Aktualitatea

Ene bada!!! Ikusitakoak ikusita, ETBko txoria be sustauta dago...

Euskerearen ahoskerea eta entonazinoa aztertuko ditue Prosodiaz eta Hezkuntzaz I. Jardunaldietan

Urtarrilaren 27an, eguerdiko 15:00etan, Bilboko Irakasleen Unibersidade Eskolan (Ramón y Cajal etorbidea 72, Bilbo), Prosodiaz eta Hezkuntzaz I. Jardunaldiak hasiko dira UPV/EHUko AHODIKER eta EUDIA taldeek antolatuta.

Rat-zinger bilbotarrak amorruz josita datoz

Anarko, Sucio Sistema, Nok, Zer Bizio! eta beste talde batzuetan ibilitako lagunak dagoz egun Rat-zinger taldean eta gaur Bilbon aurkeztu dabe amorruz betetako 14 kantuz osotutako lehenengo diskoa, igazko zezeilean eta martian Bilboko Koba estudioetan grabautakoa. Oinarrian disko rockeroa, kopla bakoa izan arren, boltaje handiko punk-rock-and-rolla egiten dabe.

Merioaren ibilbidea ezagutu dabe Durangaldeko 400 ikaslek

Asteon hasi ditue Durangaldeko ikastetxeek Merioaren ibilbidera bisitak. Danetara, 10-12 urte arteko 400 neska-mutikok bisitauko dabe ibilbidea eta Durangaldeak historian izan dauen antolaketa sozio-politikoa ezagutuko dabe. Modu horretan, aurrez irakurri daben Merioaren ipuineko pasarte asko hurretik bizi ahal izango ditue.

'The King's speech' filmak 12 izentapen jaso ditu Oscarretarako

Oscar sarien 83. edizinoaren sari banaketea zezeilaren 27an egingo dabe Los Angeleseko Kodak antzokian. James Franco eta Anne Hathaway izango dira aurkezleak eta 200 herrialdetan baino gehiagotan eskainiko dabe zuzenean telebista bidez.

Udal Bela Eskoleak eta Pakea Bizkaiak hitzarmena sinatu dabe kirol hau sustatzeko

Unai Basurkok adierazo dauenez, 'lortu behar dogu bela Getxon sartzea, nabigatzaile eta Getxoko bizilagun moduan, nire amesa da eta egunero egiten dot lan horren alde. Garrantzitsua da bela urte osoan egitea. Hemen urte osoan nabigatzeko baldintzak doguz. Eta helburu hori lortzeko Eskolea Getxoko bizilagun eta ume gehiagori zabaltzeko giltza da'.

Izen-abizenak euskerazko grafiaz jarteko kanpainea abiarazo dabe Berrizen

Izen-abizenak euskerazko grafiaz jarteko, udaletxeko erregistro zibil edo epaitegira joan behar da eta, bertan, eskaera orria bete. Horregaz batera, honako agiriak be eroan beharko dira: Nortasun Agiriaren fotokopia, jaiotza-ziurtagiria, errolda ziurtagiria eta familia liburuaren fotokopia.

Alex de la Iglesiak Zinema Arte eta Zientzien Akademiako presidente kargua itxiko dau

Alex de la Iglesiak, Zinema Arte eta Zientzien Akademiako presidenteak, Goya sarien banaketa ekitaldia egin eta gero dimitidu egingo dauela iragarri dau El Pais egunkarian egindako adierazpenetan. Atzo, urtarrilak 24, twitter-en iragarri ebanaren arabera, PSOE, PP eta CiU-k 'Sinde legearen' inguruan lortutako akordioak eragindako dimisinoa da.

Vahan Sarkisian ohorezko euskaltzaina hil da

Vahan Sarkisian Erevanen (Armenian) sortu zan, 1954ko martiaren 12an. Filologia Zientzietan doktorea zan. Erevanen, Estaduko Unibersidadean, irakaslea zan, bai eta Filologia Erromaniko Katedraren zuzendaria be. Armeniera-euskerea Estudioen Saileko sortzaile eta irakaslea zan Sarkisian eta Araxes izeneko Armeniera-euskerea nazinoarteko aldizkariaren sortzaile eta zuzendaria.

Bilboko Arriaga Antzokiak ia 175.000 ikusle izan zituan igaz

Bilboko Arriaga Antzokiak emoitza oso positiboagaz zarratu dau 2010eko ekitaldia, eta publikoak antzokiari emoten deutson sostengua berretsi dau, arduradunek adierazo dabenez. 2010ean, ikusle kopuruak % 5 igon eban 2009. urtearen aldean, danetara 174.517 ikusle izan zituan eta, kopururik onena 2000tik hona, hain zuzen be.

Frank Gehry Sabino Arana Saria jasotera etorriko da Bilbora

Guggenheim Bilbao Museoa diseinau eban Frank Gehry kanadar arkitektoa asteburu honetan izango da Bizkaiko uriburuan aurten XXII. aldia daben Sabino Arana Sarietako bat jasotzeko. Gehry Santa Monicatik (Kalifornia) abiatu eta, bidaia pribadu batean, Loiuko aireportura ailegauko da, zapatu iluntzean; biharamunean, domekan bertan, bueltauko da AEBetara, Sabino Arana Fundazinoak antolatuta Arriaga antzokian, eguerdiko 12:00etan, ospatuko dan kultur jaialdiaren ostean.

'Itsasoa artean, itsasoaren artea' erakusketea dago ikusgai Bilboko Itsas Museoan

Itsasoagaz lotutako bizitza islatu eben euskal artistak ditugu bertan nagusi: Arteta, Iturrino, Zubiaurre, Ucelay, Alberto Schommer, Agustín Ibarrola, Mari Puri Herrero eta Menchu Gal, besteak beste. Maiatzaren 29ra arte egongo da ikusgai.

'Umorez: generoa bertsolaritzan' jardunaldiak Bertsozale Alkarteko Genero batzordearen eskutik

Bertsolaritza eta generoari jagokonez, egungo ekarpen nagusiak plazaratzeko, lau berbaldiz osotutako jardunaldiak antolatu ditue zezeilerako Bertsozale Alkartearen egoitzan, Umorez: generoa bertsolaritzan izenburupean.

Indarkeriaren amaiereak gauzak erraztuko deutsoz euskalgintzeari Patxi Lopezen esanetan

Blanca Urgell Jaurlaritzako Kultura sailburuak nabarmendu dau krisi garaian euskerea ez dala izango zorren kitatzailea, alor horretan murrizketarik ez dabela egingo adierazo guran. Euren helburua euskaldunen kopurua handitzea ez eze, euskerearen erabiltzaileena be handitzea da, Urgellek esan dauenez.