UEUk liburuak erdi prezioan salduko ditu Liburuaren Nazinoarteko Egunaren harian
2011-04-14 17:51 kulturbiz
Liburuaren Nazinoarteko Eguna ospatzeko, Udako Euskal Unibertsitateak (UEU) apirilaren 18an eta 19an eskaintza berezia egingo dau: liburuak % 50eko beherapenagaz eskainiko ditu. Eskaintzeak www.ueu.org atariko webgunean bakarrik balio dau.
Pop eta rock estiloak nagusi dira El arca de Noelia taldearen lehenengo diskoan
2011-04-14 15:50 Musikea
Bilbon aurkeztu dau El Arca de Noelia laukote bizkaitarrak Flores secas izeneko lana, bat baino gehiago harrituko dauen diskoa, taldekideen esanetan. Izan be, diskoaren itxurea eta izenburua ikusita, poparen inguruko lana izango dala emoten badau be, kantek rock kutsu sakona daukie; doinu indartsuak eta letra landuak. Pop-rock estiloaren barruan sartu geinke Flores secas diskoa, rock amerikarraren eragin handiagaz.
Bilboko lehen Zabalguneko eraikin bereziak ezagutzeko aukerea maiatzetik aurrera
2011-04-14 15:48
Jarduerea joan dan urtean jarri zan martxan, eta lehen edizinoan 1.127 lagunek hartu eben parte. Aurten, Bilboko lehen Zabalgunea izenez ezagutzen dan inguruan dagozan hiru eraikinetan zentrauko da. Urrira bitartean, Aburto Etxea, Ibaigane Jauregia eta Sociedad Bilbaína bisitauko dira.
Zinema Euskaraz programea EAEko herri eta eskoletara zabalduko dabe
2011-04-14 15:05 Barriak
Eusko Jaurlaritzako Kultura Sailak Zinema Euskaraz programea zabaldu egin gura dau, zine-aretoetara heltzeaz gan, EAEko udalerri eta eskoletara be pelikulak euskeraz eroan nahi ditu eta. Udalerriek eskura eukiko ditue Bilboko, Donostiako eta Gasteizeko zine-aretoetan ikusgai dagozan pelikulak.
Enkore taldeak irabazi dau Gaztearen XX. Maketa Lehiaketea
2011-04-14 14:30 Musikea
Enkore taldea izan da Gaztearen XX. Maketa Lehiaketako talde irabazlea. Talde bilbotarrak 6.000 euro, bideoklip baten grabazinoa eta Bilbao BBK Live jaialdian joteko aukerea irabazi ditu. Entzuleen Saria, barriz, Arratiako Larregi taldearentzat izan da. 2.000 euro eskuratu ditu.
Bidaiaren inguruko erakusketea edegi dabe Balmasedako Boinas La Encartada museoan
2011-04-14 14:05 Kulturea
Bidaiariak/Viaggiatori/Viajeros erakusketea edegi barri dabe Balmasedako Boinas La Encartada museoan. Sardiniako Casa Falconeri ikerketa-etxeko laborategian garatutako proiektua dauka oinarri. Bagilaren 26ra arte egongo da zabalik.
Nathan Fake musikagile britainiarra zuzenean, Bilboko Guggenheim Museoan
2011-04-14 12:44 Musikea
Nathan Fake musikagile ezaguna izango da protagonista nagusia Bilboko Guggenheim Museoak antolatutako Art After Dark egitarauaren saio barrian, apirilaren 15ean. Damien DJ-ak eta Fever klubeko Ojospintadosek be kontzertua eskainiko dabe.
'Urteberri on, Amona!' film luzearen filmazinoa amaitu dabe
2011-04-14 12:22 Barriak
Telmo Esnal zarauztarrak zuzendutako Urteberri on, Amona! luzemetraiaren errodaia bart amaitu da Benidorm-en. Irusoinek produzidutako filma da ETB eta TVEren partaidetzeagaz eta ICAA eta Eusko Jaurlaritzearen lankidetzeagaz.
XXIII. Rafael Mikoleta Ipuin Lehiaketearen sariak banatu ditue
2011-04-14 10:33 sariak-autortzak
Lehiaketeak Rafael Mikoletaren izena daroa, lehen euskal gramatikearen egilearen omenez, eta 1989tik egiten da, euskerearen ezagutza bultzatzeko eta gazteek euskal literaturea landu deien animetako asmoz. Aurtengo edizinoan 896 ipuin aurkeztu dira.
Lutxo Egiak 'Txakur ingelesak' ipuin liburua argitaratu barri dau
2011-04-13 17:42 Kulturea
Lutxo Egiak Txakur ingelesak liburua argitaratu dau Susa etxearekin. Idazle bilbotarraren lehenengo ipuin bildumea da. Ikusiezin izan gura daben pertsonaiak dira bederatzi narrazinoetako protagonista nagusiak.
Lino Akesolori omenaldia, Diman
2011-04-13 17:38 sariak-autortzak
Euskaltzaindiak eta Dimako Udalak Aita Lino Akesoloren omenezko bilkurea egingo dabe haren jaiotzearen mendeurrenean; hitzordua datorren barikuan, hilak 15, izango da, arratsaldeko 18:30etan hasita, Akademiako iturriek jakinarazo dabenez.
Basurtu auzoak XIX. mendearen amaieratik joan dan mendeko 80ko hamarkadara arte izan dauen bilakaerea ikusgai
2011-04-13 15:45 Kulturea
Erakunde publikoetatik eta pribatuetatik jasotako 150 argazki inguruk osotzen dabe erakusketea. Argazkiak, Kultura eta Hezkuntza Sailagaz, gure uriko auzoen historiaren zabalkundeagaz lotutako hainbat ekimenetan ibili diran Joseba Eguiraun eta Javier del Vigo Bilboko historiaren ikerlariek sailkatu eta dokumentau ditue.
Bizkaiko ilustrazinogintzearen bost mendetako historia ikusgai dago Bilbon
2011-04-13 15:22 Kulturea
Bost mendetako ilustrazinoen lagin ederra batu dabe Ilustratzaileak Bizkaian (XVI-XX). Odisea grafikoa erakusketan. Hainbat muetako berrehun lanetik gora dagoz ikusgai Bilboko Foru Liburutegiaren areto nagusian, besteak beste, eskuizkribuak, grabaduak, litografiak, horma-irudiak, eta abar. Erakusketea bagilaren 25era arte egongo da zabalik.
Gernikako bonbardeoa gaztetxu baten ikuspegitik kontau dau Luis Iriondok
2011-04-13 15:08 Kulturea
El chico de Guernica liburuan, 1937ko apirileko jazoerak ez eze, bonbardeoak Gernikako bizimodua, ohiturak eta pentsakerea zelan aldatu zituan be erakusten dau, 14 urteko gernikar baten bizipenetatik abiatuta. Liburua Gernikan aurkeztuko dabe, hilaren 19an.
Bilbaoeszenak 'Euskara eta eskena' euskeraz sortzen daben artistei eskainitako Show Gela dakar Korrikaren omenez
2011-04-13 14:13 jardunaldiakHurrengo gau-jaia apirilaren 14an egingo da, Euskara eta eskena izenburupean. Oraingo honetan, Onintza Enbeita bertsolariaren, Rafa Rueda konposatzaile eta musikariaren eta Goloka Antzerki Taldearen txandea izango da.
'Hizkuntza-ekologia eta lurralde euskaldunak' UEMAren ibilbidea eta erronkak jorratzeko topaketea
2011-04-13 12:49 Euskerea berbagai
Udalerri Euskaldunen Mankomunidadearen ibilbidea eta hizkuntza ekologia lotuko dituan topaketea antolatu dau UEMAk. Topaketea Azpeitiko Sanagustin aretoan egingo da apirilaren 14an, goizez.
Emakunde Saria jasoko dau Teresa del Valle Murga katedradunak
2011-04-13 11:34
Emakundek azken urtean egindako lana eta aurrera begirako erronkak errepasauko ditu gaur, hilak 13, arratsaldeko 19:00etatik aurrera AlhondigaBilbao zentroan ospatuko dan Emakunde Gaua ekitaldian.
Euskadi Literatura Sarien deialdia egin dau Eusko Jaurlaritzak
2011-04-13 11:19 sariak-autortzakEuskadi Literatura Sariak arautu eta deialdia egiten dauen agindua onartu dau Eusko Jaurlaritzako Gobernu Kontseiluak. Modalidade bakotxean sariak 18.000 euro gordinekoak izango dira. Saritutako idazleek lehiaketarako berariaz Jose Ibarrola Bellidok egindako Liburu Nabigatzaile izeneko eskulturea jasoko dabe.
Bertsolari Gazteen XIX. BBK Sariketearen finala Bilbon jokatuko da
2011-04-12 17:41 Bertsolaritzea
Bertsolari Gazteen XIX. BBK Sariketeari finala baino ez jako geratzen eta gaur, eguena, hilak 14, arratsaldeko 19:00etan jokatuko da, Bilboko Kafe Antzokian, Lea Artibai eta Ipar Uribe taldeen artean. Sarrerea dobakoa izango da.
Liburuaren Eguna gaur, hilak 15, Bilbon
2011-04-12 17:23 Kulturea
Astebete lehenago zabaldu ditu ateak Liburuaren Eguneko azokeak Bilbon. Berastegi kalean 30 stand edo salmahai egongo dira gaur edegita, gaueko bederatziak arte. Liburuak % 10eko beherepenagaz erosi ahal izango dira. Liburuaren Nazinoarteko Eguna apirilaren 23an ospatzen da, baina aurten Aste Santu barruan danez, azokea aurreratzea erabagi eban Bizkaiko Liburu Saltzaileen Elkarteak.
Nabarmenak
Parkatu Ramon, zuzenketak egin doguz.
»» XXXI. dFERIA Arte Eszenikoen Azokea ...