Kirmen Uribek Espainiako Narratiba Saria jaso dau

| Ikusi handiago | Argazki originala

Bilbao-New York-Bilbao liburuagaitik emon deutse saria. Estaduan ofiziala dan hizkuntza batean idatzitako lanik onena dala eretxita emon deutso Espainiako Kultura Ministerioak 20.000 euroko sari hau. Rogelio Blancok zuzentzen dau epaimahaia eta Jose Luis Borau, Camilo Jose Cela Conde, Andres Martinez Sanchez eta azken bi irabazleak, Juan Jose Millas eta Vicente Molina Foix dagoz erabagiaren atzean.

Kirmen Uriberen Bilbao-New York-Bilbao nobeleak (Elkar, 2008) Bernardo Atxagaren Obabakoak (Erein, 1988) eta Unai Elorriagaren SPrako tranbia (Elkar, 2001) lanen lekukoa hartu eta Espainiako Narratiba Saria jaso dau, hamabi laguneko epaimahaiaren erabagiz. Saria Espainiako Kultura Ministerioak emoten dau urtean argitaratutako liburu onena goraipatzeko. Aitagarria, Kirmen Uriberen nobeleak Espainiako Kritikearen Saria be jaso ebala psa dan apirilean, euskerazko arloan.

Kirmen Uribe idazle ondarrutarra harrituta agertu zan atzo, sariaren barri jaso eta berehala. Edozelan be, sariak liburuari bultzadea emongo deutsola onartu eban, izan be, liburua gaztelaniaz eta ingelesez kaleratzeko argitaletxe bila dabil Uribe. Orain errazagoa izango da.

Bizkaie!-k alkarrizketea egin eutson Uriberi liburua aurkeztu ebanean.