Aktualitatea

Italiako Salento Finibus Terrae film labur lehiaketan lau euskal lan saritu ditue

Telmo Esnal bergararraren Taxi film laburrean egindako lanagaz, Luis Tosar aktoreak aktore onenaren saria jaso dau. Bestalde, On the Line Jon Garañoren film laburrak jaso dau UNESCO giza eskubideak atalari jagokon film labur onenaren saria. Arlo baltzean zuzendari onenen artean Gregorio Muro eta Raul Lopez izan diran nagusi Tras los visillos lanagaz eta UNICEF arloan dokumental irabazlea Jon Garaño eta Raul Lopezen Asama lana izan da.

Umea zanean Mozartek sortutako lan bi aurkeztu ditue

Mozarteum Nazinoarteko Fundazinoak 1763an egindako bi lan labur aurkeztu ditu, Amadeus Mozartek umea zala egin zituala deskubridu ostean. Pianorako egindako lanak dira, bost minutuko iraupenekoa bat eta minutu bateko preludioa bestea.

Erraldoiak eta Buruhandiak Bilboko Euskal Museora bueltauko dira Aste Nagusian

Erraldoiak eta Buruhandiak izango dira ikusgai Bilboko Euskal Museoaren klaustroan Aste Nagusian eta hurrengo astean, igazko Aste Nagusian izandako arrakastearen ondoren. Herritarrak doban sartu ahal izango dira museoko klaustrora eta bertan erraldoiak hurretik ezagutuko ditue pertsonaia bakotxaren istorioa.

Abuztuaren 10era arte luzatu dabe Bilbao Urban Expressions jaialdian izena emoteko epea

Inspirazino-iturri legez gai bakarra proponiduko jake parte hartuko daben guztiei: Bilboko betiko txapel urdina. 20 diseinugile hautatuko dira, euren sortze-lanak erakusteko eta saltzeko aukerea izan dagien, irailaren 28tik urriaren 4a bitartean, ekimenaren alde egin daben Bilboko Zazpi Kaleetako saltokietan.

Akelarre eszenatokietara bueltauko da

Bost urteko isilaldiaren ondoren, Akelarre musika taldea agertokietara bueltauko da gaur gauean, Azpeitian. Taldeak sei kontzertuko birea egingo dau zemendia bitartean, 33 urteko ibilbidean (1973tik 2005era) sortutako abesti ezagunenak joteko.

San Justoko karobia barriro ketan

Karobien ke zurixkea XX. mendearen erdirantz amatau zan. Dana dala, orain dala hamahiru urte Gorbeia mendiaren magalean dagoan San Justoko karobia berreskuratu eta karea antxinako erara egin eban Ipizki Taldeak. Ordutik, abuztuko lehenengo asteburuan karegintzearen gune bihurtu da Zeanuriko (Bizkaia) Otsemendi auzunea. Aurten be, abuztuaren 1an eta 2an kareharria, egurra eta sua batuko dituan labea ketan ikusteko aukerea izango dabe bertara hurreratzen diranek.

Basoan, ez ibili suagaz olgetan!

Gerediaga Elkarteak lankidetza hitzarmenak sinatu ditu Bizkaiko Dantzarien Biltzarragaz eta Garaiko Udalagaz

Lehenengo hitzarmenak Gerediaga Elkarteak lau hamarkadatan Bizkaiko Dantzarien Biltzarragaz (lurralde honetako folklore taldeak batzen dituan federazinoa) izan dauen loturea arautzen dau. Garairi jagokonean, elizate horretako Udalak Gerediaga Elkarteagaz 'bazkide babesle' alkarlan-muetea sinatzea adostu dau.

Gasteiz Blues Festival jaialdiaren lehenengo edizinoak atzerriko musikari ospetsuak batuko ditu

Jaialdiari Spikedrivers talde londrestarrak emongo deutso hasierea gaur Gora Tabernan. Bihar, Barrence Whitefielden nortasunak eta energiak Eddie Kirkland bluesmanaren musikeagaz egingo dabe bat. Bigarren jardunaldi horretan, Wentus Blues Band finlandiarren musikeaz gozetako aukerea be izango da. Azken egunean, Bob Stronge-ren landa-bluesaren eguna izango da. Azken kontzertua The King Earl Boogie Bandek eskainiko dau.

Adituen esanetan, aurtengo Euskal Encounter inozkorik onena izan da

Euskal Encounter informatika-topaketearen amaierako balorazino bikaina egin dabe antolatzaileek, eta internautentzat 'munduko arinena eta inoz egin dan onena' izan da. Segundoko 12 Gigako Interneterako konexinoagaz, sarean arin ibili dira topaketeak iraun dituan lau egunetan Barakaldoko BECeko 5. pabilioian alkartu diran lagunak -5.000 baino gehiago-.

Nuria Hernandez bilbotarrak irabazi dau Peru Abarka IV. Album Lehiaketea

Nuria Hernandez (Bilbo, 1974) da Peru Abarka IV. Album Lehiaketan aukeratutako ilustratzailea Xabier Mendigurenen Lurmentzean narrazinoarentzat. Liburuaren aurkezpena urriaren 24an egingo dabe, Liburutegien Nazinoarteko Egunean, Bilboko udaletxeko pleno aretoan, 12:30ean.

'Trophee Teink' batelen estropadeak euskal kostaldea zeharkatuko dau zapatura bitartean

Batelek, atzo egindako Bilbo-Getxo ibilbidearen ondoren, gaur Getxo-Plentzia-Bakio-Bermeo ibilbidea egingo dabe; eguaztenean, Bermeo-Mundaka-Gernika-Elantxobe; eguenean, Elantxobe-Lekeitio-Ondarroa-Mutriku-Deba-Zumaia; barikuan, Zumaia-Getaria-Zarautz-Orio-Donostia; eta, zapatuan, amaitzeko, Donostia-Paisaia-Hondarribia, Irun-Hendaia-Donibane-Lohitzune.

Barricada, Su ta Gar, Gatibu eta Oreka TX taldeak protagonista aurtengo Gernika-Lumoko jaietan

The Riff Truckerseta Gatibu taldeen rock soinuek edegiko dabe abuztuaren 14an, 22:30ean hasita, Andra Mari eta San Roke jaien musika egitaraua Pasealekuan.

Mikel Urdangarinen disko barriak urriaren 1ean ikusiko dau argia

Mikel Urdangarin (Zornotza, 1971) abeslariak urriaren 1ean atarako dau disko barria. Lanaren izenburua 'Zubiak' da eta garagarrilaren hasieran Mikel F. Krutzaga soinu teknikariagaz batera sartu da bizkaitarra estudioan, kantak grabetako.

'Munduko Haizeak' jaialdiak nazinoarteko folklorea ekarriko dau Ondarroara

'Munduko Haizeak' jaialdiak nazinoarteko musikariak eta jantzariak batuko ditu beste behin be Ondarroan eguen honetan hasi eta abuztuaren 7ra bitartean. Itsasaurre Plazako karpan egingo dan ekitaldi honen bigarren edizinoak bost emonaldi izango ditu aurten, munduko leku desbardinetako folkloreko kantari eta jantzariak entzun eta ikusi ahal izateko.

'Zorion perfektua' filma Donostiako Zinemaldian estreinauko dabe

Anjel Lertxundiren Zorion perfektua nobelan oinarrituta Jabi Elortegi bizkaitarrak zuzendutako filma Donostiako 57. Zinemaldiaren Zabaltegi-Zuzendari Barriak sailean lehiatuko da, Elisabet Cabeza eta Esteve Riambauren Màscares eta Miguel Angel Jimenez Colmenarren Ori pelikulakaz batera.

Fischer Boelek ezezkoa emon deutso ardao baltza zuriagaz nahastetako proposamenari

Erabagi horregaz, ardao nahasketearen inguruan azken aldian ardaogintza arloan izandako astrapaleari urtenbidea emon jako. Frantzia izan da, batez be, nahasteko aukerearen kontra egin dauena, Italia, Espainia eta Suitzagaz batera.