'Barrura begiratzeko leihoak' Donostia, Gasteiz eta Iruñako areto komertzialetara helduko da datozen egunotan

| Ikusi handiago | Argazki originala

Barrura Begiratzeko Leihoak Donostia, Gasteiz eta Iruñeako areto komertzialetara helduko da datozen egunetan. Iruñean, eguen honetan (zemendiak 22) egongo da ikusgai, Golem zinematan. Gasteizen eta Donostian, barriz, barikutik hasita astebete egongo da karteldegian, zemendiaren 23tik 29ra. Donostian Trueba zinema-aretoan ikusi ahal izango da, eta Gasteizen Florida zinema-aretoan.

Filmak izan dauen jazarpenaren ondorioz arazo asko izan dira dokumentalaren promozinoan. Egun Entzutegi Nazionalaren ebazpenaren zain dagoz egileak.

Halan da be, urriaren 22an Bilbon estreinau zanetik 6.500 lagunek ikusi dabe Euskal Herriko 30 bat herritan. Aste honetan bertan, Azpeitia, Legazpi eta Zaldibian izango da ikusgai, eta ondoko asteetan, Durango, Oñati, Legutio, Markina, Oiartzun, Garazi, Urretxu, Laudio, Bermeo, Hernani zein Hazparnen ikusi ahal izango da besteak beste. Jirearen egutegi osoa www.zinez.net webgunean ikus daiteke.

Euskal Herriko birea amaitutzat emongo da urte amaieregaz batera. Momentu horretan, proiektuaren balorazino orokor bat egingo dabe arduradunak, prozesu osoan zehar gertatukoaren irakurketa bat eginez eta ikusle datu definitiboak emonez.

Bestalde, filmaren DVDa salgai egongo da Durangoko Azokan, Zinez Alkartearen standean.