Euskaltzaindia 'Euskerazko funtsen bilketa, tratamendua eta hedapena' jardunaldian izango da

| Ikusi handiago | Argazki originala

Bagilaren 7an, Nafarroako Gobernuaren Euskarabideak antolatuta, Euskerazko funtsen bilketa, tratamendua eta hedapena izeneko jardunaldia egingo da Burlatan, Udal Parkeko Jauregian. Jardunaldiak helburu bikotxa izango dau: batetik, funtsak batu eta horreen tratamendua egiten daben erakunde eta alkarteak batzea; eta bestetik, hartu-emonak edo alkarlana garatzeko bideak jorratzea. Euskaltzaindiak be parte hartuko dau, eta egitasmo bi aurkeztuko ditu: Euskararen Herri Hizkeren Atlasa (EHHA) eta Ahozko Tradizinoko Hizkeren Corpusa (ATHC).

Akademiaren agerraldia 9:45ean izango da, hasierako agurraren ostean. Euskaltzaindiaren ordezkariak ondokoak izango dira: Adolfo Arejita aitatu bi egitasmoetako zuzendari akademikoa, eta Amaia Jauregizar eta Aritz Abaroa, EHHA eta ATHC egitasmoetako teknikariak, hurranez hurran.

Euskaltzaindiagaz batera, ondokoek be parte hartuko dabe: Nafarroako Unibersidade Publikoak, Badihardugu Euskera Alkarteak, Labayru Ikastegiak eta Bertsozale Elkarteak.