencia’, hau da, ‘Zalakain abenturazalea’ eta ‘Jakintzaren arbola’. Literatura Unibertsala bildumearen barruan dagozan liburu horreek biak liburu-dendetan dagoz salgai.

Bilboko XXVIII. Antxinako eta Aukerazko Liburuen Azokea salmentak % 15 gehituz amaitu da

Bilboko XXVIII. Antxinako eta Aukerazko Liburuen Azokea atzo amaitu zan balantze ‘oso positiboagaz’, bai publiko kopuruari jagokonez, bai eta salmentei jagokenez be, aurreko edizinoagaz alderatuz % 15 igon baitziran liburuen salmentak

Giza Eskubideen ganeko jardunaldiak Bilbon

Euskalduna Jauregian egingo dabe Giza Eskubideen Nazinoarteko II. Biltzarra zemendiaren 14tik 16ra bitartean. Nazinoarteko hainbat adituk gatazken konponbideen eta giza eskubideen ganean egingo dabe berba ‘Nazinoarteko Giza Eskubideen II. Biltzarra: gatazken konponbideak’ goiburupean.