Aktualitatea

'Getxoberpiztu!' proiektua da Wanted 2011 Ideia Lehiaketearen irabazlea

Getxoberpiztu!, Ane Abarrategi Zaitegi, Ion Etxabe Gutierrez eta Lur Moragues Saituak bultzaturiko proiektuak irabazi dau hirugarren Wanted ideia lehiaketea. Getxoko Udaleko Gazteria Zerbitzuak bultzatutako lehiaketea da, 18 eta 30 urte arteko gazteen egitasmoak sustatzeko asmoz.

Gerra Zibila eta memoria historikoa literaturan aztertuko ditue garagarrilaren 13an, Donostian

Gerra Zibila eta memoria historikoa Iberiar Penintsulako literaturan mintegia aurkeztu dabe Eusko Ikaskuntzak eta Etxepare Euskal Institutuak. Alkarlanean atondu dabe ikastaroa, eta garagarrilaren 13an egingo da, Donostiako Bakearen Giza Eskubideen Etxean.

Bilboko Udalak 'Udako Liburutegiak' ekimena jarriko dau martxan Txurdinagako eta Fangoko ugerlekuetan

Bilboko Udal Liburutegi Sareak Udako Liburutegiak programearen hamaikagarren edizinoa jarriko dau martxan datorren barikuan, garagarrilaren 1ean, Txurdinagako eta Fangoko ugerlekuetan. Ekimen horren bitartez, liburuak eta aldizkariak jarriko dira guztien esku, eta irakurketea sustatzeko jarduerak egongo dira umeei zuzenduta.

Donostia, 2016ko Europako Kultur Uriburu

Donostia Europako Kultur Uriburua izango da 2016an. Atzo arrastian emon eban barria Aukeraketa Batzordeko zuzendari Manfred Gaulhoferrek, Madrilen. Beste bost hautagai izan dira: Burgos, Kordoba, Segovia, Las Palmas eta Zaragoza. Donostiak Poloniako Wroclaw uriagaz banatuko dau hautagaitzea.

Javier González de Durana Getariako Cristobal Balenciaga Museoko zuzendari izentau dabe

Javier González de Duranak kargua onartu eta Cristóbal Balenciaga jostun-sortzaile bikainaren obrea, bai nazino mailan bai nazinoartean be, bizirik mantentzea eta sustatzea izango dituala helburu esan dau.

Umorez blai egongo da Bilbo irailean eta urrian, Bilboko Barrea jaialdian

Igazko arrakasteari eutsi nahian, bigarren urtez egingo dabe umoredun literaturea eta artearen astea Bizkaiko uriburuan, irailaren 28tik urriaren 2ra. Egitarauaren barri emon dabe prentsaurrekoan, eta iragarri dabenez, Juan Carlos Eguillor marrazkigile hilbarriak leku berezia eukiko dau. Ganera, Bilboko Barrea Saria Francisco Ibañezi emongo deutsie.

Mikel Markez kantaria disko barria grabetan dabil egunotan

Mikel Markez musikari errenteriarra disko barria atontzen dabil. Udagoienerako prest eukiko dauela jakinarazo dau, izan be hasi da grabazino saioak egiten Elkar estudioan.

Euskal literaturearen irakurzaletasunari buruzko jardunaldiak Bilbon bagilaren 30ean eta garagarrilaren 1ean

Fito Rodriguez EHUko irakasleak koordinauta, hizlarien artean izango dira Ander Iturriotz, Iratxe Retolaza, Ur Apalategi, Arrate Egaña eta Patxi Salaberri.

Bilboko aire zabaleko aisialdi-ekipamenduen mapea aurkeztu dabe

Bilboko aire zabaleko aisialdiaren mapea aurkeztu dau Obra eta Zerbitzuen Sailak; bertan, aisialdi-ekipamendu eta espazioak non dagozan jaso dabe. Aisialdia herritarrei hurreratzea dau helburu ekimenak, urrunera joan barik ondo pasetako nahi beste toki dagozala erakustea, hain zuzen be.

Kirmen Uribe Kolonbiara konbidau dabe

Kirmen Uribe Euskal idazlea XXI. Medellingo Nazinoarteko Poesia Jaialdira konbidatua izan da. Aurtengo edizinoa garagarrilaren 2tik 10era izango da. Idazle ondarroarrak lau irakurraldi egingo ditu Medellinen bertan eta Bogotan munduko beste olerkari batzuekaz batera.

Iban Ayestak hasi dau honezkero 'Vera' euskerazko filmaren grabazinoa

Iban Ayestak 2009ko irailean egindako landa-lan bat izango da film luzearen abiapuntua. Izan be, pare bat astez, bi artzainakaz batera ibili zan Errege Ardibidean barrena. Holan, bi mila buruko artalde bategaz abiatu ziran Erronkari aldeko bazkalekuetatik Errege Bardeara oinez joateko.

Un cuento chino

Originala, dibertigarria, sakona eta soila aldi berean, Un cuento chino oso film gomendagarria da. Barriro be argentinarrek zelan egiten dan zinea erakutsi deuskue.

Donostia Europako Kultur Uriburu!!! Zorionak

Abian dira UEUko 39. Udako Ikastaroak Eibarren, 'Udako ikastaroak murgildu' lemapean

Gaur hasi dira UEUko 39. udako ikastaroak Eibarko Markeskoa Jauregian, Udako ikastaroak murgildu lemapean. Bagilaren 27tik garagarrilaren 22ra bitartean, hogeita hamabost ikastaro eskainio ditue Eibarreko ikastetxe nagusian, Baionako IUT unibersidadean eta Iruñeako Jaso ikastolan.