Aktualitatea

'Celda 211' irabazle Goya sarietan

Danetara, 16 izendapen zituan Daniel Monzonen 'Celda 211' filmak zortzi sari eskuratu ditu, besteak beste, film onenari eta zuzendari onenari sariak eta bat gitxiago jaso dau Alejandro Amenabarren 'Agora' filmak, tartean sari teknikoak.

Bilboko Udal Musika Bandeak Julen Ramos pianistea lagun dauela ospatuko dau San Balentin

Egun berezi honetarako, Bandako Zuzendari Titularrak, Rafael Sanz-Espert maisuak, zinema giroko errepertorioa aukeratu dau, George Gershwin eta Leonard Bernstein musikagileek doinuak tartekatuz.

'Bilbao-New York-Bilbao' Kirmen Uriberen nobelea hiru hizkuntzatara itzuliko da

Kirmen Uriberen Bilbao-New York-Bilbao gazteleraz, katalanez eta gailegoz argitaratuko da. Datorren astean, zezeilaren 16an kaleratuko dira ondarrutar idazlearen nobelearen itzulpenak.

Lan eskaintza publikoetan euskerearen balioa gitxitzeko eskatu dau EAEko Legebiltzarrak

Etorkizuneko lan eskaintza publikoetan euskeraren ezagutza mailearen pisua gitxitzea gura dabe PSE-EEk eta PPk, eta Eusko Jaurlaritzeari horretara bideratutako eskaerea egin deutse, EAEko Legebiltzarrean onartutako legez besteko proposamenagaz.

Elhuyar Fundazinoa da AlphaGalileo plataformeak dauen Estaduko ordezkari bakarra

2003an sinatu eban Elhuyar Fundazinoak hitzarmena AlphaGalileogaz, Euskal Herriko ikerketa-albisteen ordezkari izateko. Ordutik, AlphaGalileoko Zuzendaritza Batzordeko kidea eta Euskal Herriaren ordezkaria da Elhuyar.

Martiaren 12ra arte aukeztu zeinkiez Bermeoko bertso paper lehiaketarako lanak

'Neurri eta gai libreak' izango dituan lehiaketan hezkuntza zentroen laguntzinoa izango dau Udalak. 'Pasa dan urtean 80 gaztetxuren lanak batu ziran', adierazo dabe, 'eta aurten parte-hartzaile kopuru bardintsua' espero dabe. Lehiaketea bi mailatan banatuko da: 11 eta 14 urteko gazteena; eta 14 eta 18 artekoa.

Getxoko kontzertu klasikoen 25. urteurrena aurten, nazinoarteko talde ospetsuak tartean dirala

Zezeilaren 16tik 20ra arte bost saio egongo dira Areetako Andres Isasi Musika eskolan, zezeilaren 19an izan ezik, egun horretako kontzertua Algortako El Redentor eleizan izango baita. Saio guztiak 20:00etan hasiko dira.

Euskerea sustatzeko Irati plan estrategikoa onartu dabe Berrizen

Euskerea Bizibarritzeko Plan Nagusia ardatz, hizkuntzearen normalizazinoa eskuratzen jarraitzeko plan estrategikoa da onartutakoa. Berrizko Udalaren 2010-2012ko Plan Estrategikoak hamar arlo nagusi hartzen ditu. Horreetako bakotxean helburu jakinak jarri eta horreek beteteko estrategia eta ekintzak zehazten dira.

Gervasio Sanchezen 'Bizitza minatuak' laneko argazkiak Berrizen

'Bizitza minatuak' izenburuko argazki liburuan oinarritutako erakusketea egin dau Gervasio Sanchez kazetari eta argazkilariak eta 2007tik Estadu osoan herriz herri dabilen erakusketea Berrizen izango da ikusgai zezeilaren 19tik martiaren 12ra arte.

BFAk eta Azkue Fundazinoak lankidetza-hitzarmena sinatu dabe

Hitzarmen horregaz, foru erakundeak, Kultura Sailaren bitartez, 600.000 euro jarriko ditu Fundazinoaren Patronatuak datozan hileetan egingo dituan proiektu batzuk garatzeko. Fundazinoa igaz sortu zan, Interneten eta teknologia barrien bitartez euskera sustatzeko helburuagaz.

Eusko Jaurlaritza eta EAEko zortzi enpresa Moskun dagoz, elikagai eta edarien arloko Prodexpo azokan

Bisitearen helburua euskal enpresak merkatu errusiarra ezagutu eta inportatzaile errusiarrakaz hartu-emonetan jartea da, euskal elikagai industria sustatzeko eta, era berean, nazinoarte mailan erreferentzia legez sendotzeko asmoz.

Egunotako hotzakaz, mozorroa ondo aukeratu eh!!!

Uribe Kostako Hizkuntza Ondarea jaso eta zabaltzeko lankidetza hitzarmena sinatu dabe

Lankidetza-hitzarmenaren helburuen artean datozen urteotan bi monografiko egitea eta argitaratzea dago, ingurua eta historia hobeto ezagutzen laguntzeko. Monografiek, gure esparru geografikoan gai bati buruzko jakintza-esparru oso bat hartuko dabe (bata ahozko tradizino errimatuari buruz eta bestea herri egutegiari eta Uribe Kostako mitologiari buruz).

Avatar

Asko idatzi da Avatar-en ikusgarritasunaz eta fakturaz. Ez deutsadaz nik ukatuko ezaugarri horreek. Diru mordoagaz eta puntako teknologiagaz egindako irudiak benetan harrigarriak dira. Baina, lehenengo ordu erdia pasauta, harridurea desagertu egiten da. Eta gero, zer? Bada, ezer gitxi.

'Esan lei' Poesia Astea Gernikan, zezeilaren 22tik 28ra bitartean

'Esan lei' Asteari hasierea emoteko, Amaia Jauregizarrek 'Azazkalak jaten' liburua aurkeztuko dau eta poema batzuk irakurriko ditu. 'Poesia komuneko paperean' ikuskizunak, 'Gura+haize' literatur fantzinearen aurkezpenak eta Txuma Murugarren eta Rafa Ruedaren kontzertuek osotuko dabe egitaraua, besteak beste.