Aktualitatea

Hizkuntz eskubideetan izaten diran urraketak jakinarazo deutsoz Behatokiak Arartekoari

Danetara, 254 kexa jaso dira; horreetatik 129 Eusko Jaurlaritzeari zuzenduak izan dira, 30 foru diputazinoei eta 95 udalei. Behatokiaren eretxiz, datuok erakusten dabe hizkuntz eskubideen urraketak ohiko bihurtu dirala.

'Euskeraz Erostea Eskubide Goxoa! 2008' kanpainea jarri dabe martxan Gernika-Lumon

Ekimenaren helburuak udalerriko merkataritzea eta euskerearen erabilerearen normalizazinoa buztartzea eta sustatzea dira. kanpaineak irauten dauen bitartean, 30 enpresa txikik eta 120 dendari eta tabernarik liburuxkak eta Gernika-Lumoko gozokigileek egindako napolitana goxoak eskainiko ditue.

'Udako Jaialdiak' ekimenak musikaz alaituko ditu Bizkaiko 8 herri

Bizkaiko Foru Aldundiko Kultura Sailak urtero sustatzen dauen 'Udako Jaialdiak' egitaraua gaur, bagilak 27, hasiko da eta ekimenaren barruan eta, uda osoan, estilo askotako 70 kontzertu eta ekitaldi egingo dira Bizkaiko 8 udalerritan: Gernika, Elorrio, Gorliz, Bakio, Karrantza, Bermeo, Plentzia eta Lekeitio. Ekimenari esker, Kepa Junkera, Ken Zazpi edota Ruper Ordorika lakoak entzuteko aukerea izango da.

Donostiako Zinemaldian Urrezko Maskorra lortzeko lehian izango diran zuzendarien izenak jakinarazo ditue

Daniel Burman, Christophe Honoré, Kim Ki-duk eta Jaime Rosales zuzendari ospetsuak dira aurtengo Donostiako Zinemaldian Urrezko Maskorra lortzeko Sail Ofizialean lehiatuko diranetako batzuk. Era berean, Kristian Levring, Courtney Hunt estadubatuarra eta Rashid Masharawi palestinarra be izango dira lehia horretan.

'Faborez 02', neskak jantzara atarateko trikiti-errepertorioa

'FABOREZ 02' izenburupean, belaunaldi barriko jotzaile gazteak eta errepertorio tradizionala batu gura izan ditu Trikitixa Elkarteak. Diskorik kaleratu ez daben bikoteek parte hartu dabe lanean.

Euskadiko Janarien eta Edarien I. Erakusketea gaur eta bihar Eltziegon

Mahastizaintza eta ardogintza, kontserbak, okela, gozogintza eta aurre-preparautako jatekoen sektoreetako 40 enpresak parte hartuko dabe gaur eta bihar Marqués de Riscal hotelean egingo dan erakusketan.

'Lasturbidean', sasoiko trikiti doinuak batzen dituan diskoa

Sasoi bateko trikitilariek modan egozan kantak entzun eta euren musika-tresnara egokitzen zituen. Jon Ostolazak eta Rakel Pujanak plazaratutako diskoan, fandangoak, arin-arinak, pasodobleak, kalejirak, trikitixak... grabau dira, beti be lehengo eran. Koplak, barriz, moldatu egin ditue. Halanda be, diskoari laguntzen deutson liburutxuan aldaketarik barik agiri dira.

Firefox 3: azeriaren azken bersinoa

Bagilaren 17an kaleratu zan Firefox 3 nabigatzailea. Lehenego egunean zortzi miloetik gora deskarga egon ziran, danak doban, di-da batean, aurreko marka guztiak apurtuz (Firefox 2 bersinoa kaleratu zanean 5 miloe deskarga egin ziran egun batean).

Bilboko IX. Kalealdia garagarrilaren lehen hamabostaldian

Hollywood Bilbon! Gaur arratsaldean, garagarrilak 1, 18:00etan, Bilboko Kalealdiari hasierea emongo jako Bilboko Kale Nagusian, Bizkaiko Foru Aldundiko Jauregiaren aurrealdean. Hemen ‘Rodando Grease’ ikuskizunagaz gozetako aukerea izango dogu 30 personaiakaz, (antzezleak, kantariak, dantzariak), bi protagonista nagusik, John Travolta eta Olivia Newton-Johnek, ‘bilbotar erara’ musikal mitikoaren egokitzapen bategaz txundituko gaituelarik. Sarrera honen ondoren, ‘Izarren Kale Nagusia’ Hollywood Boulevard bihurtuko da zinemako izarrakaz, film mitikoakaz, kaleko errodajeakaz, zuzeneko musikeagaz… bi egun (1 eta 2) Bilbo erdian Hollywoodeko magia guztiagaz.

‘Galdutako zubixak’ Kemen Lertxundiren lehen disko-liburua plazan

Kemen Lertxundi ondarrutar poeta eta musikari gazteak argitaratzen dauen lehen lana da Gaztelupeko Hotsak diskoetxearen eskutik, gaur Donostian aurkeztutako ‘Galdutako zubixak.

Eguraldiaren antzera, danok be zoro-moro gabilz

Gaztehgam alkartea sortu da, gazteentzat ‘iraultza sexualerako tresna’ izateko asmoz

EHGAM alkartetik hur dagozan hainbat gaztek Gaztehgam izeneko alkartea aurkeztu dabe Bilbon. Modu ausart eta zuzenea’, talde barria ‘iraultza sexualerako tresna bat’ izan gura dau gazteentzat.

Galtzagorri alkarteak Haur eta Gazte Literaturako IV. Iberiar Biltzarra antolatu dau Donostian

Galtzagorri alkarteak garagarrilaren 3, 4 eta 5ean Donostiako Miramar jauregian egingo dan Haur eta Gazte Literaturako IV. Iberiar Biltzarra antolatuko dau, ‘Desbardin irakurriz: haur eta gazte liburua kultura aniztasunean’ goiburuagaz.

Etxepare Euskal Institutuaren Patronatuaren kideak izentau ditue

Patronatuko kide ez-berezkoak izango dira, euskal letren, filologiaren eta kulturearen ordezkari moduan, Andres Urrutia, Javier Retegi, Ludger Mees, Nekane Arratibel, Roberto San Salvador del Valle, Mª Jose Olaziregi, Marta Monfort, Filgi Claverie, Miren Jaio, Josu Erguin, Jon Bagües, Jean Etchegoin, Koldo Martinez, Itziar Idiazabal eta Aurkene Alzua Sorzabal andrea; eta kulturearen sektore profesionalen ordezkari moduan, Eusko Legebiltzarrak proposatuta, Luis Mª Mujika, Iñaki Arteta, Alma Fernández, Adolfo Arejita eta Jose Luis Lizundia.

Aitor Elizegi izango da Bilboko Aste Nagusiko pregoilaria

Bizkaian kontzepturik barrienakaz behar egiten dauen sukaldaririk aurreratuena da Aitor Elizegi askorentzat. Irudimenaz ganezka egiten dau Elizegik eta talentu handiko sukaldaritza sofistikadu eta dotorean erakusten dau hori. Zamudioko Gaminiz Jatetxeko sukaldaria da.

Kimuak 2007 katalogoko film laburrek 84 sari jaso ditue eta 500 jaialditan emon dira orain arte

Eusko Jaurlaritzako Kultura Saileko Kimuak programearen helburua Euskadiko Filmategiak kudeatzen dituan euskal film laburrak Euskal Herrian bertan eta kanpoan aurkeztea da.