Aktualitatea

Folk musikea nagusi Musiketan jaialdian

John Renbourn eta Jacques McShee bikoteak (1966an Pentangle folk rock taldea osatu zuten) emongo deutso hasiera zikloari domekan, urriak 21, Bilboko Euskalduna Jauregian.

Frantziskotarrak Bermeon dagozanetik 650 urte igaro dirala ospatuko da Bermistorian 2007 jardunaldietan

Bermeoko Udalak ekitaldiz beteriko Bermistorian 2007 jardunaldiak antolatu ditu urriaren 19tik 28ra bitartean, ‘Frantziskotarrak eta komentua 650 urte Bermeon’ izenburupean, antolakuntzako iturriek jakinarazo dabenez.

Sudur Gorria, Txirri Mirri eta Txiribitonen disko barria

Ume danek (eta hain ume ez diranek) ezagutzen ditue Txirri, Mirri eta Txiribiton. Oraingoan, ez jatorkuz ikuskizun bategaz, disko barri bategaz baino. Sudur Gorria izeneko diskoa Donostian aurkeztu dabe.

Eusko Jaurlaritzeak eta telefonia enpresa nagusiek hitzarmenak sinatu ditue euskerea sustatzeko

Hitzarmenon bidez, Eroski, Euskaltel, Telefónica, Vodafone eta Yoigo operadoreek, eta Alcatel, Nokia, Samsung eta Sony Ericsson fabrikatzaileek konpromisoa hartu dabe euskerea apurka-apurka sustatzeko telefonia mugikorraren esparruan.

Euskerearen Aholku Batzordearen egiturea barritu eta eguneratu da

Dekretuan egiten diran moldaketen artean, aitatzekoa da EABri berariaz autortzen jakola Eusko Jaurlaritzeak 1998ko garagarrilaren 28an onartutako Euskerea Bizibarritzeko Plan Nagusiaren garapenari buruzko jarraipen-lanak egiteko ardurea. Horregaz batera, euskerea gizarte-arloetan sartzeko jarraibide barriak aztertu eta proposatzeko eginkizuna esleitu jako.

Eastern promises

Film ona da, interesgarria, ondo atondua, traizinoz, mesfidantzaz, inbidiaz eta ostendutako interesez ezin hobeto hornidua, baina gizatasunaren zipriztinak be azaltzen dituana.

Literatura Eskolearen 07/08ko ekinaldia

Bagatoz euskal literaturea munduan kokatzera, munduko literaturea gutartzera. Gure Eskolako ateak zabalik dagoz irakurten ikasi gura dauen edozeinentzat, galbahea trinkotu gura dabenentzat, dakien apurra konpartiduteko prest dagoanarentzat, literaturaz, bizitzaz, berba egin gura dauenarentzat.

‘Giltza daukagu’ lelopean, 100.000 lagun espero ditue Nafarroa Oinezen

Vianako Erentzun Ikastolako presidente Ventura Gonzalezek adierazo dauenez, gaur egun 133 ikasle ditu ikastoleak eta eraikina txiki geratu dala ikusirik, Nafarroa Oinez jaialdiagaz batutako dirua ikastolea handitzeko erabiliko dabe, izan be, ‘gero eta eskaera gehiago daukaguz’.

Euskereak indarra izaten jarraituko dau Mexikoko Unibersidade Autonomoan

Kultura sailburuaren proposamenaren harira, Eusko Jaurlaritzako Gobernu Batzordeak Mexikoko Unibersidade Autonomo Nazionalean (UNAM) euskerea eta euskal kulturearen ezaguera sustatzeko indarrean dan hitzarmenari jarraipena emoteko baimena emon deutso Kultura Sailari.

Juan Jose Millasek irabazi dau Planeta Saria, 'El Mundo' nobeleagaz

Juan Jose Millas idazle eta kazetari valentziarrak irabazi dau Planeta Sariaren 56. edizinoa ‘El Mundo’ izeneko nobela historikoagaz. Lehiaketara ‘A ciegas’ izenburupean, Tiresias izengoitiagaz aurkeztu eban bere lana. Sariagaz ospea eta 601.000 euro irabazi ditu Millasek.

Juan Carlos Perezek bere lehenengo obra sinfonikoa egin dau

Itoiz taldeko liderra izandakoak orkestrako musikea perkusinoagaz eta alboka-soinuagaz buztartuta egin dau 'Bizkaieraz' izeneko obrea.

Hegaldun bidaiari baten irudia agiri da BAD jaialdiaren IX. edizinoa iragarteko kartelean

Arnes bategaz bere papelezko hegalak eusten dituan begirada sakoneko pertsonaia bat izango da laster Bilboko kaleetan ugarituko dan irudia, izan be, irudi honek iragarriko dau aurtengo BAD, Bizkaiko uriburuan egiten dan Antzerki eta Dantza Garaikidearen Jaialdia.

Smiley: lehen ikurra, :-)

Hogeita bost urte pasau dira Scott E. Fahlman-ek, Carnegie Mellon amerikar unibersidadeko irakasleak asmau ebanetik. Gaur egungo ‘emoticons’ ikurrak asko aldatu dira lehenengoakaz konparauta nahiz eta oinarrian antzekoak izan. Izenak adierazoten dauen legez: ‘emotions’ eta ‘icons’, emozinoak eta ikurrak.

Sitevi 2007 barrikuntzen erakustoki

Azken 30 urteotan, Sitevi ardaogintza alorreko erreferente bihurtu da nazinoartean. Erakusketeak 40.000 metro koadro inguruko azalerea dauka eta 22 herrialde desbardinetako 900 erakusle inguru egongo dira seigarren ekitaldi honetan. Duda barik, ardaogintzearen inguruko gorabeherak ezagutzeko leku parebakoa.

Dana gora-goraka eta herritarrak itota

Doris Lessingentzat 2007ko Literaturearen Nobel Saria

1962an argitaratutako ‘The Golden Notebook’ da bere lanik ezagunena; Frantziako Medicis saria emon eutsen eleberri horrengaitik eta emakumearen askatasunaren burrukearen ikono bihurtu eban Lessing 60. eta 70. hamarkadetan.

Aurten bertsolaritza klaseak DBHko lehenengo ziklora zabaldu ditue Getxon

Lehen Hezkuntzako D ereduan ikasten daben 5. eta 6. mailetako eta DBHko lehenengo zikloko 372 ikaslek bertsolaritzea ikasiko dabe aurten, hain zuzen be bertso teknikak, historia, jentaurreko jardunerako teknikak, bat-bateko bertso-jardunerako bidean jartea eta bertso kulturaz jantzi eta bertsozaletzea. Kasu honetan ganera lehenengo aldiz, eta ikasleek eurek eskatuta, bertsolaritza klaseak DBHra be zabaldu dira.