Aitor Elizegi eta Isabel Isazelaia, 2008ko Aste Nagusiko pregoilari eta txupinlari

| Ikusi handiago | Argazki originala

Bilboko Jai Batzordeak Aitor Elizegi sukaldaria eta Isabel Isazelaia konpartsaria izentau ditu, hurranez hurran, 2008ko Aste Nagusiko pregoilari eta txupinlari.

'Gustu, ikusmen eta usaimenaren bidez sentsazinoak transmitiduten ohituta dagoan santutxuar chef ospetsua Aste Nagusiko esperientziak eta sentsazinoak transmitiduteko persona ezin hobea da', dinoe Udaleko iturriek Elizegiren ganean. Pozik agertu da sukaldaria datorren zapatuan, abuztuak 16, pregoia irakurtea berari egokitu jakolako. Isazelaia txupinlariak, bere aldetik, txupina botatea erantzukizun handia dala esan dau baina, 'pozik nago eta egunotan esfortzu itzela egingo dot momentu oro nire eginbeharrak beteteko'.