Aktualitatea

Bilboko Artelan Berreginen Museoak testu klasikoak jarriko ditu bere obren ondoan, Liburuaren Nazinoarteko Eguna dala eta

Ekimen barri horren bitartez, museo bilbotarrak testu klasikoen ezagutza eta irakurketea sustatu nahi dau. Era berean, erakusten dan lan bakotxa eta bere ingurua hobeto ulertzeko erreferentziazko tresna jarri nahi dau bere bisitarien esku.

EHUko Zientzia eta Teknologia Fakultadeak euskerazko ahots itzulpenerako sistema bat garatu dau

Alicia Perez Ramirez ikertzailearen doktore-tesia idatzizko testuen itzulpenetik harago doa eta, lehenengoz, ahots-itzulpen automatikoko sistemea martxan jarri ahal izan da metodo estadistikoetan oinarrituta.

Bilboko Udalak Errekalde auzoaren azken urteetako historiari buruzko bideoa argitaratu dau

Hogeita hamar pertsona inguruk eta auzoko zenbait alkartek, horreen artean Indarra musika taldeak, Arraizpe abesbatzak, Gazte leku alkarteak, Kukutza Gaztetxeak edo Errekaldeko Familien alkarteak hartu dabe parte ekimenean. Helburua Errekalderen historia ezagutzera emotea da, bertan bizi diranen esperientzian eta ezagutzan oinarrituz.

Kakiturri-Ehari nagusi Arabako Kuadrilla arteko Bertso txapelketako bigarren finalaurrekoan

Arabako Kuadrilla arteko lehenengo Bertsolari Txapelketeak pasau dau ekuadorraren mugea. Finalerdien ligaxkako bigarren saioa jokatu da asteburuan Araiako Andra Mari aretoan. Jente ugari batu zan gogotsu taularatu diran bi taldeek zer egingo eben entzutera.

Alkarte gehiago batu dira Topagunera

Federazinoan bazkidetza eskatu daben lau alkarte barriri be emon deutse ondo etorria Batzarrak: Euskara Añanan Mingainean (Añanako kuadrila); Goierriko Euskal Eskola (Lazkao); Txirritola (Aramaio); eta Gutxisolo (Trebiñu).

Xabier Etxaniz eta Ignacio Ferrando dira Bilboko Udaleko Gabriel Aresti XXVII. Ipuin Lehiaketako irabazleak

Sariketa hau uriko literatura lehiaketarik ezagunenetarikoa da eta honakoak dira helburu nagusiak: literatur jarduerea eta talentu barriak sustatzea eta Gabriel Aresti idazle bilbotarraren memoria eta lana bizirik mantenidutea. Irabazleek 4.100 euroko sari bana eskuratu dabe.

Arabako Kuadrilla arteko Bertso Txapelketan, 2. finalerdia Araian, hilaren 18an

Aurrera doa Arabako Kuadrilla arteko bertso txapelketea eta finala gero eta hurrago dago. Eskuragarri dagoz dagoeneko sarrerak www.bertsosarrerak.eu webgunean. Apirilaren 18an, Araian eta Apirilaren 25ean, Amurrion izango diran finalerdietan be eskuratu ahal izango dira.

Tanttaka konpainiaren 'La dona justa' antzezlana Bartzelonara ailegauko da

Euskal antzerki konpainiako iturriek adierazo dabenez, Eduardo Mendoza idazle ospetsuak egokitu dau Sandor Marai idazle hungariarraren (1900-1989) 'La dona justa' lana. Antzezlanean, 1940 eta 1950eko hamarkadetan girotutako maitasun, pasino, gezur, jeloskortasun eta haustura istorio bati buruzko hiru ahots, hiru sentsibilidade, hiru begirada agiri dira.

Hutsik geratu da Goyaren artelan baten enkantea Bilbon

Enkante-etxeko arduradun Marisa Arnaizen esanetan, krisia izan da arrazoia: 'beste sasoi batean salduta beharko leuke'. Urteera-prezioa 900.000 eurokoa izan da.

EH zuzenean jaialdirako hiru eguneko bonuak, apirilaren 17an salgai

'Ia denaren historia labur bat'

Bill Bryson-en best seller hau 34 hizkuntzatara itzuli da, eta 4 miloe ale baino gehiago saldu ditu mundu osoan. Orain, lehenengo aldiz euskeraz argitaratu dau Elhuyar Fundazinoak.

Galdakaoko Udalak familian euskerearen transmisinoa sustatzeko tailerrak antolatu ditu

Herriko hiru udal ludotekakaz batera antolaturiko tailerrak maiatzaren 5ean eta 6an egingo dira, eta izena emoteko epea apirilaren 23an amaituko da.